YOHANES 12
12
Yesus Ara Betania Heikek Ab Perob Meka Ngikek Yuba
(Mat. 26:6-13; Mrk. 14:3-9)
1Yahudi nim edya perob sum era li lambadya anam gweleganamla aboka ubek bok, Lazarus embengaĘľ suboka bukiyimoknya bedya heikek, Yesus ara yeilimok. 2Dara, anyagan Yesus amba masa youmek. Marta gera denaĘľ boklomookanya, Lazarus bera Yesus ab neikik bukoka delerek. 3#Luk. 7:37-38Ban salek enyek, Maria gedya hyak perob gen-gen songa ngikildan meka doboka, Yesus alja yan sang ak ngikemookanya, onoĘľ alja hong adya lubumok dara, sikja e nera neik mek song ok gee alamok.
4Bok, Yesus ab neikaʾ yuba doro diriga bannya si Yudas Iskariot bera eimik era, Yesus ak oblulum aboka yuba dil binimoknya bedya lebokja, 5”Hekasa ban perob song mek era, yok nim ek rupiah dekoka, dobsibya rupiah era bonaʾ garan ulumak nim ek eleganggunusibya do? Gibnaʾ hnonok wa weboka dolomak rupiah eneso danamso bok,” hyok. 6Yudas bedya wenhyoknya nera, alja bonaʾ garan nim enyek, wanaʾ uboka elegosununaʾ aboka lebnenggumok. Alda Yesus yuba doro diriga ban nanga rupiah beilinaʾ ara alja bo uboka, hnon hokaʾ doboka delemoknya nenesa lemok.
7Bok Yesus adya dara, ”Nak oboka sokok loknenija sum enesa, beknaʾ dibaʾ or nak unuwoulul bar, wenyanggom loblulum. 8#Ul. 15:11Wera, bonaʾ garan nim ek dara, ugun gangganek sobaʾ ulumnemak bok, nak dara, ugunub sobaʾ neikaʾ unggulumnemabaʾ anasa, or unululul,” hyok.
Lazarus Be Obnemab Abdek Yuba
9Yahudi nang nauba adya, Yesus ara, wera Betania heik ulumla an yuba kemek dara, Yesus amba ok gom, aladya Lazarus embengaĘľ suboka bukiyimoknya benesa hnon kendenobaĘľ aboka bilimek. 10-11Dara, alak embengaĘľ sumoknya nenesa leboka, nimi nauba ara Yahudi nang yuba loboka, Yesus ak nauba dib senewoka yalamekaĘľ anasa, Yahudi Imik Neyung yuba wa gakaĘľ dub nang edya, Yesus ab Lazarus beneba, nidyaĘľ neikaĘľ obnesab aboka, yuba salamek.
Yesus Ara Yerusalem Heikek Senenggomnya Danga Wekel Bilimok Yuba
(Mat. 21:1-11; Mrk. 11:1-11; Luk. 19:28-40)
12Yesus ara ampum so maboka gwelegok dara, nimi nauba Yahudi nim edyaĘľ perob sum anasa, yeilimek nim edya, Yesus ara heikek younunaĘľ aboka wera pikek yanggal anaĘľ kemek dara, 13#Mzm. 118:26wera sikda nimi nauba yogul meklaĘľ lebsalawoka Yesus ak eiya hlaboka pika dil biniboka alak giboka wenyalamek,
”Hosana! Wenelesilnya si amba yoknya, alak perobaʾ dangalalul! Israeli nimi dubnya bek perobaʾ dangalalul!”
wenyaboka lelemek. 14Dara, youmaĘľ ununumnaĘľ lelemek nang edya, al yanamla aboka momnya dobek yub enyek, gigiwoulul aboka, Yesus ara nim abaklesil pam, mek goubenya pam enyek, eiyimok dara, bukoka balamok. 15#Za. 9:9Momnya dobek yub era an:
”Wei, Sion heik nim o, ugunda lok ganya bonggom mem. Wera kendululum, anja dubnya bera mek goubenya keledai pam dubuk bukoka yanggal,”
alamek.
16Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaĘľ momnya domekaĘľ ara alsamba lebokaĘľ ak an, wen unulumek senewoka seinimek.
17Onoʾ, Yesus adya Lazarus bek goboka yalom amookanya, suboka embengaʾ bukiyimokaʾ ak nauba longowoka eiyimek nim edya dara, Yerusalem heikek alsamba nekoka yuba lero yabalamek. 18Yokaʾ-yokaʾ lok soʾ beknaʾ dibaʾ unululanya bera yalamla an yuba kemek dara, nimi nauba Yesus ak pika dibgiga el bilimek. 19Dara, Parisi nang edya sik moumen, ”Wera ugunda yokaʾ unuldalalumaʾ ara kendululum. Nimi soko nimi nidyaʾ ara alak wekel yalamakaʾ ara eillililum,” aldalamek.
Yesus SomoganamokaĘľ Anasa Laga Lebdok Yuba
20Dara, Yerusalem heik Yahudi nim edya perob sum anasa, yuba longowanamab aboka balamek sum enyek, Yunani nimi hnon neikaʾ makoka bilimek. 21Dara, sikda Betsaida heikek Galilea sokok abnya Pilipus bek biniboka, ”Neyung o, or senemen dara, nunda Yesus ab eibdeisibya senemabaʾ anasa yeilimab,” hyek. 22Dara wera, Pilipus bedya Andreas bek yuba bo bilimok dara, sikda neikaʾ Yesus ak wenyal bilirek.
23Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal. 24Nara ugunuk dib lebsin, gandum dok okoka sokok malyingginiboka blonaʾ orok dara, wera doka hnon ulmoublumnamso bok, soko lomok bloblya dara, yok doka nauba mengewoka gong liklamla. 25#Mat. 10:39, 16:25; Mrk. 8:35; Luk. 9:24, 17:33Heknedya alja nong unaʾ ek wanaʾ nauba uldalamla dara, eimik alja nong unaʾ weiningdowanamla. Bok, heknedya meneng nong ek sokok an wanaʾ uldanggulumla dara, eimik alak bo beiyiboka pe ulmoublemnamla. 26Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.
27Wenera nadya ganya soldob menegoka ubnelaʾ anasa, wera hekaʾ ak lebnamna do? Neyung o, nak wene salek or blebnelom henemna de? Orok, al nenesa unuwonunaʾ aboka yeilimsa,” hyok. 28Dara, Yesus onoʾ molowokaʾ ara, ”Neyung, anja si nek imik nenelelom,” hyok. Dara, imik ab yuba hnon doblinggoka lebokja, ”Youmaʾ hnon seleb imik nenewasebok, onoʾ hnon saaboka imik nenewanamna,” hyok. 29Yok nimi nauba anyagan seklemek nim edya dara, hnonda, ”Liming gururu amla,” alamek. Hnon yok nim edya dara, ”Lero enedya yuba salamla,” alamek.
30Yesus adya sikenek, ”Yalaʾ keblumnya nera, nasamba ubnenggublabok, nera ugunsamba leboka ubla. 31Wera, sokok an yana lelewanamla salek era, seleb yalaʾ anasa, sikja dubnya bera eleboka boboganamla. 32Bok nak dara, sokok anyek dara, imik nenewanelya dara, nimi nak gliboka eboka bo yanamna,” hyok. 33Nera Yesus anyek hekaʾ huboka somoganamna ella ulumoknya nenesa, sene orowek lel gogolomok.
