Marcus 13
13
Caibidil XIII
Innseann Críost fá scrios an teampaill, agus fá na cómharthaí a thiocfas roimh lá an bhreitheamhnais.
1Agus nuair a bhí sé ag teacht amach as an teampall, deir duine dá dheisciobail leis:#Mait. 24, 1. A Mháighistir, féach, cad é a leithéid de chlocha agus cad é a leithéid de dhéanamh.
2Agus dhubhairt Íosa leis, ghá fhreagairt: An bhfeiceann tú na tighthe móra seo uilig?#Lúc. 19, 44, agus 21, 6. Ní fhágfar cloch ós cionn cloiche nach leagfar.
3Agus nuair a bhí sé ina shuidhe ar Shliabh na gCrann Ola ós coinne an teampaill, cheistigh Peadar agus Séamus agus Eoin agus Aindrias i leat taoibh é:
4Innis dúinn, cá h-uair a bhéas na neithe sin ann? Agus cad é an cómhartha a bhéas ann, nuair a thoiseochas na neithe seo uilig a gcóimhlíonadh?
5Agus thoisigh Íosa a rádh leo, ghá bhfreagairt: Tabhairigidh aire nach meallaidh aoinneach sibh;#Eph. 5, 6; 2 Teas. 2, 3.
6Óir tiocfaidh mórán i mʼainm-se, ag rádh: Is mise é, agus meallfaidh siad mórán.
7Agus nuair a chluinfeas sibh fá chogtha agus fá thuarascbhála cogadh, ná bíodh eagla oraibh; óir is éigean do na neithe sin a bheith ann, acht ní h-é an deireadh é go fóill.
8Óir éireochaidh cineadh i n-aghaidh cinidh agus ríoghacht i n-aghaidh ríoghachta, agus béidh crathadh talaimh i n-áiteacha, agus gorta. Tús pianta iad seo.
9Acht feicigidh chugaibh féin. Óir bhéarfaidh siad ar láimh sibh i gcómhairleacha, agus sciúrsálfar sibh i sineagóga, agus seasóchaidh sibh i láthair uachtarán agus ríghthe ar mo shon-sa mar fhiadhnaise dóbhtha-san.
10Agus is éigean an soiscéal a sheanmóir ar dtús do na cinidheacha go h-uile.
11Agus nuair a bhéarfas siad leo sibh chun sibh a thabhairt ar láimh, ná bígidh ag meabhrughadh roimh ré cad é déarfas sibh,#Mait. 10, 19; Lúc. 12, 11, agus 21, 14. acht an rud a bhéarfar díbh an uair sin, abraigidh é; óir ní sibh-se a labhras, acht an Spiorad Naomh.
12Agus bhéarfaidh dearbhráthair dearbhráthair, agus athair mac, suas chun báis, agus éireochaidh clann i n-aghaidh aithreach agus máithreach, agus imreochaidh siad bás ortha.
13Agus béidh fuath ag an uile dhuine oraibh mar gheall ar mʼainmse. Acht an té a bhéas seasmhach go deireadh, is é a shlánóchar.
14Agus nuair atchífeas sibh fuathmhaireacht#Dan. 9, 27; Mait. 24, 15; Lúc. 21, 20. an scriosta ina seasamh san áit nach cóir dí (an té a léigheas, tuigeadh sé), annsin iad-san atá i n-Iudaia teicheadh siad chun na sléibhte,
15Agus an té atá ar mhullach an tighe, ná taradh sé anuas chun an tighe, agus ná téigheadh sé isteach le rud ar bith a thabhairt leis as a thigh,
16Agus an té a bhéas san ghort, ná pilleadh sé thar ais le n-a chasóg a thabhairt leis.
17Agus is mairg do na mná a bhéas ag iomchar cloinne, agus dóbhtha-san a bheir diúl ins na laethe sin.
18Acht guidhigidh gan na neithe seo a bheith ann san gheimhreadh.
