Baverset oyo Eyebani Mpenza ewuti na Mose II 12

Kabola

Elabe mele Egipte-nyigba la me to ge ava yi le zã ma me, eye mawu ŋgɔgbevi ɖe sia ɖe le Egipte-nyigba la dzi, eɖanye ame o, eɖanye aƒemelã o. Matso nya me na Egipte-mawuwo katã. Nyee nye Aƒetɔ. Ʋu si anɔ aƒe siwo me miele ƒe ʋɔtrutiwo ŋuti la ade dzesi mi, ale be ne mekpɔ ʋua ko la, mato mia ŋu ayi, eye fukpekpe si ava Egiptetɔwo dzi la matsrɔ̃ miawo ya o.

Ŋkeke sia nanye ŋkuɖodziŋkeke na Aƒetɔ tso dzidzime yi dzidzime; nezu ɖoɖo na mi tegbee.”

Ne mia viwo abia be: ‘Miaƒe subɔsubɔ sia gɔme ɖe?’ la, ekema miaɖo eŋu be: ‘Esiae nye ŋutitotovɔsa na Aƒetɔ, ame si to Israelviwo ƒe aƒewo ŋu yi le Egipte, eye wòɖawu Egiptetɔwo hetso míaƒe aƒewo ɖi la.’ ” Tete dukɔ blibo la de ta agu, eye wodo gbe ɖa.