MATTHAI 1
1
1Abraham Fapa, David Fapa, Jesuh Krih hringtu hna ṭialnâk cauk: 2Abraham nih Isak a hrin, Isak nih Jakob a hrin, Jakob nih Judah le a unau a hrin hna. 3Judah nih Tamar sinin Perez le Zerah a hrin hna; Perez nih Hezron a hrin; Hezron nihRâm a hrin; 4Râm nih Aminnadad a hrin, Aminadad nih Nason a hrin, Nason nih Salmon a hrin. 5Salmon nih Rahab sin in Boaz a hrin, Boaz nih Ruth sinin Obed a hrin, Obed nih Jessi a hrin. 6Jessi nih David a hrin; David nih Uriah nupi sinin Solomon a hrin. 7Solomon nih Rehoboam a hrin, Rehoboam nih Abijah a hrin, Abijah nih Asa a hrin. 8Asa nih Jehosafat a hrin, Jebosafat nih Joram a hrin, Joram nih Uziah a hrin. 9Uziah nih Jotham a hrin, Jotham nih Ahaz a hrin, Ahaz nih Hezekiah a hrin. 10Hezekiah nih Manase a hrin, Manase nih Amon a hrin, Amon nih Josiah a hrin. 11Babilon i sal an tân lio ah Josiah nih Jekoniah le a nau a hrin hna. 12Babilon saltân hnu ah Jekoniah nih Shealtiel a hrin i Shealtiel nih Zerubabel a hrin. 13Zerubabel nih Abiud a hrin, Abiud nih Eliakim a hrin, Eliakim nih Azor a hrin, 14Azor nih Zadok a hrin, Zadok nih Akim a hrin, Akim nih Eliud a hrin. 15Eliud nih Eleazar a hrin, Eleazar nih Mathan a hrin, Mathan nih Jakob a hrin. 16Jokob nih Josef, Mary va cu a hrin i cu Mary sin in Jesuh, Krih timi cu a chuak. 17Abraham in David tiang chan 14 a si i David in Babilon saltan tiang chan 14 a si ṭhân, Babilon saltan in Krih tiang chan 14 a si. 18Jesuh Krih chuah ning cu hitihin a si: Anu Mary cu Josef he an i ham i an i umh hlanah, Thiang thlarau nih nau a pawiter tiah hngalh a si. 19Ava Josef, miding a simi nih mualphoter a duh lo i a thli tein an i hamnâk kha lêt a timh. 20Asinain cu kong a ruah lio ah ngaihmanh, Bawipa vancungmi a mangah â lang i, “Josef, David fapa, Mary hi na nupi ca i ṭhit awkah ṭih hlah, zeicatiah fa a pawimi hi Thiang thlarau sinin a si. 21Fapa a hrin lai i a mi hna an sualnâk chungin a khamh hna lai caah a min ah JESUH tiah na sak lai,” tiah a ti. 22Hi thil vialte hi BAWIPA nih Profet hmangin a rak chimmi, 23“Ngaihmanh, ngaknu thiang fa a pawi lai i Fapa a hrin lai, A min ah Immanuel an ti lai,” timi a tlin nâkhnga ca-ah a si. Immanuel ti cu, “Kan sinah Pathian a um” tinâk a si. 24Josef cu â hlau i BAWIPA vancungmi nih a chimh bangin Mary kha a ṭhit, 25Fapa hmaisa bik a hrin hlan pauh cu a ihpi lo. Cun amin ah JESUH tiah a sak.
Currently Selected:
MATTHAI 1: HAKABSI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.