Tatanigaina 10
10
Ira Pagusu Ka Ira Tuunamane Noa
1Iahi mu ia tuturina ia pagusu ka ira tuunamane Noa: Semu, Hamu nia Zafeti, e ghua. Leghuna ia ologho, lito mane irahi dike age kuru tuudi.
Ira Pagusu Ka Zafeti
2Ira pagusu ka Zafeti:
Goma, Magogo, Madai, Zavani, Tubala, Meseki nia Tirasi.
3Ira pagusu ka Goma:
Asikenazi, Rifati nia Togama.
4Ira pagusu ka Zavani:
Elisa, Tasisi, Kitimi, nia Rodanimi. 5Maneri mu dike faadira ira noni dike au leghuio ia tutupekana nia ka ira ghizuna ka ia Mediteraniani, fini avohorira ka ira sopai nodi ngengene, kokolo nia soloso, e ghua.
Ira Pagusu Ka Hamu
6Ira pagusu ka Hamu:
Kusi, Miziraimi, Puti nia Kenani. Maneri mu dike faadira ira noni ta baolo leghuri maneri.
7Ira pagusu ka Kusi:
Seba, Havila, Sabata, Rama nia Sabateka.
Ira pagusu ka Rama:
Seba nia Dedani.
8Kusi mu neke nona mamana Nimirodi, ia neke kaike mane magara mane hetanao ka malau iahi peka. 9Manei mu neke kaike mane ta ziifi ka zorapa, ne ghua ghu mamu ghe di kahe ghua nga iahi ira noni ghidira ira ta veha ka zorapa, “Taghe Nimirodi ia mane ta mane heta ka zorapa ne ghua,” di ghua nga. 10Ia tatanigaina ia ravutu ka manei mu neke, Babiloni, Ereke, Akada nia Kalane. Maneri haroharo mu ka giliona ia kavana Babilonia. 11Sipana ka kava ianimu, manei neke lao ani Asiria neke la va teturi ghu ira malau leghaha, Nineve, Rehoboti Iri, Kala, 12nia Reseni, ia ta au varihoataina Nineve nia ia malau leghaha Kala, e ghua.
13Izipi mu neke nodi mamana
Ira noni ka Lidia, Anama, Lehabu, Nafutu, 14Patirusi, Kasiluhu nia Kiriti ka dike la meharo ira noni Filisitia.
15Kenani mu neke nona mamana
Saedoni ia mane ta kusu doli nia Heti e ghua, dike faadi ghu ira noni ta baolo leghuri maneri. 16Kenani mu neke faadi molamo ira nonidi Zebusi, Amoa, Gagasi, 17Hivi, Aka, Sini, 18Avadi, Zemari nia Hamati, e ghua.
Leghunana ira kokolo pagusuna Kenani dike age tehi dike sopai riraha ghu. 19Ia fofotaina Kenani mu neke tataniga ghu Saedoni visi pelovona mo neke dufu lao ghu Zera nia Gaza visi pelopeka mo nia fateo mo ka ira malau ta va kudo ghidi Sodomu, Gomora, Adama nia Zeboimi gheremena Lasa.
20Irahi mu dike pagusura ka Hamu, dike au ghu ka ira sopai kokolo nia ngengene ka ira nodi kobosodi malau nia butubutu noni.
Ira Pagusu Ka Semu
21Semu ia tahinamane ta faa Zafeti neke kuru tuunamane molamo. Manei lamu neke faanana Eba nia ira leghu pagusu nga ka manei, e ghua.
22Ira pagusu ka Semu:
Elamu, Asa, Afakasadi, Ludi nia Aramu.
23Ira pagusu ka Aramu:
Uzi, Huli, Geta nia Meseki.
24Afakasadi mu neke nona mamana Sela
Nia Sela mu neke nona mamana Eba.
25Eba neke kurui palu tuunamane:
Kaikeu mu babaolonana Pelegi, vununa ira noni ka malau iahi peka dike fota ka ia fafata manei, nia ia keha tahinamane mu Zokotani babaolonana.
26Ira pagusuna Zokotani mu:
Alamodadi, Selefu, Hazamaveti, Zera, 27Hadoramu, Uzala, Dikila, 28Obala, Abimaeli, Seba, 29Ofa, Havila nia Zobabu e ghua. Irahi haroharo mu dike pagusunara Zokotani.
30Ia kava ta aui maneri mu neke tataniga Mesa dufu ghu Sefa ka ia voruhu malau fateo mo.
31Irahi mu dike pagusura ka Semu, dike au ghu ka ira sopai kokolo nia ngengene maneri ka ira nodi kobosodi malau nia butubutu noni.
32Irahi mu ira kokolo dike pagusudira ira tuunamane Noa, leghurina ira pagusu ka maneri ka giliodi ira soloso maneri. Ka noni irahi lamu dike sipadira ira noni dike riraharo kave laodira peghuruo ka malau iahi peka leghuna ia ologho.
© 2022, Islands Bible Ministries. All rights reserved.