Noo Ean 2
2
CAB. II
1As er y trass laa va poosey ayns Cana dy Ghalilee; as va moir Yeesey ayns shen. 2As va chammah Yeesey cuirt, as e ynseydee, gys y vannish. 3As tra vâad laccal feeyn, dooyrt moir Yeesey rish, Cha vel feeyn oc. 4Dooyrt Yeesey râee, Ven, cre tâain dy yannoo rish shen? cha vel my oor foast er jeet. 5Dooyrt e voir rish y vooinjer, Jeanâjee shiuish creâerbee jir eh riu. 6As va soit ayns shen shey siyn cloaie ryâhoi ushtey lurg cliaghtey ny Hewnyn son glenney, cummal ghaa ny three dy firkinyn y pheesh. 7Dooyrt Yeesey roo, Lhieenâjee ny siyn lesh ushtey. As lhieen ad ad seose gys yn oirr. 8As dooyrt eh roo, Tayrnâjee nish, as curâjee lhieu gys mainshter ny cuirraghyn. As hug ad lhieu eh. 9Tra va mainshter ny cuirraghyn er vlashtyn er yn ushtey va chyndaĂŻt gys feeyn, as nagh row fys echey cre voish ve (agh va fys ec ny sharvaantyn va tayrn yn ushtey) deĂŻe mainshter ny cuirraghyn er y dooinneyâphoosee, 10As dooyrt eh rish, Ta dy chooilley ghooinney ec y toshiaght soiaghey magh feeyn mie; as tra ta deiney er nâiu dy mie, eisht feeyn smessey: agh tâou uss er vreayll y feeyn mie derrey mish. 11Yn toshiaght shoh dy virrilyn ren Yeesey ayns Cana dy Ghalilee, as hoilshee eh magh e ghloyr; as ren e ynseydee credjal ayn.
12Ny luirg shen, hie eh hene, as e voir, as e vraaraghyn, as e ynseydee sheese gys Capernaum; as cha nhimmey laa duirree ad ayns shen. 13As va Caisht ny Hewnyn erâgerrey, as hie Yeesey seose gys Jerusalem. 14As hooar eh ayns y chiamble feallagh va creck dew, as kirree, as calmaneyn, as y vooinjer va caghlaa argid nyn soie: 15As tra vâeh er nâyannoo kip dy choyrdyn keylley, deiyr eh ad ooilley ass y chiamble, as ny kirree, as ny dew; as spreih eh magh yn argid ocsyn va caghlaa, as hilg eh harrish ny buird; 16As dooyrt eh roosyn va creck calmaneyn, Ersooylâjeh lesh ny reddyn shoh, ny jeanâjee thie my Ayrey ny hie margee. 17As chooinee e ynseydee dy row eh scruit, Ta graih jeean dty hie er my churâmow.
18Eisht dreggyr ny Hewnyn, as dooyrt ad rish, Creân cowrey tâou dy yeeaghyn dooin, fakin dy vel oo jannoo ny reddyn shoh? 19Dreggyr Yeesey as dooyrt eh roo, Lhiegâjee yn chiamble shoh, as trogâyms eh reesht ayns three laa. 20Eisht dooyrt ny Hewnyn, Shey bleeaney as daâeed vaân chiamble shoh dy hroggal, as Jean uss troggal eh ayns three laa? 21Agh mychione chiamble e chorp hene loayr eshyn. 22Shenâyâfa tra vâeh er nâirree veih ny merriu, chooinee ny ynseydee dy row eh er ghra shoh roo: as chred ad yn scriptyr, as y raa va Yeesey er loayrt.
23Nish tra vâeh ec Jerusalem ec y chaisht, rish earish ny feailley, ren ymmodee credjal ayns yn ennym echey, tra honnick ad ny mirrilyn vâeh er nâyannoo. 24Agh cha hreisht Yeesey eh hene orroo, erâynâoyr dy row enney echey er dy chooilley ghooinney, 25As nagh row feme echey er unnane erbee dy ymmyrkey feanish jeh dooinney: son va fys echey cre va ayns dooinney.
Currently Selected:
Noo Ean 2: CON1810
Tya elembo
Kabola
Copy

Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
© British and Foreign Bible Society 1810, 2019