Luka 14
14
1Ni eba mli ake̱, beni ete Farisifoi le̱ anukpai le̱ ateṅ mokome we niyeli ye̱ hedšō̱mo̱gbĩ le̱ no̱ le̱, ame̱srale̱. 6,6-11; 11,37.
2Ni na, nū ko ye̱ ehĩe ní ēye fū̃mo̱-hela.
3Ni Iesu here no̱ ni ekē̱ mlatšõlo̱i le̱ ke̱ Farisifoi le̱ ake̱: Ani edša gbe̱ ake̱ atšáa mo ye̱ hedšō̱mo̱gbĩ le̱ no̱ lo?
4Ši ame̱foo edāṅ. Ke̱ke̱ ni emõ emli ni etšále̱, ni edšiele̱ gbe̱ ake̱ eya.
5Ni yadše enā le̱ ekē̱ame̱ ake̱: Nyeteṅ namo ni, ké̱ etedši lo etšina yagbe nubu mli le̱, eyadšieṅle̱ amrõ le̱ noṅṅ ye̱ hedšō̱mo̱gbĩ le̱ no̱? 13.15. Mat. 12,11.
6Ni ame̱nyẽẽ ene̱mei ahe hetō ame̱hãle̱ doṅṅ.
7Ni beni eyo bo̱ni ame̱halaä onukpai atrámo̱hei le̱, ebu mei ní akpēame̱ le̱ abe̱, ni ekē̱ame̱ ake̱: Mat. 23.6.
8Ké̱ moko bakpēo ke̱-te yōkpēmo̱ okplõ he le̱, kāyatá yitšogbe̱, ekole̱ aleenõ ekpẽ moko ní hĩe yo̱ nyam fèo,
9ní moni bakpē oke̱le̱ fẽ le̱ akaba ní ebakē̱o ake̱: Hã mone̱ gbe̱! ni no le̱ oke̱ hĩegbĕle aayatá šišigbe̱.
10Ši moṅ, ke̱dši akpēo le̱, ya ní oyatá šišigbe̱, koni, ké̱ moni bakpēo le̱ ba le̱, ní ebakē̱o ake̱: Šientše̱, ba yitšogbe̱. No le̱ ohĩe aaba nyam ye̱ mei ní oke̱ trá ši le̱ fẽ hĩe.
11Edšake̱ mofẽmo ní wóo̱ ehe no̱ le̱, aabale̱ ši, ni moni baä ehe ši le̱, aawó eno̱. 18,14. Mat. 23,12.
12Ši ekē̱ moni kpēle̱ le̱ hũ ake̱: Ké̱ oṅmẽ ſane lo gbe̱ke̱ okplõ le̱, kātsé̱ ošientše̱mei lo onyemimei lo owekumei lo okutšoṅ niiatše̱mei, koni aleenõ ame̱ hũ ame̱kpēo eko ame̱to nãdšiaṅ.
13Ši ké̱ oṅmẽ okplõ le̱, kpēmo̱ ohĩafoi ke̱ kpadšelo̱i ke̱ akpakei ke̱ ſilafoi moṅ, 5 Mose 14,29.
14ni aadsō̱o, ake̱-ní ame̱ le̱ ame̱be̱ noko ní ame̱ke̱-atoö nãdšiaṅ le̱; edšake̱ aatoö nãdšiaṅ ye *dšalo̱i ašitē le̱ mli. *Ioh. 5,29.
15Ni beni mei ni ke̱le̱ trá niyenii aši le̱ ateṅ mokome nu nii ne̱ le̱, ekē̱le̱ ake̱: Adšō̱ moni yeo̱ abolo ye̱ Nyoṅmo̱ maṅtšeyeli le̱ mli! 13,29.
(14,16-24. Mat 22,2-10)
16Ši ekē̱le̱ ake̱: Nū ko ṅmẽ okplõ kpeteṅkple, ni ekpẽ mei pī;
17ni beni še̱ niyelihe le̱, etšũ etšũlo̱ ake̱ eyakē̱ mei ní akpē le̱ ake̱: Nyebaä, edšake̱ ágbe nibii fẽ nā.
18Ni ame̱fẽ-tſem ame̱bõi lakpa kome tō. Kleṅkleṅmo le̱ kē̱le̱ ake̱: Mihé abō̱ ko ni efĩmi ake̱ mate ni mayakwe̱; mīkpao fai ní ona ohãmi.
