Apositili 2
2
1Neke pe kifikile ikigono kya kuvēla makyumi gahanu (Pendekositi) neke baho valundine vonda pamwinga.
2Neke baho vonage kisatu ikyujililo kihumile kukyâńa, guli ngita muvelo gwipula umukomi hîlo. Neke ikyugililo iki neke kimemage monda muńumba, mwe vikalile.
3Neke baho vavonage indimi idzili ngita dza môto dzikwigavasa dzikwima pakyâńa pavonda pa jumwijumwi. Mat. 3, 11.
4Neke baho vonda avamemage u-Mubepo umwîmike neke baho vamulage ukulongela mundimi imya hela, ndevye u-Mubepo avapelaga ukudzilonga dzonda. 10, 44-46.
5Neke vavujilaga mu-Jelusaleme mumo ava-Juda, avanu avisugīlilaga kwa Nguluvi, ava mufi pelela fyonda, fye vufigubikye uvulanga. 13, 26.
6Neke kivye kikugila ikyugililo iki, neke baho valundanage avanu ikipu-ga neke vatinukage, pakuva vapulikaga vilongela mu milongele gyanavo najula ijakwe najula ijakwe.
7Neke vonda vakuvilage neke vadzumangage neke vatigilage: mulolage vonda ava, avilonga ava, va si va-Galilaja ṅani?
8Kangi lino luli ndavuli, lwe twipulikila mundongele dzesu najula ijakwe najula ijakwe, mwe tula-mukye?
9Twe va-Paliti, twe va-Medi, twe va-Elamiti najufwe, je tudzengile mu-Mesopotamija na mu-Ju-daja na mu-Kapadokija na mu-Pondo na mu-Asija
10na mu-Filigija na mut’amupilija na mw-Egipiti na mumigola gya mu-Li-bija, igifudińine nija mu-Kilene na jufwe twe va-Loma, twe vagendzi, najufwe twe va-Juda, najufwe, je twingye uvu-Juda
11najufwe twe va-Keleti, najufwe twe va-Halabu, twivonda twipulikila mundongele dzesu inôngwa ingomi, dze agelanidze Nguluvi.
12Neke vonda vakuvilage neke vakagahalage neke vivudzage jumwijumwi vonda neke vatigilage: ino dzigita ndavuli idzi?
13Neke avangi vavajo-veledzage neke vatigilage: vagalile uvugimbi vwa vutoṅoni uvuńoṅańafu.
14Neke baho Petele ahangage navańikyumi na jumwi pakwima neke inusage ilidzwi lyakwe neke avalongelage atigilage: Ńe vajesu, ńe va-Juda na juńe mwivonda, je mwivujila mu-Jelusaleme muno, mudzikagulage idzi neke mutegage namatwi ku dze ndilonga;
15pakuva vasigālile ava nda, lwe mwandye mwidzova uńeńe; ndivwene lino je sala ja vudatu.
16Hamu, idzi dze dzila, dze alongaga umuvidzi Johele, pe atigilaga:
17„Nguluvi ilonga itigila: pakigono ikya kwapulila ndilavasukulila avanu vonda ifya Mubepo vangu, apo na va vâna veńo avakwamidzi navâna veńo avahindza valavĭla; neke avavinano valafivona ifigonelamutwe, apo navandzagila veńo valalōta amalōto;
18neke navavanda vangu avagosi navavanda vangu avadala navo ndilavasuku lila ifya Mubepo vangu pafigono fifyo neke navo valavĭla.
19Apo ndilavonesa nimitu kuvulanga kukyâńa nifidzumo pa-ńi pasi nidanda numôto nulûja lwa lyôsi;
20nilidzuva liladzuka kîsi numwêdzi guladzuka danda, ve sali kyave ukwadza ikigono kya mutwa ikikomi kya lweleluko,
21apo lulîma ulwa kuta: je akulitambula ilitavwa lya mutwa, je alanana jujo.“ Lom. 10, 13.
22Ńe vajetu, ńe vakina-Jisilahel’ańe, mupulihidzage, dze ndikuvalongela idzi: u-Jesu uva mu-Nasalete, umunu uju Nguluvi umweńo umo amuvo-nehidze na ga malimo aga ngufu nimitu nifilŏle, fye akivonesa Nguluvi vugenda nave mu mweńo muno, ndilonga, fye mufidzelye najuńeńe,
23jujo, je agotolilwe lu lwe akelye Nguluvi, ululagile, lwe aluvonye ṅani Nguluvi, je mwene je mwamutovelye pakipindulihidzo, mwamuvulagye namavoko ga vańa-kupunya. 4, 28.
24Neke Nguluvi amudzulubwise, amwavwe kumingo dza vufwe, idzavavaga, pakuva uvufwe vwalemwaga ukumuteludza umwene. 3, 15.
25Pakuva nulwa Davidi lulungamye ukwakwe ulwitigila: „Umutwa ndamuvonaga mbêpali ali muvulongolo vwangu, pakuva ali kwivoko lyangu ilya ndyo, ukuta nditane ukudengadenga.
26Kye jalekile jikinage inumbula jangu neke na lu lulimi lwangu nalo lwi-tova imbilikila. Ena na ji ńama jangu ja muvili jilapolela muluhuvilo.
27Uvûmi vwangu uveve usilavuleka kuvulungu nde mwêlulile vako, usilidika nukuta ndikumańe ukuvola.
28Undongye iṅasi idza vûmi, ulamemehedza nuluheko kumîho gako.“
29Ńe vâne, ńe vańa-lukolw’ańe, umwene umukatali visu Davidi muleke ndimulonge kyedza mutima, pakuva umwene afwe, vamusilile, imombwe jakwe tuli najo baha ukufika kukigono kya neńuli iki. 13, 36.
30Neke lino umwene, pakuva ali muvidzi, pakuva nukulukagula alukagwe ukuta Nguluvi amujigye nulujigo ulwa kuta: ulubeju lumwinga ulwa mukivuno kyako lulikala pakitêngo kyako kya vutwa,
31umwene, pe adzivo-nelaga ṅani, akulongaga ukudzulubuka kwa Kilisiti, pe atigilaga: asamulekile muvulungu nińama jakwe ja muvili jisilukagwe ulwa kuvola.
32Neke Jesu uju Nguluvi amudzulubwise kuvafwe, ulu twivonda tukulolela.
33Neke lino pe limwinwise kukyâńa ilivoko ilya ndyo lya Nguluvi, pe anukye u-Mubepo umwîmike kwa dadye, je amuhuvihidze, swe lino asukwe, ke mukukavona najuńe, ke mukukapulika.
34Umwene Davidi asinwike ponu kukyâńa neke kangi ilonga jujo itigila: „Umutwa alongile kwa mutwa vangu atigye: vwikale kwivoko ilya ndyo lyangu
35ukufika bahe ndilava-dzusihidza avatavanguvako kitêngo kya ndzaho dzako.“
36Neke lino mulukagulage kitalujadza mwivonda, ńe va muńumba ja Jisilahele ukuta: „Nguluvi amudzusidze mutwa, amudzusidze Kilisiti u-Jesu jujo, je mwamutovelye uńeńe pakipindulihidzo.“ 5, 31.
37Neke lino, vavye vapulike idzi, neke baho dzivahańage munumbula dzanavo, neke baho vavudzage ku va-Petele na ku va-Apositili avangi neke vatigilage: ńe vańa-ṅolo visw’ańe, tugitage ndavuli lino? 16, 30.
38Neke baho avalongelage u-Petele neke atigilage: „mupitukage mwivonda neke mudzabikilwage mwitavwa lya Jesu Kilisiti, ulwilīula uvuvodzo vwa ndzanangifu dzeńo neke mwanukilage nilipwela lya Mubepo umwîmike. 3, 17-19; Luk. 24, 47.
39Ululiuvidzo ulu lweńo juńe, na va vâna veńo navo lwanavo, navakutali navo lwanavo, avalakemelwa kwa Nguluvi, umutwa visu.“
40Neke avalongelage nagangi amadzwi amolofu na ga kolela na ga kuva-vunga, neke atigilage: munginanya kukipelela ikihaluka iki. Fil. 2, 15.
41Neke avene validihidzage ilidzwi lyakwe neke baho vadzabikwage; neke baho ikigono kikyo neke vingilage mulukombeso avańa-mbilima dzidatu (3000).
42Neke vadzumililage inôngwa, dze vavulanidza-ga av-Apositili, valumililage nulukombeso, valumililage nulwa kumega uvugali nulwa kulapangila. 20, 7.
43Neke lino vonda vuvagwilage uvogofi, pakuva av-Apositili vavonesaga nimitu nifilŏle ifyolofu.
44Neke vonda avafuvilwe neke vavedzage pamwinga neke fyonda vatigilage fya vuńāngi. 4, 32.
45Namapwela ganavo nifyûma fyanavo neke vafigulage neke vavagava-hidzage vonda vagelanihidzage pavuhangalavwa navo najula uvwakwe pakuvapēla.
46Neke ifigono fyonda neke vavedzage mutima gumwinga pakūmīlila mutembele na vu vugali neke vameguliṅasage muńumba dzanavo ndeve dzavelye neke ifilyo validzage avańa-numbulaidzikēla, ingajalungi. v. 42.
47Neke vamulumbage Nguluvi neke vasungu-kilwage na kuvanu vonda. Neke umwene umutwa avongeledzage na kila ikigono avananaga neke vahangage navo. 4, 4; 5, 14; 11, 21; 14, 1.
Currently Selected:
Apositili 2: II
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
New Testament in Bena © Bible Society of Tanzania, 1958.