Logo ya YouVersion
Elilingi ya Boluki

Apositili 7

7
1Neke baho umutekedzi umukomi neke amuvudzage atigilage: ndavuli uveve dzili ndesi idzen’idzi?
2Neke umwene atigilage: „ńe vańa-ṅolo vangw’ańe na juńe ńe vadâda, mupulihidzage, lwe ndikuvalongela. Nguluvi umuńa-ndolo amuvonekye Abalahama udadisu, ve sali ave mu-Mesopotamija, ve asina adzenga mu-Kalana,
3neke amulongelage atigilage: uhamage mwilavwa lyako muno na mulukolo lwako, uhelelage ku-ńi ijingi, je ndilakuso-nelela june.
4Neke lino baho aha-mage mu-ńi ja va-Kalidaja neke adze adzengage mu-Kalana. Kangi avye afwe udadye, neke Nguluvi amuhamihidzage neke adzage amuvike muńi, je mwivujila lino uńeńe.
5Asamupelye ilipwela lya lilavwa nambi pavulivato vwa lwajo, neke ve sali ave nukuhola umwâna neke ahuvidzage atigilage ndilakupela juve nulûngo lwako, livedzage lyeńu pambele.
6Nalili nalyo Nguluvi amulongelye ṅani atigye: ulûngo lwako lulavedza lugendzi mu-ńi ja vêne, kwe valaludzusa lusutu, valalupumusa imyâka ma-gana gataji (400).
7Neke lino ikyene ikipelela kila, kye valaki-dzukila vasutu, ndilakihi-ga june. Kangi pambele valahama mumo, valandi-mila june pakivungu iki apa. Alongile evo Nguluvi.
8Neke lino baho Nguluvi amupelage ulufingo ulwa vusinge, neke amubabage Jidzikaka neke amusingage pakigono kya munana. Neke umwene Jidzikaka neke amubabage Jakovo neke Jakovo avababage avakatali visu vańikyumi na vavili, avańa-mitangilo.
9Neke avene avakatali visu avańa-mitangilo neke vamusinwage u-Josefe neke vamugulage mw-Egipiti. Neke lino umwene Nguluvi vavedzage lumwi,
10amupokage muvufi-ganidze vwakwe vonda neke amupelage nulusungu nuluhala kwa Paliho, umutwa va mw-Egipiti, neke amutemyage nuvutema vwa mw-Egipiti na muńumba jakwe jonda.
11Neke lino baho ligwidzage ilipunge mu-ńi jonda ja mw-Egipiti na mu-Kenagana neke jihulage ukufumbanilwa ukukomi hilo, navakatali visu vale-mwage nifya kuponela.
12Neke baho umwene Jakovo apulikage ukuta ifilyo mofili mw-Egipiti neke baho avatumage avakatali visu ululongodzi lula.
13Neke vavye vahelye ulwa vuvili, neke baho vamukagulage na Josefe avańa-ṅolo. Neke baho na Paliho nave neke akikagulage ikipelela kya Josefe, kwe ahumile.
14Neke baho Josefe atumage avanu avańa-ku-mwinula udadye na lu lukolo lwakwe londa, avańa-makyumi mufúṅàti navahanu pakyâńa (75).
15Neke baho Jakovo neke asulunukilage mw-Egipiti neke kwe akafwilage na jujo navakatali visu.
16Neke imifimba gyanavo vadzile vagisile mu-Sikeme mumilungu, gye agulile Abalahama nimâle ja Fesa kuvakina-Hemolo mu-Sikeme mumo.
17Neke lino guvye guhegēlye umwâka gwa luhuvidzo, lwe amufingye Abalahama Nguluvi, neke baho volokage vavedzage volofu mw-Egipiti mumo,
18ukufika bahe avone-kelaga umutwa ujungi, je asamudzelye u-Josefe.
19Neke je akiletelage uvubanga ikipelela kyesu neke avapumusage avakatali vesu, pe atigilaga vatagwage mwihala avâna vanavo avafyali, vatane ukuvedza vûmi.
20Neke pe pene pe aholelilwe u-Mose, neke na ju Nguluvi neke nave amuvonage ukuta mupunugafu mbando. Neke vamufuvililage muńumba ja dadye imyêdzi gidatu. Heb. 11, 23.
21Neke lino vavye vamuvikile kwihala neke amuholage umwanafyale use-Paliho neke amukudzage neke atigilage: mwâna vangu june umwene.