19Ni mokroko kē̱: Mihé tšinai ntai enumo̱ ni miya mayakaame̱ makwe̱; mīkpao fai ní ona ohãmi.
20Ni mokroko hũ kē̱: Mikpē yō, ni nohewo̱ le̱ minyẽṅ maba. 1 Kor. 7,33.
21Ni ne̱ke̱ tšũlo̱ ne̱ ba ni ebadšadše nii ne̱ fẽ etšõ enuṅtšo̱ le̱. Ke̱ke̱ ni šĩatše̱ le̱ mli fũ, ni ekē̱ tšũlo̱ le̱ ake̱: Dše kpo mrãmrã ke̱-ya mã le̱ṅ blohũi le̱ ke̱ fo̱dši le̱ amli, ni oyaṅõ ohĩafoi ke̱ kpadšelo̱i ke̱ ſilafoi ke̱ akpakei ke̱-ba bie̱.
22Ni tšũlo̱ le̱ kē̱: Nuṅtšo̱, áfe bo̱ni okē̱ le̱, ši kẽle̱ gbe̱ ye̱ lolo.
23Ni Nuṅtšo̱ le̱ kē̱ tšũlo̱ le̱ ake̱: Dše kpo oya gbe̱dšegbe̱i le̱ ke̱ afãbaṅi le̱ amli ni oyanyẽ ame̱no̱, ní ame̱ba, koni miwe le̱ ayi to̱.
24Edšake̱ mīkē̱nye ake̱: Ké̱ mei ní akpē le̱ ateṅ moko aasa miniyenii le̱ anā, fĩ!
25Ši mei pī ke̱le̱ nyie; ni etšṍ ehe nĩ ekē̱ame̱ ake̱:
(26. 27. Mat 10.37. 38.)
26Ke̱dši moko miba miṅõ ni *enye̱e̱ etše̱ ke̱ enye ke̱ eṅã ke̱ ebii ke̱ enyemimeihĩĩ ke̱ enyemimeiyei ke̱ le̱dientše̱ esusuma hũ tete le̱, enyẽṅ etšṍ mikaselo̱. *5 Mose 33,9. 10. Luk 18.29. 30.
27Ni mofẽmo ni wóó ese̱ṅmo̱tšo etĕre ní enyie mise̱ le̱, enyẽṅ mikaselo̱ etšṍ. 9.28.
28Edšake̱ nyeteṅ namo ni ke̱dši etao mō̃ emã le̱ nĩ etáṅ ší, ní ebu nā ekwe̱ dã ake̱ eye̱ nii bo̱ni aaše̱ nāgbē lo?
29Koni akaba ake̱, beni edše šiši ni eyanyẽẽ nā egbe le̱, mei fẽ ní na le̱ mībabõi ehefe̱oyeli ake̱:
30Ne̱ke̱ gbomo ne̱ bõi mō̃ mã, ši enyẽẽ nā egbe.
31Alo nẽ maṅtše̱ ni ke̱dši eke̱ maṅtše̱ kroko yawu le̱ ni etáṅ ši, ní eya adšina dã ake̱ moni hĩe mei akpei-nyoṅmai-enyo̱ ke̱-baä eno̱ ne̱ eenyẽ eke̱le̱ ayakpe ke̱ mei akpei-nyoṅma lo?
32Ke̱ dšee nakai le̱, beni mokome le̱ nyie šoṅṅ ke̱-baä le̱, eetšŭ bo̱foi ke̱-ya eṅõ eyakpa kpãtãmo̱ he fai.
33Nakai noṅṅ kẽ nyeteṅ mofẽmo ní kwaa nibii fẽ ní eyo̱ le̱, enyẽṅ mikasele̱ etšṍ.
34Ṅō hĩ; ši ke̱dši ṅō nānu gbo le̱, meni ake̱-awole̱ ṅō doṅṅ?
(35. Mat. 5,13. Mar 9,50.)
35Esaa šikpoṅ lo tumu no̱ tete; tši atšio̱ aſieo̱. Moni yo̱ toi ní eke̱-anu le̱, hã ní enu!
Currently Selected:
Luka 14: GBV96
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Bible in Ga © Bible Society of Ghana, 1896, 1992.