Yela 8
8
Korowii Jirima ne nɛwɛnyini jirima
Kooro Devid yel
1N Naa Korowii
yaa dɛ tomɛ,
he sɔn kan harɛ nɔ ta
bobɛlbwa!
Nɛra dɛ kpɛɛre kohona,
aa tel nyundua bwa.
2Bechale ne bifola bwa
ɡo yela dɛɛ kpɛɛre
he dɔma wa,#Mat 21:16
dɛ ɡel dɔma ne
nɛra baa kpɔ waa dɛɛ bɔ
waa kem la nyoa sɔɔh.
3Dɛ n ta sie dɛ nyiŋi nyundua,
dɛ lii kwaa haa taa,
ne ɡɛ haa kpɔ korobie
ne weweela
cheɡ a chebɔra aa,
4nɛwɛnyini ɡee bɔkwa,
asɛ hɛɛ lii o waɔ?
Nɛwɛnyini ɡee bɔkwa,
hɛɛ dawɛ o waɔ?#Hib 2:6-10
5Tamaa kenii he ɡel
nyundua toroma ɡwaa
nɛwɛnyini,
he ɡelɔ nɛn dɔ jirima
asɛ komɛlbwa ɛɛ tɛo
duure.
6He ɡelɔ o dɔ komɛlbwa
kpeɡri a do o lɔɡa,#Ɛfe 1:22
7peera ne nae,
dɛ kpɔɡ bini ola bwa,
8ne jumbii aa lɔ nyundua,
dɛ pɛŋa aa lɔ mpo bini,
ne komɛlbwa aa lɔ o bini
bwa.
9N Naa Korowii yaa dɛ tomɛ,
he sɔn kan harɛ nɔ ta
bobɛlbwa!
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.