Genese 25
25
PENE XXV - 25
Te uanga o Aberahama ia Ketura; te tua ra aia i tana apinga; tona matenga; te uanga o Isemaela; to Esau raua ko Iakoba anau anga, e to Esau akavaavaa anga i te taoonga mataiapo.
1 # 25:1 Ou i te Mesia 1853. KUA akaipoipo akaou aturā Aberahama i tetai vaine, ko Ketura tona ingoa. 2E #1 Para 1:32anau akera tana iaia ko Zimerana, e ko Iokasana, e ko Medana, e ko Midiana, e ko Isabaka, e ko Sua. 3E anau akera ta Iokasana ko Seba, e ko Dedana: e ko ta Dedana ra au tamariki, ko te Asuri ïa, e te Letusi, e te Leumi. 4E ta Midiana ra tamariki; ko Epha ïa, e ko Ephera, e ko Hanoka, e ko Abida, e ko Eledaa. E tamariki anake ïa na Ketura.
5Kua #Gene 24:36apai aturā Aberahama i tana au apinga katoa na Isaaka. 6Kareka nga tamariki a Aberahama, e nga vaine tavini nana ra, e apinga ta Aberahama i oronga atu kia ratou; e te ora aia, i #Gene 21:14tono ke ei aia ia ratou ki te pae i #Aka 6:3te itinga o te rā ra, kia taka ke ratou i tana tamaiti ia Isaaka, i te enua i te itinga o te rā.
7 # 25:7 Ou i te Mesia 1822. Teia te au rā o to Aberahama au mataiti i te ora anga nei, okotai anere e itu ngauru e rima ara i te mataiti. 8Unui rava akerā Aberahama, #Gene 15:15; 49:29mate rava akera i te ruaine meitaki anga ra; kua ruaineia te tangata, kua maata roa tona mataiti; e #Gene 35:29; 49:33kapiti katoaia atura aia ki tona uaorai iti-tangata ra. 9E na nga tamariki nana, na #Gene 35:29; 50:13Isaaka raua ko Isemaela, aia i tanu ki roto i te ana i Makapela; i te kainga o Epherona te tamaiti a Zohara ngati Heta ra, ko tei anga tika ia Mamera ra; 10#Gene 23:16I te kainga i okoia e Aberahama i te ngati Heta ra. #Gene 49:31I reira to Aberahama tanu angaia, e tana vaine ia Sara. 11E mate aturā Aberahama, kua akameitaki maira te Atua i tana tamaiti ia Isaaka; e noo oki a Isaaka i #Gene 16:14; 24:62Berelahai-roi.
12Teia te tuatua ia Isemaela, te tamaiti a Aberahama, ta te vaine Aiphiti, #Gene 16:15ta Hagara, te tavini o Sara, i anau ia Aberahama. 13#25:13 Ou i te Mesia 1800.#1 Para 1:29Teia oki te ingoa nga tamariki a Isemaela ra, i to ratou au ingoa, i to ratou ra anau anga; ta Isemaela tama mua ra, Nebaiota ïa, e ko Kedara, e ko Adabeela, e ko Mibesama, 14E ko Misema, e ko Duma, e ko Masa, 15E ko Hadara, e ko Tema, e ko Ietura, e ko Naphisa, e ko Kedema: 16Ko nga tamariki ïa a Isemaela, ko to ratou teia au ingoa, i to ratou au oire, e to ratou au punanga; #Gene 17:20tino ngauru ma rua, e ariki anake i to ratou enua. 17#25:17 Ou i te Mesia 1773.Teia to Isemaela au mataiti i te ora anga, okotai anere e toru ngauru e itu ara mataiti; #Gene 25:8unui akera, mate atura; e kapiti katoaia atura ki tona ki tona uaorai iti-tangata ra. 18#1 Samu 15:7Mei Havila atua to ratou nooanga, i te arataa e aere tika atu ei ki Asura ra, e tae ua atu ki Sura, i te pae i Aiphiti ra: i topa oki #Sala 78:64; Gene 16:12tana tuanga i mua i te aroaro o tona katoa ra ai taeake.
