Amós 6
6
Kweyi Israelen
1Niachraz ke re' zure kebikwize gan nzi Sión.
Niachraz ke re' ba xhenlallre zajzure Samarian,
re' nakre be'nn llnebia latj yell-li'on dan nak da braon,
na be'nn Israel ka' lled ake' raw ren nench'na llunle yel korchis ke ake'.
2Lechaj gan nzi calné, na le wia,
natell le'te gan nzi Hamat dan nak daxhen'na,
na wayetjte re' gan nzi Gat, gan nbane be'nn filisteos ka'.
¿Llakere lluntell re', ka' be'nn ka' sjalla latj yell-liw ka' yela cha?
¿Nakll latj yell-liw keren wenlle kerke ke le aken cha?
3Re' billenere gunle xbab, za' to lla da wlleyi re',
Axha yel kan llun keren, yezikre llzere gawchoch llan gak da kenxhie ke ren.
4Llatre llazirallre gan nonchawre konen luchj elefant ka',
na llbere xhirda'o llawre,
na bell ba zeraw nakll baxhenlle.
5Llkoellre bllaj, to nike yoze xneze dan llsillre llkadire ke Daviden,
na llayirjlallre da llsillre.
6Llajre yajlaw zu ke uva da llsulle re',
na dlli kwinle dala xhixh da zak lsake,
na bi llakzedere, ke yelyiachen de raw latj yell-liw keren.
7Zatk re' kwej ake' raw yellen,
na kone ka' wayull lni' ka' llunlen.
8Kwinkse Xanllon ba bnee: Nada' Dios, napa doxhente yelwaken ba bneksa kan ba bnian.
Llwiera yel yarall ke Jacoben,
llak'llrala yo' raw ke aken,
kelen'na wayak yell xhen ke aken, ke be'nn ka' llwiere le aken,
na dokenak da ka' sjalla rawen.
9Cha' lle'gan chi be'nn, gan sjalla ake' to lo yo', chi akte kweyi. 10Cha to be'nn bich loellj be'nn waten lline'e to lo yo' rill be'nn yubre, nench'na lljalise'e be'nn waten, na wnabre be'nn bich loelljen da lo yo'n, ¿Nazull be'nn yubre konen rwe' cha? Ka', nullno zu ne' be'nnen yo' lo yo'n, na ne' be'nnen bllin lo yo' rillen, lliteze bzu, le bigak wal-llo ra Xanllon.
11Le Xanllon wsele'e yel llsakzin lo yo' xhen ka', na lo yo' da ka' sjanak da dao, na yoyten wchochj walane.
12¿Wakrize chep kabay ka' le yaj bdinj ka' cha?
¿Wak ga'n bell ka' lo nista'on cha?
Katken nakre be'nn wednayen, ba benle dan zajze lixhejen bayaken da dlleyi,
na daxhixh ke dan ba zajze lixhejen, ba bayaken sla.
13To dakenxhie nak yel-llawe keren, na re' nere:
konen dan nakto be'nn waren, ba napto yelwak.
14Lewieyian wen be'nn Israelitas,
Xanllo Diozen nap doxhente yelwaken, ba bnee:
nada' wsela to kwen be'nn sjalla latj yell-liw,
be'nn zak rale na llelre
nench'na wsakzi ake' re'.
Currently Selected:
Amós 6: ZPUPAT
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo