Wiwitan 6:1-4

Nalika manungsa wis wiwit tambah-tambah ing bumi lan pada nduwé anak wadon, para anak Gusti Allah bareng weruh anaké wadon para manungsa kuwi pada ayu-ayu, banjur pada ngepèk bojo karo endi sing disenengi. Ing kono tembungé GUSTI: “Roh-Ku ora bakal selawasé manggon karo manungsa, awit uripé mung nuruti daging, mulané sak terusé umuré mung bakal 120 taun.” Waktu semono ing bumi ana bangsa sing pawakané gedé duwur; sakwisé kuwi ya ana, para anak Gusti Allah pada nuroni anaké wadon para manungsa lan kuwi pada nduwé anak, ya kuwi para wong sing gagah rosa-rosa ing jaman mbiyèn sing jenengé kesuwur.