Yohane 12
12
Afɔ Yesu mu yɛ Betania
(Mateo 26.6-13; Marko 14.3-9)
1 #
Yoh 11.1, 43 Be ni eshwɛ gbii ekpaa ni ayeɔ Hehoo lɛ, Yesu ba Betania, he ni Lazaro, mɔ ni etee lɛ shi kɛjɛ gbohii ateŋ lɛ, yɔɔ lɛ. 2Amɛŋmɛ lɛ okplɔ̃ yɛ jɛi, ni Marta sɔmɔ; ni Lazaro fata mɛi ni kɛ lɛ tara okplɔ̃ lɛ he lɛ ahe. 3#Luk 7.38 Kɛkɛ ni Maria ŋɔ “nardo” mu ŋmiiŋmi ni jara wa naakpa ni etsiimɔ ji nsɛnitɛ kome, ni ekɛkpa Yesu naji ahe ni ekɛ eyitsɔi tsumɔ enaji lɛ ahe; ni mu lɛ ŋma yi shĩa lɛ mli tɔ. 4Shi Yuda Iskariot, ekaselɔi lɛ ateŋ mɔ kome ni baatsɔ̃ɔ esɛɛgbɛ lɛ, kɛɛ, 5“Mɛɛ hewɔ ahɔ̃ɔɔ mu nɛɛ denarioi#12.5 Denarioi: maŋsɛɛ shika ko gbɛi ohai etɛ̃ ni akɛ shika lɛ ahã ohiafoi?” 6#Luk 8.3 Shi enɛ ni ekɛɛ nɛɛ, jeee ohiafoi lɛ ahe ni dɔɔ lɛ hewɔŋ, shi moŋ julɔ ji lɛ, ni lɛ etoɔ fotro lɛ, ni ejuɔ nɔ ni akɛwoɔ mli lɛ. 7No hewɔ lɛ, Yesu kɛɛ, “Kaagba enaa; efee enɛ eto mifuu gbi lɛ. 8#Deut 15.11 Ejaakɛ ohiafoi lɛ, nyɛkɛ amɛ yɛ daa; shi mi lɛ, jeee daa nyɛkɛ mi aaahi shi.”
Atee Lazaro yinɔ apam
9Agbɛnɛ Yudafoi lɛ ateŋ mɛi pii na le akɛ Yesu yɛ jɛi, ni amɛba, jeee Yesu kɛkɛ hewɔ, shi moŋ koni amɛna Lazaro, mɔ ni etee lɛ shi kɛjɛ gbohii ateŋ lɛ hu. 10Ni osɔfonukpai lɛ kpɛ mli akɛ amɛaagbe Lazaro hu, 11ejaakɛ ehewɔ jɛ ni Yudafoi lɛ ateŋ mɛi pii tee ni amɛyahe Yesu nɔ amɛye lɛ.
Yesu Yerusalɛm botemɔ
(Mateo 21.1-11; Marko 11.1-11; Luka 19.28-40)
12Enɔ jetsɛremɔ be ni mɛi babaoo ni eba gbijurɔ lɛ nu akɛ Yesu miiba Yerusalɛm lɛ, 13#Lal 118.25, 26 amɛkɔlɔ blɛoi, ni amɛje kpo amɛyakpee lɛ, ni amɛbolɔ akɛ “Hosiana! Ajɔɔ mɔ ni baa yɛ Nuŋtsɔ lɛ gbɛi mli lɛ, Israel Maŋtsɛ lɛ!” 14#Zak 9.9 Shi Yesu ena teji bi ko ni eho eta nɔ, tamɔ bɔ ni aŋma lɛ akɛ,
15“Kaashe gbeyei, Zion biyoo!
Naa, omaŋtsɛ lɛ miiba.
Eta tejibi nɔ.”
16Shi ekaselɔi lɛ enaaa nii nɛɛ ashishi mra mli, shi be ni awo Yesu hiɛ nyam lɛ, no dani amɛkai akɛ aŋma nii nɛɛ yɛ ehe, ni no afee ahã lɛ lɛ.
