Matius 1
1
Iodu-aki di Tuhan Yisus Koristus
(Luk. 3:23-38)
1Itino pongilaan diodu-aki di Yisus Koristus, i koturunan di Raja Daud. I Daud nopo nga koturunan diIbraim.
2IIbraim nopo nga iamojo#1:2 iamo: iapa diIsak.
Paganakno dii iIsak om i Yakub.
Paganakno dii i Yakub om i Jouda om i tongosulodjo.
3Om paganakno dii i Jouda om i Pirus om i Gira, nga iinojo i Tamar.
Om paganakno dii i Pirus om iIjrun. Om paganakno dii iIjrun om i Raam.
4Om paganakno dii i Raam om iOminadab.
Om paganakno dii iOminadab om i Nason.
Om paganakno dii i Nason om i Salamun.
5Om paganakno dii ioloi Salamun duvo di Raab om i Buos.
Om paganakno dii ioloi Buos duvo di Ruut om iUbid.
Om paganakno dii iUbid om i Jisi.
6Om paganakno dii i Jisi om i Daud i sinumiliu do Raja di tongotulun Israil.
Om paganakno dii ioloi Daud duvo di savojo om i Suliman.
Iinojo di Suliman savo laid diUrian.
7Om paganakno dii i Suliman om i Riubam.
Om paganakno dii i Riubam om iUbijan.
Om paganakno dii iUbijan om iAsan.
8Om paganakno dii iAsan om i Jusapat.
Om paganakno dii i Jusapat om iUram.
Om koturunan diUram om iOjian.
9Om paganakno dii i Ojian om iUtam.
Om paganakno dii iUtam om iAkas.
Om paganakno dii iAkas om iIskia.
10Om paganakno dii iIskia om i Manasi.
Om paganakno dii i Manasi om iAmun.
Om paganakno dii iAmun om i Jusian.
11Om paganakno dii i Jusian om i Jokunian om i tongotadijo.
Nga ontok diri inovit di tulun Babil i tongotulun Joudi muli soi Vonuvo Babil.
12Pakaayaino dii diolo soi Vonuvo Babil om paganakno dii i Jokunian om i Salatiol.
Om paganakno dii i Salatiol om i Jorubabil.
13Om paganakno dii i Jorubabil om iAbiud.
Om paganakno dii iAbiud om iIliakim.
Om paganakno dii i Iliakim om iAsur.
14Om paganakno dii iAsur om i Jaduk.
Om paganakno dii i Jaduk om iOkim.
Om paganakno dii iOkim om iIliud.
15Om paganakno dii iIliud om iOlisar.
Om paganakno dii iOlisar om i Matan.
Om paganakno dii i Matan om i Yakub.
16Om paganakno dii i Yakub om i Jusip, savo di Moria.
Om i Moria nopo nga minaganak di Yisus, iri roitan do i Koristus i pinili do Kinoringan sumiliu do Raja.
17Jadi kasangkat diri koturunan mantad diIbraim gosob di Daud om opulu om apat. Mantad di Daud gosob diri inovit di tulun Babil i tulun Joudi muli soi Vonuvo Babil om opului om apat koturunan. Om mantadno diri inovit di tulun Babil i tulun Joudi muli soi Babil gosob naanak i Koristus om opului om apat koturunan.
Kinosusuvan di Yisus Koristus
(Luk. 2:1-7)
18Om kinosusuvan nopo di Yisus Koristus nga irad diti. Diri mipogong nogi di Jusip om i Moria, iinojo di Yisus, do aupo nokopidudun iolo om noilaanno laid do nokopomontijanno i Moria. Om tijanjo nopo diri nga mantad di kuasa di Tatod Tolidang. 19Om ii nopo pogong di Moria om otulid ginavo, jadi au moo isido mangawin. Kivaro daa dii ginavo di Jusip mosok-losok mongidu di pipagangan, do au moo isido paraat do ngaran di pogongjo siri gotuvang do tulun toguu.
20Nga di modop-odop i Jusip minsoromopo pasal diri nokoodop dii, om nokoipi dii isido do kivaro iso moloikat do Tuhan do minitangar do ka, “Jusip, koturunan di Daud, ada rumosi do manansavo dilo pogongnu, i Moria. Do tijan nopo dilo nga mantadi di Tatod Tolidang. 21Om osusu nopo i tanak diri nga kusai, om ponguranai mujuno iri do i Yisus, do Isidono momijau di tongotulunJo mantad siri duso diolo,” kadi moloikat di Jusip.
22Iri nopo tinangar di moloikat dii nga porikot diri tinangaran di Tuhan, i pinolombus di nabi pogulu, do irad diti, 23“Rongoo mujuno do momontijan iso raraa do insan tadau, om kapaganak nopo nga kusai, om roitan diolo do i Monuil,” kadi nabi. Komoion nopo do Monuil saralom tangar Ibrani nga, “Maja-vaja i Kinoringan daton.”#Antangai Yasaya 7:14. #1:23 daton: ditokou
24Koposik nopo dii i Jusip, suutono disido iri tinangar diri moloikat do Tuhan do mongoi manansavo di Moria. 25Nga di aupo nosusu i tanak kusai diri, aupo dinudunjo i Moria. Kosusu nopo dii i tanak om ponguranai dii di Jusip do i Yisus.
© 1995, Wycliffe Bible Translators, Inc. All rights reserved.
