Yohani 9
9
UYesu akumupozyʼumuntu wʼapafilwe she wuntonko
1Ilelo lwʼakutuha, pʼahagʼumuntʼuwantonko wʼapafilwe nayo. 2Pe vahamuvuzilizyʼavasundikwa vakwe vahati: Labi, unanu atazilʼamalandu nawuyo navapafi vakwe, shʼapafilwe nintonko? 3AhamulʼuYesu ahati: Wope nawuyo atatazilʼamalandu navapafi vakwe vwelele. Nkandi imbombo zya Mulungu zilolehaje mumwakwe. 4Iswe pakuti tuvombʼimbombo yʼuno wʼantumilʼine, lwe musanya. She vukwinzʼuvusiku, pe numo atalivomba mumwo. 5Shinishi shima she ndi munsʼumu, pe ne luhozyo lwa nsi. 6Ilelo lwʼayanzile linili, pʼahaswilʼamati pansi, ahahandanyʼintope namati, havili intopʼino ahamupaha muminso, 7ahamuvuzya ahati: Valaga, ugeze mwidimi lya Siloha (lye likuti mutumilwa). Pʼahavala, ahageza. Havili ahinza shʼakwenya.
8Avene lelo ve vapalamiye nawo ukuzenga nava ve vamuwenyi shima akulava iṿwa kulava vahati: Amwe ate wuyo wʼatendime, wʼalavagʼiṿwa kulava? 9Vamo vahati: Wuyo. Avamwavo vahati: Ndali, wunji, vaholine vuholana. Uwene ahati: Nkwe nene. 10Vahamuvuzya vahati: Aminso gaho gigusile vuli? 11Uwenʼahamula ahati: Umuntu we vakuti wʼuYesu ahahandanyʼintope, ahampaha muminso, ahambuzya ahati: Valaga kwidimi Siloha, ugeze. Ilelo lwe mbazile, lwe ngezile, pe nkenya. 12Avene vahati: Ali kwi uwene? Uwene ahati: Ntamanyile.
13Pe vahamutwala AvaFalisayi umuntʼuno wʼali nintonko lulwo. 14Apene nyene pali pe pisabati, lwʼuYesu ahandinyʼintope, lwʼamwiguyʼaminso. 15Pe havili vope navaFalisayi vahamuvuzilizya vahati: Ganzite vuli ukwiguha aminso gaho? Uwene ahavavuzya ahati: Ambisilʼintope muminso, nkageza, ilelo pe nkwenya. 16Pe vamo avaFalisayi vahati: Umuntʼuno atafumile kwa Mulungu, shʼatakusajilʼisabati. Avamwavo vahati: Inga mutalʼamalandu pʼangapelʼiṿimanyilo ṿiniṿi? Ilelo pe vahatapunkana mwe vavaliye. 17Vahamuvuzya nohavili uwantonko vahati: Iwe shinishi shʼayiguyʼaminso gaho, pʼukuti wʼunanu? Uwene ahati: We mukuvwi. 18Avenʼava-Yuda lelo vahasita nukwitiha ukuti ali wantonko, havili shinishi akwenya. Zihasila lwe visitʼavapafi vʼuno wʼayigusilʼaminso. 19Ve vahavavuzilizya vahati: We mwana winyu we mukuti apafilwe nintonko? Akwenya vuli havili shinishi? 20Pe vahamula avenʼavapafi vakwe vahati: Tumumanyile ukuva we mwana witu, nukuti apafilwe nintonko. 21Izyo nyene shʼakwenya shinishi, zye tutazimanyile. Nawuyo wʼamwiguyʼaminso wope tutamumanyile iswe. Mumuvuzilizyaje wuyo, shʼakuzile, avavuzyʼuwene izyakwe. 22Izyene zinizi nyene zye vahayangʼavapafi vakwe, she vahogopagʼavaYuda. ShʼavaYuda vitinkine vatili: Inga wokʼumuntu akumwitiha akuti we wʼuChilisiti, we tumufumwe musinagogi. 23Zye zizyo avapafi vakwe vahati akuzile mumuvuzilizye wuyo.
24Pe vahamwitʼulwa vuvili umuntu wʼali wantonko vahamuvuzya vahati: UmushindishʼuMulungu. Shʼiswe tumanyile umuntʼuno ukuva mutalamalandu. 25Uwenʼahamula ahati: Manyi, inga mutalamalandu. Imanyile hoka hanaha ine, ukuti nali ne wantonko, nkandi shinishi pe nkwenya. 26Pe vahamuvuzya vahati: Atili vuli nawe? Akwiguye vuli aminso? 27Ahavamula ahati: She mbavuzizye lwe lutanzi, nkandi mutahiṿwa. Mukwanzʼukwiṿwa zinizi havili? Ingavanga namwe mukwanza ukuyipelʼukuva mwe vasundikwa vakwe? 28Vahamuligʼavene vahati: We musundikwa wʼula wenewe, iswe swe vasundikwa va Mose. 29Iswe tumumanyile ukuti uMulungu ayanzile nawʼuMose, nkandʼuno tutamanyile kwʼafumile. 30Uwenʼumuntu ahamula ahavavuzya ahati: Zye zya kusukumila nkani, she mutamanyile kwʼafumile nashenga aniguliyʼaminso. 31Iswe tumumanyilʼuMulungu ukuti avatalamalandu atakuvatejelezya ndali, nkandʼuno wengʼamumanyilʼuMulungu ukuti wengʼakuvomba zyʼakasime wuyo, we wuyo wʼakumutejelezya. 32Ukufuma pala pʼipezilwʼinsi numo atiṿuye ukuti alipʼumuntu wʼayiguyʼaminso ga wantonko wʼapafilwe nayo. 33Wope numuntʼuno apele atafumile kwa Mulungu, nkandi atakupela naṿimo. 34Vahamula vahamuvuzya vahati: We wapafilwe nuvutalamalandu nzila, we ukutusambilizya wenewe? Pe vahamufumwa kunzi.
35UwenʼuYesu ahiṿwa ukuti vamufumizye kunzi, lwʼahomana nawo pʼahati: Iwe umwitisilʼuMwanamuntu? 36Uwenʼahamula ahati: Wunanu lelo, Mwene, ukuti imwitihaje? 37UYesu ahamuvuzya ahati: Umuwenyi, uno wʼakuyanga nawe we wuyo. 38Uwene ahati: Nkwitiha Mwene. Pʼahamusugamilila. 39PʼuYesu ahayanga ahati: Munsʼumu mwe ninzile ukuti ndonje, ve vatakwenya ukuti venyaje, ve vakwenya ukuti vavanje vantonko. 40Zye vahiṿwa vamo avaFalisayi ve vali nawo, vahamuvuzya vahati: Amwe naswe swe vantonko? 41UwenʼuYesu ahavavuzya ahati: Inga mupele mwe vantonko, pe nkandʼamalandu mute nago. Shinishi nyene she mukuti tukwenya, pʼamalandu ginyu gakusyala namwe.
Nyiha New Testament © British and Foreign Bible Society, 1965.