17No hewɔ lɛ, asafo ni kɛ lɛ yɔɔ be mli ni etsɛ Lazaro kɛjɛ gbonyobu lɛ mli ni etee lɛ shi kɛjɛ gbohiiateŋ lɛ ye he odase. 18Enɛ hewɔ hu ni asafo lɛ yakpee lɛ lɛ, ejaakɛ amɛnu akɛ efee naakpɛɛnii nɛɛ. 19#Yoh 11.48 No hewɔ lɛ, Farisifoi lɛ kɛɛ yɛ amɛteŋ akɛ, “Te nyɛna akɛ nyɛnyɛɛɛ fɛi nyɛfee! Naa, je lɛ efã kɛnyiɛ esɛɛ lɛ!”
Helabii komɛi batao Yesu
20Shi Helabii komɛi yɛ mɛi ni ba koni amɛbaja Nyɔŋmɔ yɛ gbijurɔ lɛ nɔ lɛ ateŋ. 21#Yoh 1.44 Mɛnɛɛmɛi ba Filipo ni jɛ Betsaida yɛ Galilea lɛ ŋɔɔ, ni amɛbakɛɛ lɛ akɛ, “Nuŋtsɔ, wɔmiitao akɛ wɔna Yesu.” 22Filipo ba ni ebakɛɛ Andrea, ni Andrea kɛ Filipo bakɛɛ Yesu. 23Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ. 24#Rom 14.9 Anɔkwale mikɛɔ nyɛ akɛ, kɛ ŋmaa kuli enyɔɔɔ shikpɔŋ ni egbo lɛ, no lɛ eyɛ akɛ ŋmaa kuli kome lɛ nɔŋŋ; shi kɛji egbo lɛ, ewoɔ yibii pii. 25#Mat 10.39; Luk 17.33; Mar 8.35 Mɔ ni dɔɔ ewala he lɛ, elaajeɔ lɛ, shi mɔ ni nyɛɔ ewala yɛ je nɛɛ mli lɛ, eeeto lɛ kɛaatee naanɔ wala mli. 26#Yoh 14.3; 17.24 Kɛji mɔ ko miisɔmɔ mi lɛ, enyiɛ misɛɛ, ni he ni miyɔɔ lɛ, jɛi misɔ̃ɔlɔ lɛ hu aaahi; kɛji mɔ ko miisɔmɔ mi lɛ, miTsɛ aaawo lɛ.”
Sa akɛ awo Gbɔmɔ Bi lɛ nɔ
27 #
Mat 26.38
“Agbɛnɛ misusuma miihao, ni mɛni makɛɛ? Ataa, heremɔ mi kɛjɛ ŋmɛlɛtswaa nɛɛ mli! Shi asaŋ enɛ hewɔ miba ŋmɛlɛtswaa nɛɛ mli lɛ. 28Ataa, wo ogbɛi lɛ hiɛ nyam!” Kɛkɛ ni gbee ko jɛ ŋwɛi kɛɛ, “Mina miwo ehiɛ nyam, ni masaa mawo ehiɛ nyam ekoŋŋ.” 29Kɛkɛ ni asafo ni damɔ jɛi ni nu lɛ kɛɛ akɛ, “Nyɔŋmɔ eshi!” Mɛi komɛi hu kɛɛ, “Ŋwɛi bɔfo ko kɛ lɛ ewie!” 30#Yoh 11.42 Yesu here nɔ ni ekɛɛ, “Jeee mi hewɔ gbee nɛɛ ba, shi nyɛ moŋ nyɛhewɔ. 31#Yoh 14.30; 16.11; Luk 10.18 Agbɛnɛ je nɛɛŋ kojomɔ lɛ eshɛ; agbɛnɛ abaafã je nɛɛŋ lumɔ lɛ ashɛ afɔ̃. 32#Yoh 8.28 Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.” 33Shi enɛ lɛ ekɛɛ ekɛtsɔ̃ɔ nɔ gbele ni ebaagbo. 34#Lal 110.4; Dan 7.14; Yes 9.7; Eze 37.25 Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?” 35#Yoh 8.12; 11.10 Kɛkɛ lɛ Yesu kɛɛ amɛ akɛ, “Be kukuoo kɛkɛ eshwɛ ehã la lɛ yɛ nyɛteŋ. Gbii abɔ ni nyɛyɔɔ la lɛ nɛɛ, nyɛnyiɛa koni duŋ akabanina nyɛ; shi mɔ ni nyiɛɔ duŋ mli lɛ, eleee he ni eyaa. 36#Efes 5.8 Gbii abɔ ni nyɛyɔɔ la lɛ nɛɛ, nyɛhea la lɛ nɔ nyɛyea, koni nyɛtsɔ̃mɔ la bii.”
