ငဝ်ႈၵမ်ႇၽႃႇ 5

ၸိူဝ်ႉၶိူဝ်းလုၵ်ႈလၢၼ်ဢႃႇတၢမ်ႇတေႃႇၼူဝ်းဢႃႇ

(တူၺ်း၊ 1 ရႃႇၶျုၵ်ႈ 1:1-4)

1ၸရၢင်းၸူဝ်ႈလုၵ်ႈပၢၼ်လၢၼ်ၸိူဝ်ႉၶိူဝ်းဢႃႇတၢမ်ႇၸမ်ႉ၊ ၼႂ်းၶိင်ႇဝၼ်းဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ၵူၼ်းၼၼ်ႉ၊ ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်မၼ်းၸွမ်းၼင်ႇပုင်ႇႁၢင်ႈၽၢင်တူဝ်ၸဝ်ႈၵဝ်ႇဢေႃႈ။- 2မၼ်းၸဝ်ႈၽၢၼ်ႇသၢင်းႁဵတ်းပဵၼ်ၵူၼ်းၸၢႆးၵူၼ်းယိင်းလႄႈ ပၼ်တၢင်းလီဢေႃႈ။ ၼႂ်းဝၼ်းဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်ၼၼ်ႉၵေႃႈ မၼ်းၸဝ်ႈႁွင်ႉႁဵၵ်ႈၸိုဝ်ႈၶဝ်ဢႃႇတၢမ်ႇဢေႃႈ။- 3ဢႃႇတၢမ်ႇၼၼ်ႉဢသၢၵ်ႈလႆႈပၢၵ်ႇပၢႆသၢမ်သိပ်းပီႊလႄႈမီးလုၵ်ႈၸၢႆးမိူၼ်ၸိူဝ်ႉၼင်ႇပုင်ႇႁၢင်ႈမၼ်း၊ ႁၢင်ႈၽၢင်ဢၼ်လဵဝ်ၵၼ်တင်းမၼ်းလႄႈႁွင်ႉႁဵၵ်ႈၸိုဝ်ႈသေႇထႃႉဢေႃႈ။- 4ဝၢႆးသေမီးသေႇထႃႉၼၼ်ႉ၊ ဢႃႇတၢမ်ႇဢသၢၵ်ႈလိပ်းထူၼ်ႈပႅတ်ႇပၢၵ်ႇပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 5ဢႃႇတၢမ်ႇဢသၢၵ်ႈတဵမ်ၵဝ်ႈပၢၵ်ႇပၢႆသၢမ်သိပ်းပီႊလႄႈ တၢႆသေဢေႃႈ။

6 သေႇထႃႉၼၼ်ႉ ဢသၢၵ်ႈလႆႈပၢၵ်ႇပၢႆႁႃႈပီႊလႄႈ မီးလုၵ်ႈၸၢႆးဢေးၼုတ်ႉဢေႃႈ။- 7ဝၢႆးသေမီးဢေးၼုတ်ႉၼၼ်ႉ၊ သေႇထႃႉဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆၸဵတ်းပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 8သေႇထႃႉဢသၢၵ်ႈတဵမ်ၵဝ်ႈပၢၵ်ႇပၢႆသိပ်းသွင်ပီႊလႄႈ တၢႆသေဢေႃႈ။

9 ဢေးၼုတ်ႉၼၼ်ႉဢသၢၵ်ႈလႆႈၵဝ်ႈသိပ်းပီႊလႄႈ မီးလုၵ်ႈၸၢႆးၵႃႇဢီႉၼၼ်ႇဢေႃႈ။- 10ဝၢႆးသေမီးၵႃႇဢီႉၼၼ်ႇၼၼ်ႉ၊ ဢေးၼုတ်ႉဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆသိပ်းႁႃႈပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 11ဢေးၼုတ်ႉဢသၢၵ်ႈတဵမ်ၵဝ်ႈပၢၵ်ႇပၢႆႁႃႈပီႊလႄႈ တၢႆသေဢေႃႈ။

12 ၵႃႇဢီႉၼၼ်ႇၼၼ်ႉဢသၢၵ်ႈလႆႈၸဵတ်းသိပ်းပီႊလႄႈ မီးလုၵ်ႈၸၢႆးမႁႃႇလေႇလေႇလႃႉဢေႃႈ။- 13ဝၢႆးသေမီးမႁႃႇလေႇလေႇလႃႉၼၼ်ႉ၊ ၵႃႇဢီႉၼၼ်ႇဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆသီႇသိပ်းပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 14ၵႃႇဢီႉၼၼ်ႇဢသၢၵ်ႈတဵမ်ၵဝ်ႈပၢၵ်ႇပၢႆသိပ်းပီႊလႄႈ တၢႆသေဢေႃႈ။

15 မႁႃႇလေႇလေႇလႃႉၼၼ်ႉ ဢသၢၵ်ႈလႆႈႁူၵ်းသိပ်းပၢႆႁႃႈပီႊလႄႈ မီးလုၵ်ႈၸၢႆးယႃႇရိတ်ႉဢေႃႈ။- 16ဝၢႆးသေမီးယႃႇရိတ်ႉၼၼ်ႉ၊မႁႃႇလေႇလေႇလႃႉဢသၢၵ်ႈလိပ်းထူၼ်ႈပႅတ်ႇပၢၵ်ႇပၢႆသၢမ်သိပ်းပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 17မႁႃႇလေႇလေႇလႃႉဢသၢၵ်ႈတဵမ်ပႅတ်ႇပၢၵ်ႇၵဝ်ႈသိပ်းပၢႆႁႃႈပီႊလႄႈ တၢႆသေဢေႃႈ။

18 ယႃႇရိတ်ႉၼၼ်ႉ ဢသၢၵ်ႈလႆႈပၢၵ်ႇပၢႆႁူၵ်းသိပ်းပၢႆသွင်ပီႊလႄႈ မီးလုၵ်ႈၸၢႆးဢေးၼွၵ်ႉဢေႃႈ။- 19ဝၢႆးသေမီးဢေးၼွၵ်ႉၼၼ်ႉ၊ ယႃႇရိတ်ႉ ဢသၢၵ်ႈလိပ်းထူၼ်ႈပႅတ်ႇပၢၵ်ႇပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 20ယႃႇရိတ်ႉဢသၢၵ်ႈတဵမ်ၵဝ်ႈပၢၵ်ႇႁူၵ်းသိပ်းပၢႆသွင်ပီႊလႄႈ တၢႆသေဢေႃႈ။

21 ဢေးၼွၵ်ႉၼၼ်ႉ ဢသၢၵ်ႈလႆႈႁူၵ်းသိပ်းပၢႆႁႃႈပီႊလႄႈ မီးလုၵ်ႈၸၢႆးမထူႉသလႃႉဢေႃႈ။- 22ဝၢႆးသေမီးမထူႉသလႃႉၼၼ်ႉ၊ ဢေးၼွၵ်ႉၵႂႃႇၵႂႃႇမႃးမႃးလူၺ်ႈၵၼ်တင်းၽြႃးပဵၼ်ၸဝ်ႈ သၢမ်ပၢၵ်ႇပီႊတဵမ်တဵမ်လႄႈ၊ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 23ဢေးၼွၵ်ႉဢသၢၵ်ႈတဵမ်သၢမ်ပၢၵ်ႇႁူၵ်းသိပ်းပၢႆႁႃႈပီႊဢေႃႈ။- 24ဢေးၼွၵ်ႉၼၼ်ႉၵႂႃႇၵႂႃႇမႃးမႃးလူၺ်ႈၵၼ်တင်းၽြႃးပဵၼ်ၸဝ်ႈဢေႃႈ။ လိုၼ်းၼၼ်ႉမၼ်းဢမ်ႇမီး။ လွင်ႈမၼ်းၸမ်ႉ ၽြႃးပဵၼ်ၸဝ်ႈသိမ်းဢဝ်မၼ်းဢေႃႈ။

25 မထူႉသလႃႉၼၼ်ႉ ဢသၢၵ်ႈလႆႈပၢၵ်ႇပၢႆပႅတ်ႇသိပ်းပၢႆၸဵတ်းပီႊလႄႈ မီးလုၵ်ႈၸၢႆးလႃႇမႅၵ်ႈဢေႃႈ။- 26ဝၢႆးသေမီးလႃႇမႅၵ်ႈၼၼ်ႉ၊ မထူႉသလႃႉဢသၢၵ်ႈလိပ်းထူၼ်ႈၸဵတ်းပၢၵ်ႇပႅတ်ႇသိပ်းပၢႆသွင်ပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 27မထူႉသလႃႉဢသၢၵ်ႈတဵမ်ၵဝ်ႈပၢၵ်ႇႁူၵ်းသိပ်းပၢႆၵဝ်ႈပီႊလႄႈ တၢႆသေဢေႃႈ။

28 လႃႇမႅၵ်ႈၼၼ်ႉ ဢသၢၵ်ႈလႆႈပၢၵ်ႇပၢႆပႅတ်ႇသိပ်းပၢႆသွင်ပီႊလႄႈ မီးလုၵ်ႈၸၢႆးဢေႃႈ။- 29မၼ်းႁွင်ႉႁဵၵ်ႈၸိုဝ်ႈလုၵ်ႈၸၢႆးၼၼ်ႉ ၼူဝ်းဢႃႇလႄႈဝႃႈ၊ ၵေႃႉၼႆႉၸမ်ႉ၊ တၵ်းပဵၼ်ၵေႃႉဢၼ်တၵ်းႁႂ်ႈႁဝ်းသၢၵ်ႈသႃႇ လွင်ႈၵၢၼ်ငၢၼ်းႁဝ်း ဢိၵ်ႇတင်းတၢင်းဢၼ်ႁဝ်း ဢဝ်မိုဝ်းႁဵတ်းသၢင်ႈယၢပ်ႇၽိုတ်ႇၼႃႇ ၵွပ်ႈပိူဝ်ႈလိၼ်ဢၼ်ထႃႇဝရႃႉၽြႃးၵိၼ်ႇဝႃႈဝႆႉၼၼ်ႉဢေႃႈ။- 30ဝၢႆးသေမီးလုၵ်ႈၸၢႆးၼူဝ်းဢႃႇၼၼ်ႉ၊လႃႇမႅၵ်ႈဢသၢၵ်ႈလိပ်းထူၼ်ႈ ႁႃႈပၢၵ်ႇၵဝ်ႈသိပ်းပၢႆႁႃႈပီႊလႄႈ သမ်ႉမီးလုၵ်ႈၸၢႆးလႂ်တင်းလုၵ်ႈယိင်းလႂ်ဢေႃႈ။- 31လႃႇမႅၵ်ႈဢသၢၵ်ႈတဵမ်ၸဵတ်းပၢၵ်ႇၸဵတ်းသိပ်းပၢႆၸဵတ်းပီႊလႄႈ တၢႆသေဢေႃႈ။

32 ၼူဝ်းဢႃႇၼၼ်ႉဢသၢၵ်ႈလႆႈႁႃႈပၢၵ်ႇပီႊဢေႃႈ။ ၼူဝ်းဢႃႇမီးလုၵ်ႈၸၢႆး သေႇမႃႉ၊ ႁႃႇမႃႉ၊ တင်းယႃႇၽႅတ်ႈဢေႃႈ။

Currently Selected:

ငဝ်ႈၵမ်ႇၽႃႇ 5: CBMS

Tya elembo

Copy

Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo

Yekola Koleka na Ntina ya သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး

ငဝ်ႈၵမ်ႇၽႃႇ 5

Baverset oyo Eyebani Mpenza ewuti na
ငဝ်ႈၵမ်ႇၽႃႇ 5

Biblia:

Shan

Libongoli: သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး - CBMS