JENESIS 7
7
1Go Yehovah e noa ki Noah, e naga, Nimu ma tea mamau puti ni nasum̃a anigo kuga umai paki ekopu ni areka; nalakena a punusi ko ku leana naraegu tagona waia. 2Sara nalo tuavati waina eu dautau, p̃a viragi tea larularua kakada, tea anoai go anagoroi; go nalo tuavati maga waina eu da daurau mau, tea rua kakada, tea anoai go anagoroi; 3Go manu ma ni namalopa, tea larularua kakada, tea anoai go tea goroi: naga p̃a mauti tea vavakawora euga mauri narae ni maramana mamau. 4Nalakena naaleatia larua eu ko puoli, go kinau aga wo mari usa ega wowo maramana naaleatia rualima pati go nap̃ogiana rualima pati; go sara nalo mauri waina a mari ra, aga wo kasi lua ra m̃elu dua ki narae ni natano. 5Go Noah e mari pataka ni tea mamau puti waina Yehovah e dip̃aki nia asa.
6Go Noah e pei tea ni natau p̃onotia latesa ragi waina natave ni noai maga e doko maramana. 7Go Noah e paki ekopu, nara ma natuna naanoai maga, go anagoroi, go sulina maga, eu mamau puti paki ekopu ni areka, nalakena noai maga ni natave. 8Nalo tuavati maga waina eu dautau, go nalo tuavati maga waina eu da dautau mau, go manu maga, go sara nalo waina eu kakaravi natano, 9Tea ruarua kakada, eu paki ekopu ni areka punisi Noah, tea anoai go tea goroi, dakiusi waina Sup̃e e dip̃aki Noah asa. 10Go ragi waina naaleatia larua eu nopu, noai maga ni natave eu doko maramana. 11Natau p̃onotia kelatesa ni narauriana ki Noah, atelagi kerua, naaleatia kerualima tamate kelarua ni atelagi, naaleatia wanogoe namata noai maga ni epua warua eu mamau puti masai, go namata leo maga ni nakoroatelagi eu pei tea wolagatina. 12Go usa e p̃owo p̃arua maramana naaleatia rualima pati fo nap̃ogiana rualima pati. 13Naaleatia sikai maau wanogoe Noah, go Shem, go Ham, go Yafeth, Noah natuna naanoai maga, go Noah anagoroi, go natuna naanoai maga adagoroi dolu, eu mamau puti paki ekopu ni areka; 14Nara ma sara nalo mila visarasara, go sara katel visarasara, go sara nalo kakaravi visarasara waina eu kakaravi natano, go sara manu visarasara, sara manu ni sara nalivaru. 15Go eu paki ekopu ni areka punsi Noah, tea ruarua ni dara nap̃okasi waina namero ni namauriana e doko ara. 16Go tea maga waina eu paki ekopu, eu paki ekopu tea anoai go tea goroi ni sara nap̃okasi, dakiusi waina Sup̃e e dip̃aki nia asa: go Yehovah e kokoro e paki ekopu. 17Go natave e doko maramana naaleatia rualima pati; go noai maga eu po p̃arua, po salea ki areka, go e pei tea tapeana sake elagi ni navanua, 18Go noai maga eu marimatua, po disu p̃arua navanua; go areka e sale pano narae ni noai maga. 19Go noai maga eu po marimatua p̃arua navanua; go tava mamau puti waina eu pakilagi etano ni nakoroatelagi mamau eu pei tea muagoroana. 20Kubit rualima sikai tamate lima pakilagi noai maga eu marimatua asa; go tava warua maga eu pei tea muagoroana. 21Go sara nap̃okasi waina eu parivari navanua eu mate, manu maga, go katel maga, go nalo mila maga, go sara nalo kakaravi waina eu kakaravi navanua, go sara naatam̃oli; 22Tea mamau puti waina namero ni naatana ni namauriana e doko nagisuda, ni tea mamau puti waina eu doko navanua garagara, eu mate. 23Go sara nalo mauri waina eu doko narae ni natano eu pei tea kasiluaana, naatam̃oli mag, go nalo tuavati maga, go tea kakaravi maga, go manu maga ni nakoroatelagi; go eu pei tea kasiluaana m̃elu dua ki maramana; go Noah e sikina doko, nara ma tea maga waina eu sikoti a doko ekopu ni areka. 24Go noai maga eu marimatua maramana naaleatia p̃onotia sikai rualima takuna lima.
Currently Selected:
JENESIS 7: NTB
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Bible Society of the South Pacific