लूका 20
20
यहूदीयें थमां यीशु कन्ने सुयाल
1एक दिन ऐसा ओया के जेलै ओ मंदर च लोकें गी शिखया ते शोभ समाचार सना दा हा, तां प्रधान याजकें ते शास्त्री, केछ प्राचीन कोल आईयै खडोते; 2ते आखन लगे, “असेंगी दस, के तू इनें कम्में गी केस अख्त्यार कन्ने करना ऐं, ते ओ कोन ऐ जेनें तुगी ए अख्त्यार दिता ऐ?” 3ओनें उनेंगी जबाब दित्ता, “आऊँ बी थुआड़े थमां एक गल्ल पूछना ऐं; मिगी दसो 4यूहन्ना दा पवित्रशनांन सोर्ग थमां हा जां मनुक्खें थमां हा?” 5पी ओ अप्पुं बिचें आखन लगे, “जेकर अस आखचै, सोर्ग थमां, तां ओ आखघ, पी तुसें ओस उपर बश्वास कि नेई कित्ता?” 6ते जेकर अस आखचै, मनुक्खें थमां, तां सारें लोकें साड़े उपर पत्थर मारनें, किके ओ सचमुच जांनदे हे के यूहन्ना पविखवक्ता हा। 7खीरी च उनै जबाब दिता, “अस नेई जांनदे, के ओ कोदे थमां हा।” 8यीशु ने उनेंगी आखया, “तां आऊँ बी तुसेंगी नेई दसदा के आऊँ ए कम केस अख्त्यार कन्ने करना ऐं।”
दुष्ट कर्सानें दी मसाल
9पी यीशु लोकें कन्ने ए मसाल बोलन लगया; “कुसे मनुक्ख ने अंगुरें दा बाग लाया, ते कर्सानें गी ओसदा ठेका देई दिता ते मते धयाडें आसतै परदेस चली गीया। 10फल पक्क्नें दे बेलै ओनें कर्सानें कोल एक दास गी पेजया के ओ अंगुरें दे बागे दे केछ फलें दा ऐसा उसी देंन, लेकन कर्सानें उसी मारी-पिटीयै खाली अथ्थ बापस पेजी ओड़या। 11पी ओनें एक ओर दास गी पेजया, ते उनै उसी बी मारी-पिटीयै ते ओसदी बेईजती करियै खाली अथ्थ बापस पेजी ओड़या। 12पी ओनें त्रिऐ गी पेजया, ते उनै उसी बी काल करियै नसाई ओड़या।” 13पी अंगुरें दे बागे दे मालक ने आखया, “आऊँ के करां? आऊँ अपने प्यारे पुत्तर गी पेजगा, मत्त ओ ओदा आदर करन।” 14जेलै कर्सानें उसी दिखया ते अप्पुं बिचें वचार करन लगे, “ए तां वारस ऐ; आओ अस इसी मारी ओड़चै, के ए वरासत साड़ी ओई जा। 15ते उनै उसी अंगुरें दे बाग दे बार कढी यै मारी ओड़या एसकरी अंगुरें दे बाग दा मालक उन्दे कन्ने के करग? 16ओ आईयै उनै कर्सानें गी खत्म करग, ते अंगुरें दे बाग गी दुए गी सौम्पी ओड़ग।” ए गल्ल सुनीयें, उनै आखया, “परमेसर ऐसा नेई करै,
17“ओनें उन्दी आली बखी दिखियै आखया, पी ए के लिखा ऐ; जेस पत्थर गी राजमिस्त्रियें नकमा आखया हा, उवै कुने दा सिरा बनी गीया। 18जेड़ा कोई ओस पत्थर उपर किरग ओ चकना चूर ओई जाग, ते जेस उपर ओ किरग, उसी ओ पीह् ओड़ग।”
शास्त्रियें दी ते बड़े याजकें दी चाल
19उसै कड़ी शास्त्रियें ते प्रधान याजकें उसी पकड़ाना चाया, किके ओ समझी गेदे हे, के ओनें उन्दे खलाफ ए मसाल दिती ऐ, लेकन ओ लोकें कोलां डरदे हे। 20ते ओ ओसदी तक्क च लगे हे ते पेत्ती पेजे, के तर्मी दा पेश बदलीयै ओसदी कोई नां कोई गल्ल पकड़न, के उसी राजपाल दे अथ्थ ते कनून दे अख्त्यार च सौम्पी देन। 21उनै उसी ए पूछया, “ए गुरु, अस जांनदे आं के तू ठीक आखदा, ते सखांदा बी ऐं, ते कुसे दी तरफदारी नेई करदा; लेकन परमेसर दा रस्ता सच्चाई कन्ने दसदा ऐं। 22के असैं कैसर गी चुंगी देना ठीक ऐ जां नेई?” 23ओनें एस गल्लां थमां उन्दी चलाकी गी समझीयै उनेंगी आखया, 24“एक दीनार मिगी दसो। एदे उपर केदी मोर ते नां ऐ?” उनै आखया, “कैसर दी।” 25ओनें उनेंगी आखया, “तां जेड़ा कैसर दा ऐ, ओ कैसर गी दियो; ते जेड़ा परमेसर दा ऐ, ओ परमेसर गी दियो।” 26ओ लोकें दे सामनें एस गल्ल च उसी पकड़ नेई सके, लेकन ओदे जबाब कन्ने रांन ओईयै चोप्प रेई गै।
दवारा जिन्दा ओना ते बियाह
27पी सदूकी जेड़े आखदे न, के मरीयै जिंदा ओन्दे गै नेई, उन्देचा केईयें आईयै पूछया। 28“ए गुरु, मूसा ने साड़े लेई ए लिखा ऐ, जेकर कुसे दा प्रा अपनी जनांनी दे रौंदे ओई बिना औलाद दे मरी जा, तां ओसदा प्रा ओसदी जनांनी कन्ने बियाह करी लै, ते अपने प्रा लेई ओ अगली पीडी त्यार करै।” 29अच्छा सत प्रा हे, पैला प्रा बियाह करियै बिना औलाद दे मरी गीया। 30पी दुए, 31ते त्रिऐ बी ओस जनानी कन्ने बियाह करी लिया। इसै चाली सत्तें दे सत्त बिना औलाद दे मरी गै। 32सबनी कोलां बाद ओ जनानी बी मरी गेई। 33ऊन जिंदा ओनें उपर ओ उन्देचा कोस दी जनांनी ओग, किके ओ बारी-बारी सत्तें दी जनांनी ओई चुकी दी ही। 34यीशु ने उनेंगी आखया, “एस योग दियें औलादें च तां बियाह-शादीयां ओदीयां न, 35लेकन जेड़े लोक एस काबल ओगन, के ओस योग गी ते मरें दे बिचा जिंदे ओगन, उन्दे च बियाह-शादी नेई ओग। 36ओ पी मरने बी नेई; किके ओ सोर्गदूतें आला लेखा ओगन, ते जिंदा ओनें दी औलाद ओनें दे कारन परमेसर दे पुत्तर बी ओगन। 37लेकन एस गल्ल थमां के मोदे जिन्दे ओदे न, मूसा ने बी जलदी चाडी चा परकट कित्ता ऐ, ओ प्रभु गी अब्राहम दा परमेसर, ते इसहाक दा परमेसर, ते याकूब दा परमेसर, आखदा ऐ।” 38परमेसर तां मोड़दें दा नेई लेकन जिन्दे दा परमेसर ऐ; किके ओदे कोल सारे जिन्दे न। 39ओस बेलै ए गल्ल सुनीयै शास्त्रियें बिचा किन्नें लोकें ए आखया, “ए गुरु, तो ठीक आखया।” 40ते उनेंगी पी उसी केछ ओर पूछने दी इम्त नेई ओई।
मसीह दाऊद दा पुत्र जां दाऊद दा प्रभु?
41पी ओनें उनेंगी पूछया, “मसीह गी दाऊद दी औलाद कियां बोलदे न? 42दाऊद अप्पुं पजने दी कताब च आखदा ऐ प्रभु ने मेरे प्रभु क्न्ने आखया, 43मेरी सजी बखी बैठ, जेलै तकर के आऊँ तेरे बैरीयें गी तेरे पैरें दे तले दी चौकी नेई करी दियां। 44दाऊद तां उसी प्रभु आखदा ऐ; तां पी ओ ओसदा पुत्तर कियां ओया?”
शास्त्रियें दे खलाफ यीशु दी खबरदारी
45जेलै सारे लोक सुना दे हे, तां ओनें अपने चेलें गी आखया। 46“शास्त्रियें कोलां चकने रवो, जिनैं गी लम्मे-लम्मे चोगे लाना अच्छा लगदा ऐ, ते जिनेंगी बजारें च नमस्ते, ते प्रार्थनाकार च उच्ची जगै ते धामें च सबनी कोलां अगें बैठना अच्छा लगदा ऐ। 47ओ विधवें दे करें गी खाई जनदे न, ते दसन लेई बडे चेर तकर प्रार्थना करदे रौंदे न; ए बडी गै सजा पागन।”
Currently Selected:
लूका 20: DOG
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This work is licensed under Creative Commons Attribution-ShareAlike 4.0 License.