Marakusi Laluita to mopakanótó óntóꞌna sura
Laluita to mopakanótó óntóꞌna sura
Mouláꞌ toSarani hangkoia, sura deꞌe naukiꞌ hadua tobaleilo to rahangaꞌ Marakusi. Ia rauliꞌ woꞌo Iohane (básá Suro 15:37). Rungu-runguna ia mamporángá Paulu hai Baranaba (básá Suro 13:5). Upu onoꞌ, ia meuláꞌ i Peturuꞌ i polumaoraꞌ moánti Ngkóráꞌ Marasa. Apa to nahádi hangko i Peturuꞌ, iti miꞌi to naukiꞌ i lalu sura deꞌe.
Ane tabásá Ngkóráꞌ Marasa to naukiꞌ Marakusi deꞌe, taisá apa to nabábehi hai to napaturoꞌákeꞌ Iesu. Iesu mopahaweꞌ Ngkóráꞌ Marasa to manguliꞌ kaꞌina haweꞌna popárentána Pueꞌ Ala i duniáꞌ deꞌe (1:14-15). Ia makuasaꞌ mopakauriꞌ to tiꞌara nalalu hai makuasaꞌ woꞌo mampopesuwuꞌ setáꞌ to mesuaꞌ i tauna. Tadulako-tadulakoraꞌ toIahudiꞌ moewaꞌ Iesu, onoꞌ miꞌi haneꞌi mampeliꞌheꞌ rárá bona rapapate (3:6). Agáiáná Iesu moisá tunggáiáraꞌ hai Napopaisáꞌá miꞌi ami kaꞌina rapapateNa (8:31; 9:31; 10:33-34). Natunggái Iesu lao i Ierusale, láwiꞌ Natunggái mohuhuꞌ wátáNa rapapate mohómpóki tauna hangko i huku dósá (10:45). Hai karoona rapapate, Ia tueꞌ huleꞌ (16:1-8).
Tunggáiána Marakusi moukiꞌ sura deꞌe, bona mopakanótó i tauna kaꞌIesuna Datu Topehómpóꞌ, Ánáꞌna Pueꞌ Ala. (Básá 1:1,11,24; 3:11; 5:7; 8:29; 9:7; 14:61-62; 15:39.) To natunggái woꞌo, mopakaróhó pepoináláintaꞌ meuláꞌ i Iesu bona ina tetidaꞌkeꞌ oaꞌ, kehapiꞌ apa miꞌi to merampe (básá 8:34-38; 10:29-31).
Óntóꞌna
1. Pantepuꞌuána pobágóꞌna Iesu Kerisitu, Ánáꞌna Pueꞌ Ala (1:1-13)
2. Iesu mepaturoꞌ hai mopatongawaꞌ kuasaꞌNa i tampoꞌ Galilea (1:14–6:13)
3. Iesu mepaturoꞌ hai mopatongawaꞌ kuasaꞌNa i wánuá-wánuá to hungkuꞌ i tampoꞌ Galilea (6:14–8:30)
4. Iesu lao i Ierusale bona rapapate (8:31–10:52)
5. Pobágóꞌna hai paturoꞌna Iesu i kótá Ierusale (11:1–13:37)
6. Iesu rahakaꞌ hai rapapate (14:1–15:47)
7. Iesu tueꞌ huleꞌ (16:1-20)
Currently Selected:
Marakusi Laluita to mopakanótó óntóꞌna sura: NTBEP
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bahasa Behoa Shorter Bible © Indonesian Bible Society, 2015.