Yesu wie nii nɛɛ, ni eyiŋ etee ni ekɛ ehe tee amɛ.
Yudafoi lɛ heee Yesu nɔ amɛyeee
37 #
Rom 10.16
Efee naakpɛɛnii babaoo yɛ amɛhiɛ, shi kɛ̃lɛ amɛheee enɔ amɛyeee, 38#Yes 53.1; Rom 10.16 koni gbalɔ Yesaia wiemɔ ni ewie lɛ ana aba mli akɛ,
“Nuŋtsɔ, namɔ ehe wɔsane lɛ eye,
Ni namɔ ajie Nuŋtsɔ lɛ hewalɛ lɛ kpo atsɔ̃ɔ?”
39 #
Mat 13.14-15
Enɛ hewɔ ni amɛnyɛɛɛ amɛhe amɛye lɛ, ejaakɛ Yesaia saa kɛɛ ekoŋŋ akɛ,
40 #
Yes 6.10
“Eshwila amɛhiŋmɛii, ni ekpliŋ amɛtsui;
koni amɛkana kɛ amɛhiŋmɛii,
ni amɛna naa kɛ amɛtsui,
ni amɛku amɛsɛɛ ni mitsa amɛ.”
41 #
Yes 6.1
Nii nɛɛ Yesaia kɛɛ, ejaakɛ ena enunyam lɛ, ni ewie ehe.
42 #
Yoh 9.22
Kɛ̃lɛ onukpai lɛ tete ateŋ mɛi pii he enɔ ye; shi Farisifoi lɛ ahewɔ lɛ amɛjajeee faŋŋ, koni akashwie amɛ kɛjɛ kpeehe lɛ; 43#Yoh 5.44 ejaakɛ amɛmiisumɔ gbɔmɛi ahiɛnyam fe Nyɔŋmɔ nɔ.
Yesu wiemɔ kojoɔ
44Shi Yesu bo ekɛɛ akɛ, “Mɔ ni heɔ minɔ yeɔ lɛ, jeee mi minɔ eheɔ eyeɔ lɛ, shi moŋ mɔ ni tsu mi lɛ; 45#Yoh 14.9 ni mɔ ni naa mi lɛ naa mɔ ni tsu mi lɛ. 46Mi lɛ miba je lɛ mli akɛ la, koni mɔ fɛɛ mɔ ni heɔ minɔ eyeɔ lɛ akahi duŋ lɛ mli. 47#Yoh 3.17; Luk 9.56 Ni kɛji mɔ ko nu miwiemɔi lɛ ni eyeee nɔ lɛ, mikojooo lɛ; ejaakɛ mibaaa koni mibakojo je lɛ, shi moŋ miba koni mibahere je lɛ yiwala. 48Mɔ ni kwaa mi ni emɔɔɔ miwiemɔi lɛ amli lɛ, eyɛ mɔ ko ni kojoɔ lɛ. Wiemɔ ni miwie lɛ, no nɔŋŋ aaakojo lɛ yɛ naagbee gbi lɛ nɔ. 49Ejaakɛ mi lɛ mitooo mi diɛŋtsɛ miyiŋ miwieee; shi Tsɛ ni tsu mi lɛ, lɛ moŋ ewo mi kitã, nɔ ni mikɛɛ kɛ nɔ ni miwie. 50Ni mile akɛ ekitã lɛ naanɔ wala ni; no hewɔ lɛ, nɔ fɛɛ nɔ ni miwieɔ lɛ, bɔ ni Tsɛ lɛ ekɛɛ mi lɛ, nakai miwieɔ.”
Currently Selected:
Yohane 12: NEGAB
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bible in Ga Language © Bible Society of Ghana, 2020.