Jon 5 - 인기 성경 구절

공유

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

Pöata te tareia e Iesu te opö uaien nonei has e atei sil sokui te solon ka menaien a siki, ba nonei e poeiena i tanen, “Alö e ngil hasem alö gi kato haniga poutseiou?”

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia. Kaba alimiou e raman la uamuma i tar bate mi luemiou a nitöatöa te ka nitöana.

Be Iesu e poeiena i tanen, “Takei balö te söatem u holholasa i tamölö balö te lam.” Ba tara tsi pöata puku has teka ba katuun e niga poutsuna me söatena u holholasa i tanen me tataalana. A ka teka e butuia turu Lan u Göagono turu Jiu.

Be Iesu e poeiena i taren, “Alia e hatei hamana koru ragou limiou, a Pien ema antunan kato pepeisa nanei ta ka. E kato lasena a ka te tarenen te katoena e Tamanen, taraha a ka te katoena e Tamanen, nonei e kato hase nouen.