Matayo 11
11
Risubyo rya Yesu ku be:igisibwa ba Yoana
(Lk. 7:18-35)
1Ejire Yesu amara oragirira abe:igisibwa bae ekumi na babiri, naso:kayo nagenda okwiigisya no kurasya mu misi jebwe. 2Nawe Yoana e:jire ongwa mu nyumba yo buboywa ebikorwa bya Yesu, natuma abe:igisibwa bae, 3Nibamubu:sya ati, ?Awe na:we unu ka:ja, tere cirindirire undi? 4Yesu naindura nababwira ati, Mugende mumubwire Yoana binu omungwa na binu omurora. 5Abaofu abarora, abarema abaribata, abagenge abaosibwa, abe:gare ba matwi abongwa, na bafu:ye abasu:rurwa, na bataka abasimurirwa ebigambo byo bwana. 6Na ana ribando unu wo:ne atarinyi-ku:jurako. 7Mbe bejire bagenda, Yesu namba okwaika ne bise ku bya Yoana ati, ?Niki cinu mwajiriye ibara okurora? ?Risa:ru rinu erisingisibwa no muyaga? 8?Nawe niki cinu mwajaga okurora? ?Omu:nu unu afwae bifwaro bye cire:re? Mbe rora, banu abafwara ebifwaro bye cire: re ababa mu nyumba ja bakama. 9?Nawe si niki cinu mwajaga okurora ?Omuragi? Yee, enibabwira ati, akirire kata omuragi. 10Oyo niwe andikiywe ati,
Enituma intumwa yani imbere yao,
Unu aricuma injira imbere yao.
11Ni cimari enibabwira ati, Mwabo abe:burwa na bagasi acariga kuso:kamo mu:nu wa kukira Yoana Omubatija. Nawe omuto:to mu bukama bwa mu rwire ni mukuru kukira oyo. 12Kuso:kerera mu siku ja Yoana Omubatija kukinga rero obukama bwa mu rwire ni bwa biiga, na banu abeiganya ababusa:kurira managa. 13Okuba abaragi bo:ne ne biragiro baragaga kukinga ku Yoana. 14Mbe araba nimwenda okwikirisya, oyo niwe Eliya unu kenda oku:ja. 15Unu ana matwi go kungwa, ongwe.
16?Nawe riimbo rinu nje ndisusanye naki? Erisusana na ba:na abato:to banu benyanjire munu abaka:nira nibabirikirana na be:ja:bo, 17Niba:ika ati, Cababumira jikuri kemwe mwaremo:bina. Cabaririra jimamu ka nimurema okurira. 18Okuba Yoana ejire atakurya amwi atakunywa, niba:ika ati, Ana musambwa. 19Omwana wo mu:nu ejire narya no kunywa, niba:ika ati, Ni wa muru:ru unu na ni mukorwa, omusa:ni wa batobesya na be bibi:bi! Nawe obwengeso obuyabwa oburenge:resi kurwe bikorwa byabwo.
Intambara ku misi jinu jitatee
(Lk. 10:13-16)
20Niwo namba okugonya emisi munu akoree ebirugu:ro byae byafu okuba jitatee. 21Jirikubona, awe Korajini! Jirikubona, awe Betesaida! Kwo kuba ebye birugu:ro binu byakoreywe mwimwe kumba byakoreywe mu Turo na Sidoni, kumba jiratee kara bafwae amagunira na rifu. 22Nawe anye enibabwira ati, ku rusiku rwo kuramurwa, Turo na Sidoni jiriba no kwigumirisya kukira emwe. 23Na:we Kaperinaumu, ?Urigungurumusibwa kukinga ku rwire? Uritebesibwa ebwire, okuba ebirugu:ro binu byakoreywe mwawe, kumba byakoreywe mu Sodoma, kumba gucarigao naka wori. 24Nawe enibabwira ati, ku rusiku rwo kuramurwa, i:si ya Sodoma iriba no kwigumirisya kukira awe.
25Mu magoro ago Yesu naindura na:ika ati, Enikusi:ma, Rata, Esebugenyi wo rwire na i:si, okuba wababisire abo bwenge na bengeso emisango jinu, nubaswerurira aba:na barera. 26Nimwomwo Rata, okuba kutyo nimwo byasi:miywe imbere yao. 27Rata ananire byone. Atariwo unu amenyere Omwana, atari Rata, amwi atariwo unu amenyere Rata, atari Mwana, na unu wo:ne Omwana kenda kamuswerurira. 28Mu:je kwanye, emwe bo:ne banu muigirwe no kusitoererwa nanye enijo:bafuŋamya. 29Mwitwike ingurwema yani, mwiigirire kwanye, okuba anye ndi mufura na mwororo mu mutima, nemwe omubona ecifuŋamyo ce myoyo jemwe. 30Okuba ingurwema yani ni nyororo, no mugugu gwani ni mwangu.
Currently Selected:
Matayo 11: KIJ1960
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Kijita New Testament © The British and Foreign Bible Society and The Bible Society of Tanzania, 1960.