19Teia te tuatua i te tamaiti a Aberahama ra, ko Isaaka; #Mata 1:2anau akera ta Aberahama ko Isaaka. 20#25:20 Ou i te Mesia 1857.E tae akera ki te a o te ngauru anga o to Isaaka mataiti, rave iora aia ia Rebeka, #Gene 22:23te tamaine a Betuela, e ngati Arama no Padana-arama, #Gene 24:29e tuaine no Labana ngati Arama ra, ei vaine nana. 21#25:21 Ou i te Mesia 1838.E kua pure iorā Isaaka ia Iehova i te vaine nana ra, no te mea e pa aia; e #1 Para 5:20; 2 Para 33:13; Ezera 8:23kua akarongo mairā Iehova i tana pure, e kua #Roma 9:10to iora tana vaine ko Rebeka. 22E kua keukeu iora nga tamariki i roto iaia; e kua karanga atura aia, Ko te tu ainei teia, eaa au i akaperaia mai ei? #1 Samu 9:9; 10:22E aere atura aia e ui kia Iehova. 23E kua tuatua mairā Iehova kiaia, #Gene 17:16; 24:60E rua katoa iti-tangata i to kopu na, e ka taka ke aua nga pae tangata e rua ra mei to kopu maira; #2 Samu 8:14e ririnui to tetai i tetai; e e tavini #Gene 27:29; Mala 1:3; Roma 9:12te tuakana ki te teina.
24E tae akera ki te tuatau e anau ei aia ra, i na, e maanga tei roto i tona kopu. 25E ko tei anau mai ana ki vao ra e tangata muramura ïa, #Gene 27:11,16,23e mei te kakau uruuru e pini roa akera; tapa iora ratou i tona ingoa ia #25:25 Tangata uruuru.Esau. 26E i muri ake anau maira te teina, te mou ua ra #Hose 12:3tona rima i te poo vaevae o Esau; i #Gene 27:36tapaiaʼi tona ingoa ko#25:26 Ou i te Mesia 1837. #25:26 Pikikaa.Iakoba. Kua tae oki a Isaaka ki te ono o te ngauru anga o tona mataiti i anau ei a Rebeka ia raua ra.
27E tupu atura taua nga tamariki ra: riro aturā Esau ei tangata #Gene 27:3,5kite i te arumaki manu, e tangata noo ngangaere; karekā Iakoba e tangata #Iobu 1:1,8; 2:3maru ïa, #Ebe 11:9e te noo puakapa. 28E akaperepere aturā Isaaka ia Esau, no te mea kua #Gene 27:19,25,31kaki aia i te manu nana ra: karekā #Gene 27:6Rebeka, akaperepere atura aia ia Iakoba ra. 29Te tunu rā Iakoba i te kai: kua aere mairā Esau mei te ngangaere mai, e kua mate i te pongi: 30E kua tuatua mairā Esau kia Iakoba, E angai mai koe iaku ki tenana kai muramura, kua mate oki au; i tapaiaʼi tona ingoa ko #25:30 Kutekute.Edoma. 31E kua karanga aturā Iakoba, E oko mai koe i taau taoonga mataiapo i tenana. 32E kua tuatua mairā Esau, I na, kua vaitata au i te mate; eaa oki naku teianei taoonga mataiapo? 33E kua karanga aturā Iakoba, Ka taputou mai i tenana; e kua taputou maira aia kiaia, e kua #Ebe 12:16oko maira i tana taoonga mataiapo, tei ia Iakoba maira. 34Kua apai aturā Iakoba i te areto e te pîpî na Esau; #Kohe 8:15; Isa 22:13; 1 Kori 15:32e kua kai iora aia, e kua inu, tu akera aia ki runga, e aere atura: akavaavaa aturā i Esau i te taoonga mataiapo ra.
Currently Selected:
Genese 25: CIMB
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
The Holy Bible in Cook Islands Maori, Reprinted from the edition of 1888 © United Bible Societies, 1972.