19Óir béidh buaidheartha ann na laethe sin nach raibh a leithéidí ann ó thús an chruthuighthe a chruthuigh Dia go dtí anois, agus nach mbéidh.
20Agus muna ngiorruigheadh an Tighearna na laethe, ní bhéadh feoil ar bith sábháilte, acht mar gheall ar na fíréin a thogh sé, ghiorruigh sé na laethe.
21Agus annsin má deir aoinneach libh: Féach, tá Críost annseo, nó annsiúd:#Mait. 24, 23; Lúc. 17, 23, agus 21, 8. ná creidigidh.
22Óir éireochaidh críostanna bréige agus fáidhe bréige amach, agus léireochaidh siad cómharthaí agus tuartha chun na fíréin féin dá mbʼfhéidir é, a mhealladh.
23Tabhairigidh aire, dá bhrígh sin; féach, dʼinnis mé gach nídh díbh roimh ré.
24Acht ins na laethe sin i ndiaidh an bhuaidheartha úd dorchóchar an ghrian,#Isaias 13, 10; Eséciel 32, 7; Ióel 2, 10; Mait. 24, 29; Lúc. 21, 25. agus ní thabharfaidh an ghealach a solus,
25Agus béidh réalta neimhe ag tuitim, agus béidh na cumhachtaí atá ins na spéarthaí dá suathadh.
26Agus annsin tchífidh siad Mac an Duine ag teacht ins na néallta fá mhór-chumhacht agus fá ghlóir.
27Agus annsin cuirfidh sé a aingle amach,#Mait. 24, 31. agus cruinneochaidh sé a fhíréin as na ceithre h-áirde, ó fhír-imeall talaimh go fír-imeall neimhe.
28Agus óʼn chrann fíge foghlaimigidh fáithscéal. Nuair a bhíos a ghéag cheana féin bog agus na duilleogaí ag teacht amach, is eol díbh go mbíonn an samhradh ar na gaobhair.
29Mar an gcéadna díbh-se, nuair atchífeas sibh na neithe seo ag teacht chun cinn, bíodh a fhios agaibh go bhfuil sé ar na gaobhair, ag na doirse féin.
30Amén adeirim libh, nach n-imtheochaidh an ghlúin seo go dtí go ndéantar na neithe sin uilig.
31Rachaidh neamh agus talamh ar neimhnídh, acht ní rachaidh mo bhriathra-sa ar neimhnídh.
32Acht ní fhuil fios an lae ná na h-uaire sin ag aoinneach, fiú ag na h-aingle atá ar neamh, ná ag an Mhac#13, 32 Ná ag an Mhac. Ní fhuil sé ag rádh nach raibh aon eolas ag an Mhac ar an am a mbéadh lá an bhreitheamhnais ann, acht nach raibh an t-eolas sin aige mar mhúinteoir le n-a chur i n-iúl dúinne: níor chuibhe dúinn an t-eolas sin dʼfhagháil., acht ag an Athair.
33Tabhairigidh aire,#Mait. 24, 42. coimhéadaigidh agus guidhigidh: óir ní fhuil a fhios agaibh cá h-uair a bhéas an t-am ann.
34Amhail duine ag dul ar an choigchrích, a dhʼfhág a theach, agus thug ughdarás dá sheirbhísigh ar gach obair, agus dʼórduigh doʼn doirseoir faire a dhéanamh.
35Déanaigidh faire, dá bhrígh sin, (óir ní fhuil a fhios agaibh cá h-uair a thiocfas fear an tighe, an tráthnóna, nó meadhón oidhche, nó ag scairt an choiligh, nó ar maidin),
36Ar eagla, ag teacht i dtoibinne dó, go bhfaghadh sé sibh-se i bhur gcodladh.
37Agus an rud a deirim libh-se, deirim le gach aoinneach é: Déanaigidh faire.
Currently Selected:
Marcus 13: ASN1943
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
rights held by the Bible Society in Northern Ireland