Ra Vei Hira Yarisula 20
20
NA SOPENA 20.
1Tau na roro mosori, Paul moore ra uluo hina tesumai mea, moturaturahi mera, molaho sura vano me Masitonia.
2Tau molaho tali natuha, molalaa ra tari mono, mosumai me Kris. Motohoae hapatia motolu.
3Hisa momeje na hapani me Siria, ra Ju tepunira sura losia; suria moaso motaliliu me na rio me Masitonia.
4Sopater hi Perea molaho valuia me Esia; hire tajua hi Tessalonaika, Aristarkus na Vaharua; Kaius hi Terpe, me Timote; hi Esia Taikikus me Trovimus.
5Ra tajua naa telaho majiha, telohotija me Troas.
6Tohapani me Vilipai, tau ra rani hina hanihani mosasihe. Tomalua mera me Troas me na pohi lima; tototohoae na pohi limaraverua.
7Me na majihana pohi na sapat ra uluo hi Iesu tehuhurahi suri na hanihani tapu, Paul molalaa mera, momeje laho inovi maa; tomolalaa me na liviihana pohi.
8Na pula motavere me na pea veae tehuhurahi.
9Na uluo motea, na hisena Eutaikus mosihe me na tarajeri, monavu tahajia: suria Paul molalaa momatamatasusuruvi, mojovi me na vahatoluna pea, teaurahai, teninima momate.
10Paul mosumai, monavu me na vusuhana, mohuhuvia, moaso, Ototena mamahanu, momauri reji.
11Motasahe me vusuhana pea, molava hana, mohani, moaso paravu vahatea na maso momaraha, natuha molaho.
12Mine telavi tuhe na uluo momauri, teejieji suria.
13Hije tolaho majiha. Tovano me na ure, tohapani me Assos, natuha tomeje na lavi Paul: suria movaraija palea, inie momeje na laho me na ulu.
14Hisa mopasuaja me Assos tolavia me na ure, tomalua me Mittilene.
15Tohapani ture natuha, inovi maa tomalua taroroi me Samos, totoho me Trokilium, inovi maa me Mailitus.
16Paul momeje na hapani me Evisus, suria mosa-meje na toho me Esia. Morovo vileahi sura lavi Jerusalem me na rani hina Lotu suri na Heliheli.
17Me Mailitus mosula me Evisus, motuhara varese hina lotu;
18Hisa tesumai mea, moaso mera, “Otopinisi me na rani majiha amalua me Esia ra sanu avera me na rani vunuvunu,
19Avarao suri na Moli, na lolou motamautu, vaha-tari atahi me ra sanu tevei tap-usiau, suria ra Ju tepunira sura laviau,
20Asapuni ra sanu tahonai motea me amiu, maa avaraiamiu, apiseamiu me na vuati hina vau, me ra peamiu mono,
21Avaraira Ju, ra tajua Kris tesijomi me Atua, tesirohoroho me Moli Iesu Kristo,
22Varihi, asivano me Jerusalem, asapinisi ra sanu temklua meau natuha.
23Maa na Talume Tapu mopiseau ra hajiri me ra mamahanu tetitoho meau me ra vanua vunuvunu,
24Maa saite sanu mohorohoroau, asaninima na seu mauri motahonai tohova meau sura asori na seu laholaho valui na ejieji, me na varao na Moli Iesu Kristo morahu ta meau, sura lalaa na leo tahonai suri na tahonai hi Atua.
25Varihi apinisi amiu, isei alalaa suri na vonae hi Atua, otosareni na pahou vahatea maa.
26Suria avaraiamiu na havui avoevoe suri ra tajua vunuvunu,
27Asasori na lalaa ta me amiu ra rio hi Atua.
28Otomata hije, ra vorotajua, isei na Talume Tapu moveamiu otovarese, otosi-vahanira uluo hi Atua isei movolira hina jaena.
29Apinisia tau alaho, ra sanu tahaila teruhusahamai pa taitali amiu, tetapusi vei leelee na voro tajua.
30Mono valura tajua hije temaraha, teaso pa ra sanu tesataharahu, tetapusi lavituhera uluo valuira.
31Suria ototirora, otosininima na tauni motolu asasori na varaiamiu me Dohi me na rani atahi.
32Varihi, Tuahau, arahu amiu me Atua, me na loena tahonai, mopinisi na veiamiu otohauhaua, morahu ta me amiu ra pilamiu vonae me ra uluo hi Atua
33Mine asameje na sule-voe, na sule-hahara, na visivisi pile te tajua.
34Io, otopinisi ra haveu teravarao suri ra sanu amejeira, me ra tajua tetitoho valuiau mono.
35Apiseamiu ra sanu vunuvunu, paleve otosivarao suri ra tajua tahamalumulumu, otosininima ra leo hi Moli Iesu, paleve moaso, “Na rahuvuso motahonai jivi na lavia.”
36Hisa moaso palahi, motieoau, momatapisi valuira vunuvunu.
37Hire vunuvunu tetahi tahajia, tehuhuvia, tejomi na parina.
38Tejomi tahajia tohova suri ra leo moaso, tesareni na pahona vahatea maa. Telaho valuia me na ure.
Currently Selected:
Ra Vei Hira Yarisula 20: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.