Yela Tɔn nɔ bini waa baɡla
Tɔn nɔ bini waa baɡla
Yela Tɔn nɔ, nɛmbele baŋwɛnɛ bwaa chwerɔ dɛ kpɔ dɛɛ tomɛ Korowii, kɛɛ dɛɛ baɡle ɡɛ ba liire aa doa o be. Kooro Devidii chwerɛ a ɡalɡa bwa. Yela nɔ ane dɛ baɡle Korowii kpɛɛra ne silɛɛ wa, asɛ ane ɡe ɛɛ baɡle bandia ne silɛɛ bɛ dɔe wa. A dɛ cha yaa wobɛlbwa yaa lɔ a bini, dɛ lawɛ yaa dɛɛ ba Korowii be. Ba chwerɛ ane ɡe asɛ nɛra pɛ dɛɛ ɡoa yela. Yela la bwa lɔ lafa fifraanue, asɛ ba bɔne a bini bɔre anue. Yela nyu 119 laanee jaŋa a bwa bini, asɛ Korowii waa do peɡra bɛlbwa ta.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.