Yela 36
36
Nɛwɛnyina nyubinikpeɡ wa
Kooro Devid yel
1Korowii waa lɔ
n bambile bini,
dɛɛ baɡle nyubinikpeɡ tena
wechɔɡa wa.
Baa Korowii ɔmɛ,
á ba ɛ kɛŋɔ baa duuruu.#Rom 3:18
2Ba dɛ lii ba nyu bini kɛŋɔ
ba ɛ nɛnjena nomanta,
Korowii aa ba wechɔɡa
baa dɛ ɛ la nae ba,
dɛ́ pa ba bolchɔɡe.
3Nyubinikpeɡ ne nyosone
waa baa bol,
ba ta wedɛɛɡa liire dɔe kpa.
4Ba chɔ ba chɔɔbɔra
kwaraa naa,
baa wobɛlbwa aa wera ɛ,
baa wechɔɡa bɛlbwa ɡe vɛh.
5N Naa Korowii,
he nyina aa wola jaɡa dɔe
ɡwaa komɛlbwa,
he kasinteŋ waa ɡe
ta jaɡa dɔe.
6He wa aa toɡra la jaŋne
kaa nyundua
kɛ bwejena tenten ken,
he bole pae bini do luŋri
kɛŋɔ mpo vil,
dɛɛ nyiŋi nɛwɛnyina
ne ola bwa nɛ.
7Na ɡɛ he nyina aa wola jaɡa
dɔe aa wera!
He kena lɔɡree ya chwa
baa sɔh,
kɛŋɔ jal yon lawɛ o bii,
do o kena lɔɡre la.
8He tɛ yaa kondikwa a warɛ
yaa di he dem,
dɛ tɛ yaa he wedɛɛɡa,
a do kɛ nee
waa dɛ palɛ yaa nyɔ.
9He nɛɛ ya che dɛɛ dɔ mkpa,
he nii laanee ɡela
bɔr chaah yaa na.#Jɔn 1:4
10Teŋɛ dɛɛ nyin nɛra
baa dɛ teŋɛ he waa ta,
dɛ́ɛ ɛ nɛra ba wa
aa toɡra andɛɛɡa.
11Bɛ ɡel mbarafo tena ba
yoo mɛ,
kɛɛ nyubinikpeɡ tena la
doŋ mɛ.
12Na ɡɛ wechɔɡ-ɛɛra aa chola,
ba taɡ ba ta,
baa wola won ir kpa.
Currently Selected:
Yela 36: mzw
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.