Psalmyn 122
122
PSALM CXXII.
1-3S’mooar va my voggey eunyssagh
Tra cheayll mee’n pobble gra,
Lhig dooin goll seose gys thie yn Chiarn
Shirveish dy yannoo da.
Gys shen, lhig dooin nyn gesmadyn
Dy cheilley y leeideil;
Son shen y raad, ta Jee ny ghloyr
Coyrt bannaght as speedeil.
4Gys shen, myr tribeyn Israel,
Lhig dooin goll seose as guee;
Moylley, as gloyr, as booise dy bragh
Da’n ooilley-niartal Ree.
5Son shen y raad t’eh soilshagh dooin
E vriwnys as e ghrayse;
6O gow-jee padjer eisht gys Jee,
Son shee as myghin d’aase.
O bannit son dy bragh t’ad shen
Ta son dty vaynrys guee;
7Shee dy row ayns dty voallaghyn,
As ayns dty chooyrtyn shee!
8Feoiltys as palchey dy row lhiat,
As shoh my phadjer jeean;
My chaarjyn as my ainjyssee
Dy chosney’n bannaght beayn.
9S’mooar ta my ghraih son thie yn Chiarn
As shen-y-fa nee’m streeu;
Dy voddym son my aigney mie
Ve jeh dty vyghin feeu.
Currently Selected:
Psalmyn 122: PS1761
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
maintained by the British and Foreign Bible Society