YAHYA PENGANTAR
PENGANTAR
Kitab Yahya niki, nyatayang bahwe Deside Isa nike Manik Allah saq kekel saq sampun jari manusie dait meneng léq antare ite. Maraq saq tesampéang dalem kitab niki, Kabar Solah niki tetulis siq maksut adéq pare pembacene bau percaye bahwe Deside Isa nike Almasih saq tejanjiqang – Ie Bije saq asalne léman Allah. Adéq éndah langan percaye léq Deside Isa ie pade mauq idup (20:31).
Sesampun pendahuluan saq nyatayang bahwe Manik Allah saq kekel nike Deside Isa, bagian penembéq kitab niki nyeriteang macem-macem keajaipan saq tepiaq siq Deside Isa. Keajaipan-keajaipan nike nyatayang bahwe Deside Isa nike Almasih saq tejanjiqang, Ie Bije saq asalne léman Allah. Sopoq-sopoq cerite mengenai keajaipan tebarengin siq bebaosan-bebaosan antare Junjungan Saq Mulie Deside Isa kance dengan-dengan. Léman bebaosan-bebaosan nike jari jelas napi saq tenyatayang siq keajaipan-keajaipan nike. Léq dalem bagian niki tenyatayang bahwe araq dengan saq percaye tipaq Deside Isa dait jari pengiring-Ne, laguq araq éndah saq nentang Ie dait ndéq mélé percaye léq Ie. Pasal 13-17 jelasang secare luas berembé akrabne Deside Isa kance pengiring-pengiring-Ne léq kelem sewaktu Ie gen tebau, dait berembé Ie nyiepang serte neguqang até ie pade léq kelem nike. Pasal-pasal penutuq nyeriteang mengenai berembé Deside Isa tebau dait teadilin, berembé Ie tepakuq léq kayuq salib, ninggal dait idup malik, dait berembé Ie nyatayang diriq-Ne tipaq pengiring-pengiring-Ne sesampun Ie idup malik.
Cerite mengenai dengan nine saq kendaitan kenyeke bezinah (8:1-11), tetamaq antare tande kurung beléq séngaq luwéq naskah dait terjemahan-terjemahan jaman laéq ndéq nulis cerite nike, laguq saq lain-lainne nulis cerite nike.
Dalem kitabne niki Yahya ngutameang paice, idup sejati dait kekel, saq teicanin siq Allah langan Almasih. Paice nike sampun mulai léq dunie, dait bau tealamin siq dengan-dengan saq nerimaq Deside Isa sebagé langan tipaq Allah, jari saq nyatayang Allah, dait jari saq ngicanin idup. Ciri husus Yahya nike perumpamean-perumpamean saq ie bait léman hal-hal sebilang jelo jari nyatayang kebenaran-kebenaran rohani, misalne: Aiq, ruti, cahaye, pengarat dait dombene, lolo anggur dait buaqne.
Daptar Isi
Pendahuluan 1:1-18
Yahya Pembaptis dait dengan-dengan saq penembéq jari pengiring Deside Isa 1:19-51
Pelayanan Deside Isa léq tengaq-tengaq masyarakat 2:1–12:50
Jelo-jelo penutuq léq Yerusalem dait dékét Yerusalem 13:1–19:42
Deside Isa idup malik dait nyatayang diriq-Ne 20:1-31
Penutup: Deside Isa nyatayang diriq-Ne malik léq Galilea 21:1-25
Currently Selected:
YAHYA PENGANTAR: LAISAS
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo