Ioane 16
16
PENE XVI - 16
Te takinga-kino i akakite mamaoia: te angaanga a te Akapumaana: te aue i te riro anga ei rekareka: kia pure ma te ingoa o Iesu e tikaʼi: te pueurikiriki anga o te au pipi i akakiteia.
1I AKAKITE atu ei au kia kotou i teianei au tuatua, #Mata 11:6; 24:10; 26:31kia kore kotou e maitu. 2#Ioa 9:22,34; 12:42E tuku ratou ia kotou ki vao i to ratou au sunago ra: e kua vaitata oki te ora, #Anga 8:1; 9:1; 26:9,10,11e manako ei te tangata e ta ia kotou na e, kua akamori i te Atua. 3#Ioa 15:21; Roma 10:2; 1 Kori 2:8; 1 Timo 1:13E pera mai ratou ia kotou, no te mea kare ratou i kite i te Metua, e iaku oki. 4#Ioa 13:19; 14:29Te akakite atu nei au kia kotou i teia au tuatua, kia tae ki taua ora ra, kia manako kotou e, kua akakite atu au kia kotou i taua tuatua ra. #Mata 9:15Kare oki au i akakite atu kia kotou i taua au mea ra i muatangana, no te mea tei vaitata ra au ia kotou. 5E teianei #Ioa 7:33; 13:3; 14:28; Ioa 16:10,16te aere tika nei au kiaia i tei tono mai iaku nei ra; e kare akerai tetai o kotou i ui mai e, Ka aere koe kiea? 6No te mea i akakite ateaia atu e au kia kotou teianei au tuatua, #Ioa 14:1; 16:22te ki ra to kotou ngakau i te aue. 7E tuatua-mou ra taku e karanga atu kia kotou nei, E meitaki ei kotou ko au e aere ke nei: angairi au kare e aere ke, #Ioa 7:39; 14:16,26; 15:26kare e riro mai te Akapumaana kia kotou nei: #Anga 2:33; Ephe 4:8kia aere ke ra au, naku ïa e tono mai iaia kia kotou nei. 8Kia riro maira aia, nana ïa e akakite mai ki to te ao i te ara, e te tuatua-tika ra, e te akaapa: 9#Anga 2:22-37Ko te ara ra, ko ratou kare i akarongo mai iaku ra; 10#Anga 2:32Ko te tuatua-tika ra, #Ioa 3:14; 5:32ko au e aere ki taku Metua ra, kare atura kotou e kite mai iaku; 11#Anga 26:18Ko te akaapa ra, #Luka 10:18; Ioa 12:31; Ephe 2:2; Kolo 2:15; Ebe 2:14ko te ariki o teianei ao i akaapaia ra. 12E manganui ra taku tuatua e akakite atu kia kotou, #Mare 4:33; 1 Kori 3:2; Ebe 5:12kare ra e tika ia kotou i teianei. 13Kia tae maira aia, #Ioa 14:17; 15:26ko te Vaerua tuatua-mou ra, #Ioa 14:26; 1 Ioa 2:20,27nana ïa e arataki ia kotou ki te tuatua-mou katoatoa: kare oki tana tuatua e riro nana uaorai; ko tana ra e akarongo ra, ko tana ïa e tuatua mai: e nana oki e akakite mai kia kotou i te au mea e tupu a muri akera. 14E akakakā aia iaku: e rave oki aia i taku ra, ka akakite atu ei kia kotou. 15#Mata 11:27; Ioa 3:35; 13:8; 17:10Ko te au mea katoa o te Metua ra, naku ïa; i karanga atu ei au e, e rave aia i taku ra, ka akakite atu ei kia kotou. 16#Ioa 7:33; 13:33; 14:19; 16:10Kia roaroa iti ake, kare atura kotou e akara mai iaku; e roaroa iti akera oki, kua akara mai kotou iaku: #Ioa 13:3; 16:28no te mea te aere tika nei au ki te Metua ra. 17Kua karangaranga iora e tokotai puke pipi ia ratou uaorai e, Eaa teia tana i tuatua mai kia tatou nei e, Kia roaroa iti ake, kare atura kotou e kite iaku: e roaroa iti akera oki, kua akara mai kotou iaku: e no te mea te aere tika nei au ki te Metua ra? 18I tuatuaʼi oki ratou e, Eaa ra taua roaroa iti akera tana i tuatua nei? Kare tatou i kite i tana tuatua. 19Te kite aturā Iesu e, te inangaro ra ratou e ui mai kiaia, kua karanga atura aia kia ratou, Te ui ua na kotou uaorai i te tuatua taku i karanga atu na e, Kia roaroa iti ake, kare atura kotou e akara mai iaku: e e roaroa iti akera oki, kua akara mai kotou iaku? 20Tika, tika tikai taku e karanga atu kia kotou, E aue kotou, e e mii oki, ko to te ao ra, e kata ïa: e mii kotou, kareka ra to kotou mii, ka akariroia ïa ei rekareka. 21#Isa 26:17E aue te vaine kia rokoia e te anau ra, no te mea kua tae ki tona ora: kia anau ra te tamaiti, kare atura aia i manako i te mamae i te rekareka, i te mea e tangata tei anau mai ki te ao nei. 22#Ioa 16:6Koia oki kotou ka aue i teianei: e kite akaou maira au ia kotou, e e mareka #Luka 24:41,52; Ioa 14:1,27; 20:20; Anga 2:46; 13:52; 1 Pete 1:8to kotou ngakau, e kare rava to kotou rekareka e riro ia etai ke. 23E kia tae ki taua rā ra, kare kotou e ui mai kiaku. #Mata 7:7; Ioa 14:13; 15:16Tika, tika tikai taku e karanga atu kia kotou, Ta kotou e pati atu i te Metua ma toku ingoa, nana ïa e o mai kia kotou na. 24Kare rai a kotou apinga i pati ma toku nei ingoa: ka pati, e rauka ïa ia kotou, #Ioa 15:11kia ki tikai oki kotou i te rekareka.
25I apii paraboleia atu kotou e au i teianei au tuatua: te vaitata mai nei ra te ora, e kore ei au e apii parabole akaou atu ei kia kotou, e akakite ua atura kia kotou i te tuatua a te Metua ra. 26#Ioa 16:23Ei reira kotou e pati ake ei ma toku nei ingoa: e kare oki au e tuatua kia kotou e, naku e pure atu ki te Metua ia kotou. 27#Ioa 14:21,23Te anoano maira oki te Metua ia kotou, ko kotou i anoano mai iaku nei, #Ioa 3:13; 17:8e kua akarongo e, mei ko mai au i te Atua ra. 28#Ioa 13:3I aere mai nei au ki te ao nei, mei mua mai i te aroaro o te Metua ra: te akaruke nei au i teianei ao, e te oki nei au ki te Metua ra. 29Kua tuatua maira tana au pipi kiaia, I na, kua tuatua pu ua mai koe i tenana, kare e tuatua parabole. 30Kua kite atura matou i teianei e, #Ioa 21:17kua ope rava te au mea katoa i te kitea ia koe, auraka atu rai tetai tangata e ui atu ia koe: #Ioa 16:27; 17:8ko te mea teia i akarongo ei matou e mei ko mai koe i te Atua ra. 31Kua karanga aturā Iesu kia ratou, Kua akarongo ainei kotou i tenana? 32#Mata 26:31; Mare 14:27I na, te vaitata mai nei te ora, e teianei rai oki, e pueurikiriki ke atu ei kotou, #Ioa 20:10ko te tangata ko tona uaorai kainga, akaruke maira iaku ko au anake ua: #Ioa 8:29; 14:10,11kare ra ko au anake ua, te vaitata katoa ra oki te Metua iaku. 33I akakite atura au kia kotou i teianei au tuatua, #Isa 9:6; Ioa 14:27; Roma 5:1; Ephe 2:14; Kolo 1:20kia rauka to kotou au iaku nei. #Ioa 15:19,20,21; 2 Timo 3:12E tumatetenga to kotou i teianei ao: #Ioa 14:1ka akamaroiroi ra, #Roma 8:37; 1 Ioa 4:4; 5:4kua riro te re o teianei ao iaku.
Currently Selected:
Ioane 16: CIMB
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Holy Bible in Cook Islands Maori, Reprinted from the edition of 1888 © United Bible Societies, 1972.