34 #
Mzm. 110:4; Yes. 9:6; Yeh. 37:25; Dan. 7:14 Dara nimi nauba longomek nim edya Yesus ak lebekja, ”Nunda Musa bedya unuwanalum an yuba kemoubaʾ ara, nimi blebsinaʾ dubnya Kristus bera sob-sobaʾ ulmoublemnamla wenhyokaʾ ella ulumab bok anasa, nimi dibaʾ me nek eimik imik nenewanamla alamla dara, nimi dibaʾ me nera heknyek lelelam do?” hyek. 35Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla. 36Ugunda dilinaʾ mabo danalum aboka, dilinaʾ ugun gangganek anam ulumla salek enyek, dilinaʾ ak dib senewoululum,” hyok. Yesus ara wenyabgogomokaʾ seleb dara, sik gangganek loboka, yokok sam doknol bilimok.
Hekasa Yahudi Nim Era Yesus Ak Dib Senenggulumek Yuba
37Yesus adya nimi hogung ak yokaĘľ-yokaĘľ hyak lok soĘľ unulumok bok, sikda alak dib senenggulumek. 38Yahudi nim edya Yesus ak dib senenggulumekaĘľ damok era, Imik Neyung yub orowek ununumnaĘľ lelemoknya Yesaya bedya momnya dobokaĘľ anyek gigiwolulaĘľ aboka, unumek. Momnya domok yub era,
”Wenelesilimnya o, nunja lelemab yub era, heknedya dib senemla do? Hnon Imik Neyung migib ara heknyek laga amamla do?”
aboka dobok. 39Yesaya bedya ununumnaĘľ lelemok sok anasa, Yahudi nim edya Yesus ak dib senenggulumek. Yesaya yokok sam lemok ara ban:
40 #
Yes. 6:10
”Dara, heng adya pe eibijek, ganya adya pe seiniweijek aboka, Imik Neyung adya sikja henga luma neneiyisuk, onoʾ ganya su kiyiwousuk. Sikda pe eiyiboka pe seiniwoka ganya dangaweijekanya, meiriyiweisinyek aboka umsa,”
alamla. 41Yesus ak imik nenemokaĘľ anyek eiyiboka, Yesaya ara Yesus amba yuba lelemookanya, ban nidyaĘľ ara men lelemok.
42Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaĘľ ek weknaĘľ mem hisijek aboka, lok anasa, Yesus ak dib senelemab anaĘľ ara doknowoka lolomek. 43Ban unulumekaĘľ damok ara, Imik Neyung adya nuk perob senesin danagom, nim adya danyek nauba gigilesinok senewoka ulumek.
Yesus Yub Adya Eimik Yana Lelewanasil Yuba
44Dara, onoʾ Yesus adya laga sekoka bii aboka, ”Heknedya nak dib senelenel dara, alda nak ok dib senenggulunel bok, nak sokok bokol yeilinyoknya bek dib senelamla. 45Wera anasa, heknedya nak heng eilinel dara, alda seleb nak bokol yeilinyoknya bek eillilamla. 46Nak dib senelenija nim era, gunaʾ lomok ulumeijek aboka, nara imik abaʾ ara sokok an dilinaʾanya yeilimsa.
47Nara sokok an yana lelelesununaʾ aboka yanggumsa, soko nimi blebsununaʾ aboka yeilimsaʾ anasa, nimi ben hnon heknedya nadya yuba keleladyok pe ununggulumla dara, nara alak yana lelewanggunumna. 48Heknedya nak lek senewoka lolonelekanya, nadya yub ek dib donaʾ lolomla dara, alak yana lelewanalanya bera seleb orowek ulumla. Nera nadya lemsa yub edya sidyaʾ daknamla sum eimik alak yana lelewanamla. 49Yuba lelemnaʾ ara, nadya ok ganya seiniwoka lenggulumna. Bok neyung be na sokok bokol yeilinyoknya bedya, anyek wenyhenelam aboka orugonyokaʾ anyek lelesin. 50Imik Neyung bedya oruklesilaʾ ara, embengaʾ unaʾ eleklesilaʾ ara, nara ella ulumna. Anasa, hekaʾ ak nadya lelemnaʾ ara, neyung bedya anyek leb elegeisilom alamlaʾ anyek ok lelemna,” hyok.
Currently Selected:
YOHANES 12: LAINLC
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo