Luka 17
17
1Ni ekē̱ ekaselo̱i le̱ ake̱: Befẽbe ní fe le̱ dša nanetõtõmo̱ sãdši ba; ši kpóo hã moni ame̱tšṍo̱ eno̱ ke̱-baä le̱!
2Fãṅ noni ake̱ tedši-w̌ie̱ ṅmõ ekue̱ ni ayašé̱le̱ afõ ṅšo̱ṅ fè noni eetõtõ bibii ne̱ ateṅ mokome nane le̱. Mat. 18,6. 7.
3Nyekwe̱a nyehe ní ahĩa! Ke̱dši onyemi tõ ono̱ le̱, kã ehĩe; ni ke̱dši efa ehe le̱, ṅō-fale̱. Mat. 18,15.
4Ni ke̱dši šii kpawo etõ ono̱ gbĩ kome, ni esā ekũ ese̱ eba oṅõ šii kpawo gbĩ kome ni ekē̱: “Miſa mihe” le̱, ṅõ-fale̱. Mat. 18.21. 22.
5Ni bo̱foi le̱ kē̱ Nuṅtšo̱ le̱ ake̱: Fatamo̱ wo̱hemo̱-ke̱-yeli le̱ he ohãwo̱! Mar. 9,24.
6Ši Nuṅtšo̱ le̱ kē̱: Ke̱dši nyeye hemo̱-ke̱-yeli tamo̱ sinapi kuli le̱, kũle̱ nyeakē̱ sikaminotšo ne̱ ake̱: Fã ke̱ ošišifã ní oyamã ṅšo̱ṅ! ni eebonye toi. Mat. 17,20; 21,21.
7Ši nyeteṅ namo yo̱ tšũlo̱ ní eke̱ tšinakō̱i mīhũ alo ēlè̱ koloi, ni ké̱ edāe̱ ṅmõsi eba pe̱ le̱, eekē̱le̱ ake̱: Batá ši mrãmrã ní oye nii?
8Ši ekē̱ṅle̱ moṅ ake: Sāmo̱ noni mibaye le̱ oto, ni omĩa koni osúmo̱mi ní maye nii ní manu noko dã, ni no se̱, koni bo hũ oye nii ni onu noko?
9Ani eeda nakai tšũlo̱ le̱ ši, ake̱ efe noni afã́le̱ le̱? Mikpaa ši.
10Nakai noṅṅ nye hũ, ké̱ nyefe nibii fẽ ní afã́nye le̱, nyekē̱a ake̱: Tšũdši ni he be̱ se̱námo̱ ko dšiwo̱; noni dši wo̱gbe̱na ake̱ wo̱tsuo̱ le̱, no pe̱ wo̱tšu ne̱.
11Ni eba mli ake̱, beni enyie gbe̱ ke-yaä Ierusalem le̱, eyatšṍ Samaria ke̱ Galilea teṅ. 9,51; 13,22.
12Ni beni eyabote maṅ ko mli le̱, hĩĩ kpitiyelo̱i nyoṅma ke̱le̱ kpe, ni ame̱damo̱ se̱ fle̱ṅṅ, 3 Mose 13,45. 46.
13ni ame̱wo ame̱gbē ame̱kē̱: Nuṅtšo̱ Iesu, nawo̱ mo̱bo̱!
14Ni beni enaame̱ le̱, ekē̱ame̱ ake̱: *Nyeyaā nyeke̱ nyehe ayatšõa oso̱foi le̱. Ni eba mli ake̱, beni ame̱yaä le̱, ame̱he tã. *5,14. 3 Mose 14,2.
15Ši ame̱teṅ mokome le̱, beni ena ake̱ atšále̱ le̱, ekũ ese̱ ke̱-ba, ni eke̱ gbē wale bawo Nyoṅmo̱ hĩe nyam.
16Ni eke̱ ehĩe babu ši ye̱ enãdši aši, ni edale̱ ši. Ši mone̱ le̱ Samarianyo ni.
17Ni Iesu here no̱ ekē̱: Ani dšee mei nyoṅma he tã le̱? ši mei ne̱hũ le̱, nẽgbe̱ ame̱yo̱?
18Aso anaa ame̱teṅ moko ni kũo̱ ese̱ eke̱ anumnyam bahãa Nyoṅmo̱, ake̱ dša maṅse̱nyo ne̱?
19Ni ekē̱le̱ ake̱: Te ši ní oya; ohemo̱-ke̱-yeli etšáo! 7,50.
20Ni beni Farisifoi le̱ bile̱ ake̱: Té be ní Nyoṅmo̱ maṅtše̱yeli le̱ aaba le̱, eto he ehãame̱ ni ekē̱: Nyoṅmo̱ maṅtše̱yeli le̱ baa take̱ noko ní anaä; Ioh. 18,36.
21ni asaṅ ame̱kē̱ṅ ake̱: na, eye̱ bie̱! álo: na, eye̱ dše̱i! edšake̱ na, Nyoṅmo̱ maṅtše̱yeli le̱, nyemli eyo̱. Mat. 24,23.
22Ni ekē̱ ekaselo̱i le̱ ake̱: Gbĩĩ aaba ni nyeatao gbomobi le̱ gbĩĩ le̱ ekome nyena, ni nyenaṅ.
23Ni ame̱akē̱nye ake̱: Na, eye̱ bie̱! alo: na, eye̱ dše̱i! nyekayaä ni nyekanyiea se̱. 21,8.
24Edšake̱ take̱ boni srawa gbaä ní ehãa ṅwei šiši afã kome tšeo̱ ke̱-yaä ṅwei šiši afã kroko le̱, nakai noṅṅ gbomobi le̱ batamo̱ ye̱ egbĩ le̱ no̱. Mat. 24,26. 27.
25Ši kleṅkleṅ le̱ dša ena amanehũlũ babaō, ní ne̱ke̱ yino̱bii ne̱ kwale̱. 9,22.
26Ni bo̱ni ba mli ye̱ Noa gbĩĩ le̱ amli le̱, nakai noṅṅ baba ye̱ gbomobi le̱ gbĩĩ le̱ amli hũ; Mat. 24,37-39.
27ame̱mīyeyē nii, ame̱mīnunū dā̃i, ame̱mīw̌e̱w̌ē̱ yei ni ake̱ame̱ mīhã gblã ke̱-yaši gbĩ no̱ ní *Noa bote adeka le̱ mli ní nu afua le̱ ba ni ebakpãtã ame̱fẽ-kwa ame̱hĩe le̱. *1 Mose 7,7-28.
28Asaṅ bo̱ni ba mli ye̱ Lot gbĩĩ le amli hũ le̱: ame̱mīyeyē nii, ame̱minunū dā̃i, ame̱mīhehei, ame̱mīhõhō̃ nii, ame̱mīte̱o tšei ni ame̱mīmãmo̱ tšũi;
29ši gbĩ no̱ ní Lot dše Sodom le̱, Nyoṅmo̱ ne̱ la ke̱ swō̱ ke̱-dše̱ ṅwei, ni ekpãtã ame̱fẽ-kwa ame̱hĩe. 1 Mose 19,15. 24. 25.
30Nakai noṅṅ kẽ baba gbĩ ní aadšie gbomobi le̱ kpo le̱.
31Nakai gbĩ le̱ no̱ le̱, moni yo̱ tšũyiteṅ ní enii yo̱ šĩa le̱, akakpleke ši ebakŏ̱lo̱, ni moni yo̱ ṅmõši hũ akakũ ese̱ ke̱-mība. Mat. 24,17. 18.
32Nyekaia Lot ṅã le̱! 1 Mose 19,25.
33Mofẽmo ní taoo̱ ake̱ ebā esusuma yi le̱, eelādšele̱; ši mofẽmo ni aalādšele̱ le̱, eehere eyiwala. 9,24.
34Mīkē̱nye ake̱: Nakai nyō le̱ṅ le̱ mei enyo̱ aakãmo̱ sā kome no̱: aaṅõ mokome, ni aašĩ mokome.
35Yei enyo̱ aaw̌ie̱ ye̱ hekome: aaṅõ mokome, ni aašĩ mokome. Mat 24,40. 41.
36Mei enyo̱ aahī ṅmõši: aaṅõ mokome, ni aašĩ mokome.
37Ni ame̱here no̱ ame̱ke̱le̱ ake̱: Nuṅtšo̱, nẽgbe̱? Ši ekē̱ame̱ ake̱; Heni gbonyo kã le̱, dše̱i okropoṅi buaä ame̱he nā ye̱. Mat. 24,28.
Currently Selected:
Luka 17: GBV96
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Bible in Ga © Bible Society of Ghana, 1896, 1992.