Lúʼkáasʉ Lətú ŋwaʼa Lúʼkáasʉ
Lətú ŋwaʼa Lúʼkáasʉ
Cǒ tâʼ lóghʼtə yi pə́ lə fûŋ yé ńgó Lúʼkáasʉ lə ŋwaʼá ŋwaʼa wo.
A lə ghí jǐ ə́ nkʉ́ʉ Jâŋ Mbaptísʉ ghíʼ a pʉ̂ ńgó nzaʼ-nkʉ pə̌ ńtó, ə́ ndǎʼ ghíʼ Yěso pfǔ nci, Sə́tə pou nkwáʼtə́ yé (3.21–4.13).
Ə́ nkʉ́ʉ ləcǐ-mbî Yěso mbi lâʼ cər paghʼə-ngoŋ Galilêi yi a lə ŋáa ntsətə́ Nkəʉ Shʉʼʉ wó, ə́ mbǒu ngʉ̂ pəghou shwítə (4.14–9.50).
Ə́ nkʉ́ʉ ləŋəi Yěso lə̂ fú Galilêi ńdə́r tə nkə́u Yelúsalêm (9.51–19.28).
Ə́ nkʉ́ʉ məfaʼ Yěso Yelúsalêm (19.29–21.38) ghíʼ lə cʉ́ʼ ndyə́ghʼtə́ lə̂ ngwôʼ yi a lə kə́ nkôŋ pye-mə́soŋ koŋə́ tə njwó zěi mboŋə́ kwʉ́ ńté gháp (Kəm 22, 23).
Ə́ ngǐ myǎghʼ lə̂ ŋwáʼá ŋwaʼa ye, ə́ nkʉ́ʉ leʼé Pásʉ́ka (kəm 24). Ə́ yʉʼ yi zʉ́ Lúʼkáasʉ lə kə́u yʉʼ wó ńdéʼtə́ ghíʼ Yěso lə zʉ́ʉ lə̂ ləwʉ̂, ə́ nkwǎr mbi ngaŋə-jyêʼ-no yé laŋə́-ndə̂u Emayúsʉ, ə́ mbǒu nkə́ ncí ndáʼ no lə̂ ləkǒʼ lə̂ tʉ̌-lə́pû.
Tû-mbəʉ Lúʼkáasʉ laʼ ńgó a ŋwaʼa wo ŋwaʼa ndʉŋ-ndʉŋ ghíʼ məno mi ə́ pə́ cər wó lə leitə́ lə̂ məlʉŋə́ mə́lʉŋə́.
Currently Selected:
Lúʼkáasʉ Lətú ŋwaʼa Lúʼkáasʉ: NLA
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo