Yela 41
41
Weela ta chɔe wesoŋa
Kooro Devid yel
1Nɛra baa dɛ dawɛ nyaara
waa la, ba na som,
wenaale puu ba aa,
Korowii lɛɛ ba dɛɛ le
a nyoa.
2Korowii dɛ́ tɔ ba ɡbemɡbe,
ásɛ ba soɡa bini do wer,
o swee andɛɛɡa dɛɛ tɛɛ ba
harɛ la ta, ba dɔma lii
wechɔɡa tɛɛ ba aa,
o kpɔ nɔn dɛɛ tɔ ba nɛ.
3Korowii ɛɛ cha baa ba
weela bini,
dɛ́ ɡel ba berɛ dɔ bokpeɡa.
4N ŋɔ, “N Naa Korowii,
na n sum, chaah mɛ,
dɛkalkɛ n ɛ wechɔɡa,
dɛ jo he nɛ.”
5N dɔma dɛ bol
n bwara wechɔɡe ŋɔ,
“Bɛweeree ó sewɛ
ásɛ o sɔn he te nɔ?”
6Nomɛlbwa na mɛ naa,
nyosonee wɛɛ teŋe,
liichɔɡa yon su o
bambile,
dɛ́ le kaa bola bobɛlbwa.
7N dɔma pɛo dɛɛ ŋwal mɛ,
ba lii wechɔɡa
dɛɛ tɛ mɛ ŋɔ,
8“Weechɔɡa lɔɔ bil,
waa won ir le o chɔɔbɔr.”
9Hale n dansom maa dɛ
hwɛɡɛ o nɛ,
nɛn n ne waa pɛ nɔn
dɛɛ di kwaa la, ɛ n dɔm.#Mat 26:20-25
10N Naa Korowii, na n sum,
laɡ mɛ ir,
ásɛ n bɔ n dɔma kem,
waa baa ɛɛ mɛ la wa.
11N jemɔ kɛŋɔ he sie lɛ
n nɛ,
dɛkalkɛ n dɔma ta wone pɔ n nɛ.
12N waa toɡrɔ nomanta,
hɛɛ laɡ mɛɛ do he sie,
saŋ bɛlbwa dɛɛ la.
13Korowii Israel tena
aa dɛ tomɔ
laanee dɔ jam,
le saŋ waa wola jaɡa dɔe
dɛɛ la.
Aamen!
Currently Selected:
Yela 41: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.