Shiyanso 6
6
Uwunansi wa vaanu
1-2Avaanu vayansaaga kiyonjelela na kiyalaalila pa nyi apa. Avaana va shidiimi va Nguluvi#6:2 Avaana va shidiimi va Nguluvi: Iliswi ili lya Shihebulaniya. Uluganulo lwakwe lusimanyikha wunofu. Yikwiliile kiiva fiinu fya kushaanya ukho, fina fimanyikha kiiva fina ngufu mandu awu vaanu vina vakwiliile kiiva vana ngufu nyinshi isa kiilwa. vavaaga avahinja va vaanu vanofu mandu na vavatoola kiiva vadala vaanave ngaja shina vavageene. 3Baheene uMutwa uNguluvi wáaja, “Inumbula yangu yisikhasigala mwa muunu#6:3 Inumbula yangu yisikhasigala mwa muunu: Uluganulo ulunji lukwiliile kiiva, Inumbula yangu yisimenana nu muunu. nsiku soona, kwa kiiva umwene wa kiifwa. Insiku saakwe sikhava maakha ligana limo na mashumi gavili (120).”#6:3 Maakha ligana limo na mashumi gavili (120): Apa uluganulo lwakwe lusimanyikha wunofu. Leelo, uluganulo ulunji lukwiliile kiiva, Maakha gina gaali inoonya inkhome yishaanali ni shisansa sha malenga kiyansa.
4Uluhaavi ulo avaana va shigoosi va Nguluvi vakhandi vijenda na vahinja va vaanu baheene vaava viisava avaana vaanave. Avaana ava vatambulwagwa Vanefili, ava vakhandi vagoosi vanya ngufu na vakhandi vimanyikha mandu.
5UMutwa uNguluvi wáwaaga uwunansi wa vaanu ava wukhome mu nyi yoona, na uluhaavi loona amahiiva goona aga vaanu gakhandi ga wunansi hela. 6Wásigitikha mandu kwa kivawumba avaanu pa nyi apa, apo inumbula yaakwe yaaluma mandu. 7Lino, wáaja, “Nikhavabuda avaanu woona vina navawumbaga pa nyi apa, kiyansa avaanu mbakha inkhanu soona, ifiinu fina fitambala ni nyuni sa kushaanya. Khanji nihiiva kwashi navawumbaga!” 8Leelo, uNuhu wámushendefyaga uNguluvi.
UNuhu ni shipugo ishikhome
9Iyi yiyeene mola ya Nuhu. UNuhu akhandi muunu mugolofu yuna agaya mangʼuulo pa Nguluvi, uluhaavi lwa vaanu vaakwe. 10UNuhu akhandi na vaana vatatu va shigoosi, uSheemu, uHamu nu Yafeti.
11-12Lino, uNguluvi wáyiloleelaga inyi, wáyaaga kiija, yinanjiishe mandu na vaanu woona vaveele vanansi na vanya mapuli. Khanji shila shiinu shina shuumi shikhandi shiigaha uwunansi. 13Baheene uNguluvi wámujovela uNuhu, “Nalamula kivabuda avaanu woona kwa kiiva vayimemiise mandu inyi uwunansi. Shiyooli nisivabude woona lumo ni nyi!
14“Lino tenda ishipugo shikhome mandu isha mabaani ga muvanga, tenda imwandi mukhati yaakwe ushipashe umupulya mukhati na kunja. 15Ishipugo shina ukhatenda shiveesaje ndeeni, uwutali waakwe wuve mawokho#6:15 Mawokho: Liwokho limo vakhandi vipiima kiyansisa ku ndole mbakha ku nkhokholo, insiku isi yiiva nusu miita. magana gatatu (300), uwupapaate waakwe wuve mawokho mashumi gasaanu, kiluta kushaanya yive mawokho mashumi gatatu. 16Ishipugo shive sha juulu sitatu nu mulyango gumo mukhome mu luvafu. Usenje ulwansa na uleshe imwenshe ya liwokho limo paakhati ya luhengo nu lwansa.
17“Puliisa, nalamula kileeta ulufuwukho mu nyi yoona, kiija shila shiinu ishuumi shifwe. 18Leelo, nifinga kunyaakho kiija, owe usiyinjile mu shipugo lumo nu mudala waakho na vanaakho na vakhamwanaakho. 19Uyinjise shila shiwumbwa shina shuumi fivili fivili, shimo shigoosi na shimo shidala, baheene fikulushe lumo noowe. 20Shila nyuni, inkhanu sa mu lihakha ni sa kidiimwa na shila shiinu shina shitambala pansi, ifyo fyona fiyinse kunyaakho fivili fivili, baheene fikulushe. 21Utoole ishakiilya shinshi ushiviishe, ushiyangalile kwa kiiva yeenyu ni nkhanu.”
22UNuhu wáagaha goona ngaja shina uNguluvi akhandi amulajiise.
© 2020, Wycliffe Bible Translators, Inc. All rights reserved.