22Neke baho Mose avu-ngwage londa uluhala lwa va mu-Egipiti; na dze alimaga ali muhwadali.
23Neke lino avye agonile imyâka amakyumi gataji (40), neke ihodzage ijena munumbula jakwe neke atigilage: ndihelelage ngavalingule avańa-ṅolo vangu avakina Jisilahele.
24Neke lino baho akavonage jumwi itovwa hela kitāngula-nôngwa. Neke baho umwene amukengelage neke alumbage dza jujo, je apumukaga, neke amutovage umw-Egipiti.
25Neke umwene ahambulaga, valalufika avańa-ṅolo vakwe ukuta Nguluvi akuvagavila uvupoki mwivoko lyakwe. Neke avene vatanage ukulufika.
26Neke lino pakilavo ikingi kangi neke avavonekelage, pe vilwa vavo ṅani. Neke baho atigilage ndivatepudzage neke atigilage: ńane, musili vańa-ṅolo ss? Kangi mukwi-jananga kiki juńe ṅani?
27Neke lino baho jujo, je atigye amwanange hela umujagwe, neke je amudĭmage neke atigilage: je nani je akutemidze uveve, ukuta uvedzage ve mukomi, uvedzage ve muhĭdzi?
28Utigye umbulage najune vona, ndeve ukamu-vulige umw-Egipiti igolo?
29Neke baho Mose neke ahemukage palidzwi ili neke avedzage mugendzi mu-ńi ja va-Midyani. Neke kwe akaholage avâna vavili avakwamidzi.
30Neke lino kangi givye gidzumbile imyâka amakyumi gataji (40) neke baho amuvonekelage umuńa-mwandza va Nguluvi muluṅalaṅala lwa pakidunda Sinaji neke amuvoneke lage mululambo lwa môto mukituluga.
31Neke umwene Mose, pe akivwene ikilole iki, neke baho adzumage. Neke lino, pe ihegēledza, pe itigila ngakilole, neke apulikage ilidzwi lya mutwa likumukemela
32litigila: Je nene nde Nguluvi va vadado, nde Nguluvi va Abalahama nde Nguluvi va Jisikaka nde Nguluvi va Jakovo. Neke baho u-Mose ahililage neke ogopage nukudzilolela.
33Neke baho umutwa amulongelage atigilage: ufulage indatu dza mundzaho dzako, pakuva ikivungu, kye vwimile apa, eńi indzimike.
34Ndilolile unene ndivavwene pe vipumuka avanu vangu mw-Egipiti, ninguto najo ndipulike, lino ndikile mukuvapoka. Sule kuno lino, ndikutumage mw-Egipiti juve.
35Jujo ju Mose jula, je vamukanile, pe vatigilaga: je nani, j’akutemidze ukuta uvedzage ve muvina, uvedzage uli muhĭdzi, neke je Nguluvi amutumage jujo, avedzage mukomi jujo, avedzage mupoki jujo. Neke amutumilage mwivoko lya muńa-mwandza jujo, je amuvonekelaga pakituluga.
36Jujo neke avahedzage neke avonesage nimitu nifilŏle mu-ńi mw-Egipiti na muńandza idûṅu na muluṅalaṅala imyâka amakyumi gataji (40).
37Jujo u-Mose jula, je avalongelaga avakina-Ji-silahele pala, pe atigilaga: Nguluvi alavalamuhidza umuvidzi ujungi mu vańa-ṅolo aveńo, je ali nde nene.
38Jujo, je avedzasaga numuńa-mwandza mulukombeso muluṅalaṅala mula, je fyalonganaga pakidunda Sinaji na vakatali vesu, je anukilaga namadzwi amûmi, agakutupela unefwe.
39Neke lino avene avakatali vesu neke vamube-dage neke vamulopolage hela. Neke lino baho kangi inumbula dzanavo neke vadzilungikage mw-Egipiti.
40Neke valongage na Ahalono neke vatigilage: utuvumbilage avanguluvi avańa-kutulongolela, tuvwene u-Mose je atuhu-midze mu-ńi ja mw-Egipiti, tusikidzelye, kye atańanidze.
41Neke vavumbage iṅambako ifigono fifyo neke ilinguluvi lyanavo valiletelage uvusembe neke vakikēlelage ikinu, kye vavumbile va vene nama-voko ganavo.
42Neke lino baho umwene Nguluvi neke avambilage umugongo neke avasutulage ukuleka vakili-milage ikipuga kya kukyâńa, ndeve loliwe muhâte dza vavidzi ulwitigila: ńe va muńumba ja Jisilahel’ańe, pe mwage-ndaga muluṅalaṅala imyâka nakyumi gataji, mwanekye june isenga dzila nuvusembe vula?
43Neke ilihema lya mu-Moloko lye lyene lye mwanwike lilyo, mwanwi-ke nulutondwe lwa Nguluvi feńo Lemupana nifihwano fila, fye mwahongwe ifya kufifugamila. Dze dzene dze ndilavahamihidza mwambu jila ja Babele.
44Neke ilyene ilihema lya volesi vali nalyo avakatali vesu muluṅalaṅala ndesi, ndeve avalagye ju mwene, je fyalonganaga nu-Mose, ukuta liteganage nikihwano, kye ukivwene.
45Neke ilihema ili, vavye valyanukye avakatali vesu, neke baho vadzage nalyo mu-ńi iji nu-Jehoswa, pe vahālaga ińi ja vapivala, ve avahedzaga Nguluvi muvulongolo vwa vadadisu, lifikile na kufigono fya Davidi.
46Neke lino je mwene, je asavile ulusungu mumîho ga Nguluvi neke igongolelage ulwa kuta: Nguluvi va Jakovo nigye ndimusakulilage pavwikalo.
47Neke lino je Salomo, je amudzengelaga ińumba.
48Neke lino umwene j’alutye, ujo asigona muńumba, dze vadzengile namavoko. Ndeve ilonga na ju muvidzi, pe itigila:
49Ija kukyâńa kye kitêngo kyangu ikya vutwa. Neke ija pańi katêngo ka ndzaho dzangu june. Je ńumba jiki, je mwitigila mundzengele uńeńe? Itigila-vo umutwa. Nambi ikivungu kya vupolelo unene, kye kilikwi?
50Neke fyond’ifi siligavile ilivoko lyangu nda?
51Muswakatye isingo uńeńe ńe vagaja-kusingwa ninumbula namasikidz’ańe, mukumubeda mbêpali u-Mubepo umwîmike; vagitaga ndesi na vadadeńo, ve mwigita ndesi na juńeńe.
52Muvidzi ani, je angye ukufwimwa kuvadadeńo? Neke vavavulige vonda, avalongelaga ṅani idza kwadzila umugolofu uju, je mumudumukye najuńe lino neke mumuvulige. Mat. 23, 31.
53Ukugyanukila imilagililwe uko mugyanukye pamigelanihidze gya vańa-mwandza, neke ukugendela uko kwe musigendela.“ Gal. 3, 19; Heb. 2, 2.
54Neke lino vavye vapulike idzi, neke baho dzivakegetage mwileme neke baho vageledzulage namîno. 5, 33.
55Neke lino umwene, pakuva amumemile u-Mubepo umwîmike, neke baho aṅanukilage kukyâńa neke adzivonage indolo dza Nguluvi neke amu-vonage na Jesu, pe imile kwivoko ilya ndyo ilya Nguluvi, Luk. 22, 69.
56neke atigilage: lolage, ndikuvwene kudindwike kukyâńa na ju mwâna va munu nave ndimuvwene imile kulya ndyo lya Nguluvi.
57Neke baho avene vajojage mbando neke vasi-ndilage amatwi nifyâla neke vakunikilage mumuvili vonda hela neke vavedzage ngita valonganye ṅani. 22, 20.
58Neke baho vamudĭmilage kwivala lya kâja neke kwe vakamutovelage namaganga. Neke avene avolesi, avamudetelaga, neke imyênda gyanavo neke vagivikage mumagulu ga muvinano, u-Savulu ilitavwa lyakwe. Luk. 23, 46.
59Neke baho vamutodzage namaganga u-Setefana, neke umwene alapangilage atigilage: ve mutwa, ve Jesu, uveve vwanukilage umubepo gwangu. Luk. 23, 34.
60Neke lino baho afugamage neke inusage ilidzwi ilikomi neke atigilage: ve mutw’ave, utane ukuvahiga indzanangifu idzi! Neke lino baho agonelelage itulo dzamifwile.

Currently Selected:

Apositili 7: II

Tya elembo

Kabola

Copy

None

Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo