Psalms 139
139
1Ataniq, ihivriurangma ilihimaqpiaqtarma.
2Humilliqaaq pigiaruma, ilihimajutin, ungahiktumin ihumamnik kangiqhihainnaqtutin.
3Tautuliqtarma havaktillunga unaguiqhirlungaluunniin pijamnik ilihimajutin.
4Humigliqaaq uqaqtinnanga uqangniaqtamnik ilihimajutin.
5Ilvit avalugigangma amiriplunga hakugingnikkun.
6Uvapkun tamainnit ilihimaqpiaravin quglungnaqtuq itivallaaqhuni ilihimajamnun.
7Namulluunin qimangniaqpik ilingnin? Nanilikiaq qimangniaqtara najurniin?
8Majuraruma qilangmun tatpaaniittutin, atqaulirumaluunniin tuqungajun najugainun taikaniitkaluaqtutilli.
9Kivata avataanun tingiguma, nunaqarumaluunniin uataani ungahiktumi.
10Nalliani ilvit talvaniiniaqtutin tahiuquplunga ikajurumaplunga.
11Tukhiaruma taarnirmun uliquplunga qaumanirmulluuniin taaqhiiquplugu,
12Taaqtuq taanngittuugaluaq ilingnun, unuglu qaumaqpiaqtutun iliinnaqtuq; ilingnun taaqtuq, qaumajurlu atjikiikpiaramik.
13Ilvit hanavaktutin ilumnik iliplunga arnarma igliangani.
14Qujagigipkin iqhinaravin, havaatillu tamarmik arlingnaqtun hapingnaqtullu.
15Haunitka katimainaqtillugit arnama igliangani tautuktarma.
16Takuplunga anitinnanga. Pivikhamni piniaqtatka ilingni naunaiqhimajut humilliqaaq pilaatinanga.
17God, ihumatin ilitaqhinnaitpiaqtun uvamnun amigainmata tamarmik.
18Katitkupkin amigaitqijauhungujun hiurainnin. Tupagaiguma ilingniitkaluaqtunga aahiin.
19God qakugu huinniqijun tuqutaunialiqhutik ilingnin?
20Tapkua uqanugligijaatin, atqin uqautigilugu ihuittumik.
21Ataniq, iqihuligijatka tamaita iqihuligikpatin nakuugijunaiqtatkalu kitulliqaaq tuhaajumanngittun ilingnun.
22Iqihuligijatka amihumik akirarilugit tamaita.
23Ihivriurlunga, God ihumamnik ilihimalutin uuktuqpatjavarmalu ihumatka naunaiquplugit,
24Qiniriarlutin ilumni, ihuinaaqtumik piqaqhimaarama tahiunga apqutikhamnut. Nungulaitumun.
Currently Selected:
Psalms 139: AQ
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo