Mataafa Uumata Kullaysuma
Kullaysuma
Mataafa uumata qoota uumataati desa ka qoota paayyota juppoota ka kallaata a rakkootati desa ka kallaata Waaqa nama olli qapo desa torrini. Mataafose, pora lakki'i qootammi.
1. Qajeeltota 1-11 kitto, Qoota uumata a we piisa ka qoota orra paayyotati desa torrini. Qoota Attaami ka a Hewaani, qoota Qaa'eeli ka a Apeeli, qoota Noohi ka a pisha pateetta ka qoota kawwatta Paapilooni, poroose a paayyota qara'e akkaanni.
2. Qajeeltota 12-50ti kitto, Poroose qoota hellaa Isira'eeli a paayyotati desa torrini. Ishoottoppaayye a paayyota Aprihaami, isha amanteetaadin ka Waaqa ajajamaanne upnaysame. Kama'ew, qoota innaadi Hisaaqi ka qoota a opaadi a Yayqoopi ka qoota hellaa Yayqoopi kudanka lakkiti desa torrini. Helloosen a Yayqoopi kudanka lakki, ishootta kaffaa Isira'eeli kudanka lakki kodde. Helloosen kudanka lakki oppaayye xawwi desa, qoota Yoosefi ka akka isha Yayqoopi ka sanynyeetaadi piita Kipsi opa qeede torrini.
Mataafose kadi punu qoota torroota sawwaati desa torrinaayye, piisa qaran qapto'e, Koda Waaqa kode desa torrini. Mataafose Waaqa akka piita ka moonta ka we pisa uume torra paayyini ka kippeetase a Waaqa samaytaadi dikatta diinni in kinnin qara dikkinni. Mataafose paayyota qara, paayyatte haka dikkataati kara kutta, qoota Waaqati desaaw torrini. Sede nefo Waaqa akka orra dapa koono qara' firteeta daassatan qatta'anne fayya samaytaadi harmissaan mukinno ka qaarqaarro torrini. Mataafose a uumata qoota amanteeta orra a xattati desa torrini ka amanteese xaaysho akka in teymammin malla taafame.
Wa mataafose kara ca
ha. Uumata 1:12-25
la. Akka juppoota isho rakkoota paayyatte 3:1-24
ha. Xelta Attaami paayyatte haka Nooheti 4:1—5:32
ma. Noohi isho pisha pateetta 6:1—10:32
sa. Kawwatta Paapilooni 11:1-9
ra. Xelta Seemi paayyatte haka Aprihaamiti 11:10-32
sa. A akkada Isira'eeli Aprihaami ka Hisaaqi isho Yayqoopi 12:1—35:29
sha. Dala Eesaawi 36:1-43
qa. Yoosefi isho hellaasso 37:1—45:28a
pa. A Isira'eeleta piita Kipsiti kitto 46:1—50:26
