SIEMCHILBU 3
3
Mihing sol a a umna
1 #
Kihil. 12.9; 20.2 Tuachi’n gul pen#Gulpi: gul kichi mawngmawng Pasian doudal leh mihingte melma ahi. Tanah gulpi khu Setan/Dawimangpa kigenna ahi Mangpa Pasian siem gamsa teng teng lah a agitlou pilpen ahi. Tuachi’n aman numei kung ah, ahileh, “Pasian in huon a singga pouma nesih un achi amah?” achi hi.
2Tualeh numei in gul kung ah, “Huon a singgate kane thei uhi’’. 3Hinanleh, “Huon laikim a singga khu Pasian in ne sih un, thamzong na tham khah ding uh ahi sih, tuachilou invang shi khava uteh a chi hi,” achi a.
4Tualeh gul in numei kungah “Shi lai zang lou e, achi hi. 5Aziehpen tua na neh ni uapat, na mit uh hing vah van in, sie leh pha thei in Pasian bang in na hing um ding uh chi Pasian in a thei khin-khian hi” achi hi.
6Tuachi’n numei in singga khu nehthei ahi chileh, mit hiptah ahi chileh mi pilsah dinga singga etla huoi ahi chi athei in aga khat alou a, aneta hi, tualeh apasal kungah zong apie a aman zong aneta hi. 7Tuachi’n ani un amit uh ahing vahta a, guohtang ahi uh ahing kithei kheta uhi. Tuachi’n theipina akhuikhawm ua puonsil in aneita uhi.
8Tualeh amaun nitah lam ninem a Mangpa Pasian huona vah kawi husa aza ua, tuachiin Adam leh azi in Mangpa Pasian khu huon a singte lah ah ana kibutsanta uhi. 9Tuachi’n Mangpa Pasian in “Adam ahan a, akung ah hei a um na hiei?” achi hi.
10Tuachi’n ama’n, “Huon ah na aw ka za a, guohtanga um ka hi ziehin ka zau a kibu ka hi” achi hi.
11Tualeh aman, “Guohtang nahi chi koiin ahing hil ahiei? Neh louding kachi singga ne hitachie izaw?” achi hi.
12Tuamin Adam in “Ka umpi dinga nahing pieh numei in singga ahing pie a, ka neta hi,” achi hi.
13 #
2 Kor. 11.3; 1 Tim. 2.14 Tualeh Mangpa Pasian in numei kungah, “Bang sil atai na bawl?” achia. Numei in, “Gul in ahing sol a ka neta hi,” achi hi.
14Tuachi’n Mangpa Pasian in Gul kungah, “Tambang sil nabawl tah ziehin gantate leh gamsa zousie lah a hamse thuah pen na hi dinga, tualeh na awm in kithol vachin, na damsung in leivui#Leivui ne vateh: nuoisiena leh simmawna etsahna ahi na ne ding hi. 15#Kihil. 12.17Tualeh nang leh numei kahing kidou sah dinga, nahah-nasuonte leh ahahasuonte ka kidou sah nalai dinga, aman nalu hing tawguoi van in, tualeh nang ama ketul na tuhsidup pieh ding hi”.
16Numei kungah Aman, “na gimna leh na nau neina hatangpi in supung vangin, gimtah in ta nahing dinga, na lunggul na pasal thu hivan in, aman na tungah thu anei ngitnget ding hi,” achi hi.
17 #
Heb. 6.8
Tualeh Adam kung ah, “na zi thu nasan a neh louding kachi singga na neh zieh in leitung nang ziehin samsiet ahita, na hinsung gimtah a sem in aga nane ding hi. 18Ling leh khaute lou ling neite nang ading in ahing pou dinga, tuachiin lei a annte louhing na ne ding hi. 19Lei a na kia kia masang sie’n na mai a khosa luong pumin ann na ne ding hi. Lei a lahkhiet na hi ziehin, leivui nahi a, leivui ma ah na kia kia ding hi,” achi hi.
20Tualeh Adam in azi min Evi aphua hi. Mi zousie nu ahi ziehin. 21Adam leh azi dingin Mangpa Pasian in Savun puontuol abawl pieh a, asil sah hi.
22 #
Kihil. 22.14
Tualeh Mangpa Pasian in, “Ngai un, mihing khu eima bang a sie leh pha thei ahing hita a. Tuin hinna singkung akhut a louin ne va un, tangtawn in hing kha va uh” achi hi. 23Tuaziehin Mangpa Pasian in, ama khu a lahdohna leitang hou dingin, Eden huon akipat a notdoh ta hi. 24Tuachi’n mihing khu anotdoh ta a, Eden huon suolam ah hinna singkung lampi veng dingin Cherubimte leh meikuong namsau kihei kawikawi thei akoi ta hi.
Currently Selected:
SIEMCHILBU 3: ZOUBSI
Tya elembo
Share
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.