मत्ती 6:16-18

खा चाङ्मा तेःकासुना खोक्नाकक्याइ च्योःङ्‍रा पेःदी ख्योक्या छेन्दा नाःक्पु माःजो। खोक्नाकक्या नी खा चाङ्मा तेःती एः लाःती राःङ्साला तेङ्जेला छेन्दा नाःक्पु जोदी तेःकुए। तेःन्दामरा ङाः ख्याक्याला लाःके, खुङक्याइ ज्योर्कोःन्दी इनाम ज्योर्सीःङ्दी एः। इःनाङ ख्योदी खा चाङ्मा तेःकासुना तोःङ्बा ठुदो ओःले गोला माःर्कु टुःल्दी तेः। एःन्डु पेःगासुना मीःक्याइ मीःङे, इःनाङ मीःक्याइ मेःथोङेन ख्योइ आबा कोन्ज्योइ चीग्रा ख्यो खा चाङ्मा तेःक्योक थोङेन एः, ओःले ख्योइ खाजुम्माले पेःक्योक लेःगा थोङेन ख्योइ आबा कोन्ज्योइ ख्योला इनाम तेर्केन एः।