MATIUS 3
3
Yohanes Pembaptis Yuba Lelemok Yuba
(Mrk. 1:1-8; Luk. 3:1-18; Yoh. 1:19-28)
1Ban salek enyek, Yohanes Pembaptis ara Yudea sokok hwalek sam yeiniboka Imik Neyung yuba lelemok. 2#Mat. 4:17; Mrk. 1:15Alja lelemokaʾ ara, ”Imik Neyung adya mek anam wenelemnesilaʾ ara oka yal bok anasa, ugunja malya unaʾ ak ab ganya dangawolulum,” alamok. 3#Yes. 40:3Wera ban Yohanes enyek, nekoka Yesaya bedya ununumnaʾ dib lemokaʾ ara,
”Nimi ben hnon hwalek sam ab bii aboka, Wenelesilnya bemba ugunda pika yarawoka memelelulum, alsamba pika angawoka jaklelulum,
aboka lelemla,” hyok.
4 #
2Raj. 1:8
Yohanes bera alda unta pam honga akleng anyek ongolomok. Goukwa noronaĘľ ara bokaĘľ adya norolomok dara, denaĘľ ara kweng ab bei lusa mek ab delemok. 5Nimi nauba Yerusalem heikek ab hnon, Yudea moka nidyaĘľ nimi hnon, Yordan meka gemek sam soboka ulumek nimi nidyaĘľ ok berem mok nim era, Yohanes bek yalamek. 6Anya, sikja malya unaĘľ eib kweboka laga lelemek dara, Yohanes bedya Yordan mek ek dalasuk.
7 #
Mat. 12:34, 23:33 Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do? 8Ugunda malya unaʾ seleb eib kweboka ganya dangawoka lobek an beknaʾ enyek, wera laga gigiwoka ulululum. 9#Yoh. 8:33Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum! 10#Mat. 7:19Gal ara yarenga lelewoka weboka uka dabnamna senewoka orowek ya beibuk. Gala nidyaʾ perob doka mounggulumla gal era, weboka uk ak boboganamla,” hyok. 11”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya. 12Alja gandum hamaʾ webnaʾ anasa aboka seb yaramdenaʾ ara alja soruk ok seleb ulumla. Gandum nong ak dara, denaʾ beilin ek mamagoka beibnamla bok, hamaʾ ak dara, hyak mekaʾ sarangnaʾ orok uk ek sam dabnamla,” hyok.
Yesus Meka Dabok Yuba
(Mrk. 1:9-11; Luk. 3:21-22)
13Ban salek enyek, Yesus ara Galilea mok eb ara, Yordan mek inik sam bilimok. Wera anyek onob dara, Yesus ara Yohanes bek meka dabnenelem aboka molol yeilimok. 14Bok Yohanes bedya meka dabnenggununggen aboka Yesus ak, ”Nak danyek, neyung, anja meka dabnenesom. Bok wenyek dara, neyung anak nak an yalem!” hyok. 15Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.
16Seleb meka dabok dara, Yesus ara mek lomok abaʾ ara goboka welok enyek, wene sab-sab im pika gaboka, Imik Neyung Geisinya ara, bek wining enesoʾ anyek alak bul yinggyuk ak eibuk. 17#Kej. 22:2; Mzm. 2:7; Yes. 42:1; Mat. 12:18, 17:5; Mrk. 1:11; Luk. 9:35Anya imik sam ab yub adya Yesus anasa, ”Nadyaʾ wanaʾ me nera ban e, alja nadya ganya hekellilinel,” hyok.
Currently Selected:
MATIUS 3: LAINLC
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo