MATIUS 4
4
I Yesus nisal᷊ukateng
(Mrk. 1:12-13; Luk. 4:1-13)
1 #
Ibr. 2:18, 4:15 Bou e'e I Yesus niaha u Roh u Mawu Ruata sarang tana l᷊inggi tadeau pakisal᷊ukate su setang. 2Paupul᷊o su l᷊ou nge, paupul᷊o su huwi nge I Yesus tanukumang. Bou e'e i sie nakapundang nahutung. 3Setang nusumongo dingang u nangul᷊i, “Ware i Kau ko Ahusu u Mawu Ruata? Ho, parentai te manga watu tamai i'i pakakoa boroti.”
4 #
Ul. 8:3
I Yesus nusumimbahi, “Su l᷊al᷊ungu Buki Susi pia mawawohe: Taumata tawe muwiahi kitang bou boroti, kateho bou patiku didato ko nipudidato ngu Mawu Ruata l᷊ai.”
5Bou e'e setang numbawa si Yesus sarang Yerusalem, soa ko susi, dingang nundui si sie su tahiwuwungu Wal᷊e-Ngu Mawu. 6#Mzm. 91:11-12Mbuhue setang nangul᷊i si Sie, “Ware i Kau ko Ahusu u Mawu Ruata? Boko kere'e tumpate tanae, watu'u su Buki Susi pia mawawohe kiri'i:
‘Mawu Ruata sarung mundoi manga malaekat-E panintanuri si Kau,
i sire sarung maningka si Kau dingang u l᷊imangi sire,
tadeau l᷊aeru tamasangko su watu.’ ”
7 #
Ul. 6:16
I Yesus nusumimbahi, “Su l᷊al᷊ungu Buki Susi l᷊ai pia kawawohe, ‘Kumbahang i kau manal᷊uka Mawu Ruata ngu!’ ”
8Bou e'e setang sau numbawa si Yesus sarang wul᷊ure marange kahingang, nitiboe si Sie kaul᷊i u kararatuang su dunia dingang u kaul᷊i u ka kakalae. 9Mbuhue setang nangul᷊i si Yesus, “Kaul᷊ie tamai i'i daku i onggo si Kau, boko i Kau musuba manumba si sia.”
10 #
Ul. 6:13
I Yesus nusumimbahi, “Dako pangal᷊ing i kau setang! Su l᷊al᷊ungu Buki Susi mawawohe: Panumbate Mawu Ruata ngu, l᷊au putahamawu te si Sie sisane.”
11Panginsuenge setang nanintang I Yesus, dang manga malaekati nusumongo nutal᷊ung si Sie.
I Yesus nanita pul᷊ahal᷊i-E su Galilea
(Mrk. 1:14-15; Luk. 4:14-15)
12 #
Mat. 14:3; Mrk. 6:17; Luk. 3:19-20 Su tempo ngi Yesus nakaringihi i Yohanes nihukung, i Sie nutingkarau nakoa sarang Galilea. 13#Yoh. 2:12I Sie nanintangu Nazaret, bou e'e natana su Kapernaum su wiwihu Rano Galilea su Wanua ngi Zebulon dingang i Naftali. 14Ual᷊ingu I Yesus seng nukoa hal᷊i e'e, nariadi apang ko niul᷊i i Nabi Yesaya:
15 #
Yes. 9:1-2
“Tanangi Zebulon dingang tanangi Naftali,
sural᷊eng sarang rano, su simbukangu sal᷊uhu Yordan,
Galilea tana ngu taumata ko wal᷊inge tau Yahudi!
16Umati ko muwiahi su kararundung
seng nakawua kasasua nusuminang!
I sire ko natana su tampa kararundungu papate
seng nisinangu kasasua!”
17 #
Mat. 3:2
Bou tempo e'e I Yesus nanita nangul᷊i, “Putobate bou apang dosa ngi kumu, Ual᷊ingu Mawu Ruata seng maehong mamarenta musul᷊ungu Ratu!”
I Yesus nukumui si sire paukatau mukakisaghe
(Mrk. 1:16-20; Luk. 5:1-11)
18Su tempong I Yesus karal᷊enge su apengu Rano Galilea, i Sie nakawua si sire rua mukakisaghe, i Simon (ko i sigho l᷊ai si Petrus) dingang u tuaringe i Andreas. I sirerua kapanomae su Rano e'e. 19I Yesus nangul᷊i si sire rua, “Maite tuhu si sia. Ia sarung manintiro sirua manoma taumata.” 20I sire rua dingang nanintang soma i sire rua bou e'e nutumuhu si Yesus.
21I Yesus nurumal᷊eng turusi, bou e'e nakawua l᷊ai si sire rua tamahuari kowal᷊inge, i Yakobus sire rua ngi Yohanes, ana i Zebedeus. I sire tilu tahaghaghurang kapanambinge soma su ral᷊ungu sakaeng. I Yesus nukumui l᷊ai si sire rua. 22Dang i sire rua nanintang sakaeng dingang i papa ngi sire rua bou e'e nutumuhu si Yesus.
I Yesus nanintiro, nunasi dingang u nupakaul᷊engu taumata ko masasaki
(Luk. 6:17-19)
23 #
Mat. 9:35; Mrk. 1:39 Su Galilea, I Yesus nul᷊iku kaul᷊i u tampa dang nanintiro suapang wal᷊e pukakal᷊iomanengang. I Sie nuhabari Habaru mapia, uare Mawu Ruata sarung mamarenta. I Sie l᷊ai nupakaul᷊e ngu taumata masasaki dingang u apang ko pia kurangu badangi sire. 24Habaru hal᷊i I Yesus i'i seng nakeke su kaul᷊i u kampong su Siria, hakiu maul᷊i taumata nusumongo si Sie. I sire numbawa manga taumata ko masaki dingang u ko kaputatahangu turu. Manga taumata ko niwal᷊iuang roh dal᷊ai, ko pia saki wawi, dingang u ko kesohi, kaul᷊ie nipakaul᷊eng I Yesus. 25Maul᷊i taumata ko nutumuhu si Yesus su tempo e'e. Pia ko nusumongo bou Galilea, pia ko bou Soa Mapul᷊o, bou Yerusalem, bou Yudea, dang pia l᷊ai bou Soa su simbukangu Yordan.
Currently Selected:
MATIUS 4: LAISXN
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
2014 Indonesian Bible Society (Lembaga Alkitab Indonesia)