MATHAI THUMAPUI
THUMAPUI
Mathai min khiatna ahihleh Toupa silthawnpiak chihna ahi. Amin dang ahihleh Levi ahi (9.9). Siah dongtu aneih jousiah nusia a Toupa Jesu nungjui ahi (Luk. 5.27,28). Mathai ahihleh nungjui sawmlehnihte lak a khat ahi a (Mat. 10.3; Mrk. 3.18; Luk. 6.15; Nst. 1.13), siah dongtu ahihdan amah mah in agen hi.
Agelhtu leh agelh hun
Agelhtu Mathai mah ahi a, agelh hun ahihleh Jerusalem suksiat a aom ma A.D. 64-70 kal a agelh hiding a gintat ahi.
Agelhna jiakte leh athupi
Tangthupha Mathai gelh in, “Thuhoih” huapen Jesu Krist hundampa hi ding, tualeh thukhunlui hunlai a Pasian in a mite kiang a a thuchiam tangtungsaktu hi ding ahihnate ahi.
Tangthupha Mathai pen hoihtak a kigual tup ahi. Jesu Krist pianna ah kipan a, baptisma a tanna leh khem a aom na, a thugenna, Galili gam a damloute a damsaknate a hilhchian hi. Hihte zoh in, Galili gam a pat Jerusalem a a khualzinna, tualeh kaltawplam a Jesu tung a sil tungte, kilhlup a aom na leh a thohkiknate agen hi.
Tangthupha Mathai in Jesu Krist pen sia thupi hihna, Pasian dan hilhchiantu tualeh Pasian gam hilhtu ahihna agen hi. Tangthupha Mathai in atup thupi pen ahihleh Judamite`n asim ua, Toupa Jesu pen a Messiah uh ahi chih atheih ding uh ahi pen hi. A thugente thupi nga a khen theih in a om hi; (1) Mualtung a a thugen (Bung 5—7) (2) Nungjui sawmlehnihte kiang a anasep ding thu ua hilhna (Bung 10) (3) Van gam tangthu gentehna (Bung 13) (4) Nungjuihna tawh kisai thuhilhna (Bung 18) (5) Leitung tawpna leh van gam hung tung ding tanchin a thuhilhna (Bung 24—28).
A sung a thu laktom
Jesu khangthu leh apianna 1.1—2.23
Baptistu Johan nasepna 3.1-12
Jesu baptisma tanna leh khem a aom na 3.13—4.11
Galili gam a mipi lak a a nasepna 4.12—18.35
Galili apat Jerusalem ah 19.1—20.34
Nipi kaltawplam leh Jerusalem naihna 21.1—27.66
A thohkikna leh a kilakna 28.1-20
Currently Selected:
MATHAI THUMAPUI: THKHBSI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.