Yela 42
42
Yela tɔn nɛɛte
(Yela 42—72)
Nɛn waa lɔ harɛfale ta wesoŋa
Kora dea bii yel
1N Naa Korowii, ɡɛ nyɔɡre
kpo welo,
o siwi yon swɛɛ, wɛɛ nyin
nepale waa sɔna la,
ɡɛɛ n siwi swɛɛ he wa.#Mat 5:6
2Korowii haa lole saŋ bɛlbwa,
n dɛ nyini kɛ nyɔɡre
aa dɛ kpo nɛn ken.
Bɛweeree ń won ba he sie,
dɛ́ ba tomɛ nɔ?#Yel 63:1; Jɔn 7:37
3Sinii ber mɛ kondikwa,
chɔɔ ne jwaana bwa.
Saŋ bɛlbwaa n dɔma
ɛɛ pɛɛ mɛ ŋɔ,
“Leperaa Korowii
haa dɛ tomɔ la dɔɔ?”
4N lii n saŋ la aa,
dɛ n bambile chɔɡɔ,
n ne nɛnlaa bwa fa yon la
hen Korowii Dea,
ásɛ n tɔ ba sie ba teŋɛ,
ba sie lɛ ba ɡo yela,
dɛɛ hɛɡre dɛɛ kpɛɛre.
5Ɛrɛɛ n tea bini chɔɡ ken?
Ɛrɛɛ n liire bwa chɔɡ ken
nɔɔ?#Mat 26:38
N kpɔ n hwɛɡa bwa do
hen Korowii nɛ,
dɛ berɛ kwaa
dɛɛ kpɛɛre ja.
Henee ɛ n Lɛɛ,
6ne Korowii maa dɛ tomɛ.
N bambile chɔɡɔ kohona,
anomanta, mɛɛ lii he waa,
dɛ́ le Jɔɔdan Moo nyuune ta,
ne Misar ne Hɛmɔn
Bwejena dor.
7He ɡelɔ bɔchuubu nee lɔ
dɛɛ kpɔ n nɛ mɛɛ di suna,
kɛŋɔ nɛn nee aa sua dɛ
kpɔɔ kaa ken.
8Korowii dɛ baɡle o nyina
aa wola jaɡa dɔe
n nɛɛ webaŋa,
a ɡel n ɡo yel tɛo jwaana,
dɛ soŋe Korowii waa ɡela
n so le.
9N ŋɔ Korowii waa do kɛ
Bwetal n chwa kaa marɔ
be ŋɔ,
“Ɛrɛɛ he soh n waa nɔɔ?
Ɛrɛɛ mɛɛ wi n dɔma,
ba nyu bini aa kpeɡa
nɔn ta nɔɔ?”
10N hoɡa bwa dɛ wee mɛ,
n dɔma aa dɛ muɡli n baah
la wa,
dɛɛ bɔɔ mɛ tɔpere bɛlbwa ŋɔ,
“Leperaa Korowii
haa dɛ tomɔ la dɔɔ?”
11Ɛrɛɛ tebinichɔɡ su n bwa
ken?
Ɛrɛɛ n bambile chɔɡ ken
nɔɔ?
N kpɔ n hwɛɡa bwa dawɛ
hen Korowii nɛ,
dɛ berɛ kwaa dɛɛ kpɛɛre ja,
henee Korowii maa dɛ
tomɛ, henee n Lɛɛ.
Currently Selected:
Yela 42: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.