Awˬ hkuiˉ puiˍ ve li‸ 39 - 인기 성경 구절

공유

Gʼuiˬsha Yoˇseh‸ geh chehˇ taˍ leh, yawˇ te ve kanˉ teˇ hpaˍ hta‸ uiˍ la da‸ la piˇ ve yoˬ. Yawˇ lehˬ, yawˇ ve awˬ shehˍ hpaˇ Eˇjiˇtu‸ chaw ve yehˬ hkʼaw chehˇ taˍ ve yoˬ.

Pawˇtiˆhpaˍ lehˬ, yawˇ ve yehˬ kʼa awˬ pon te‸ chiˉ maˇ kʼaw‸ dawˇ nyi ve yoˬ. Yawˇ caˇ ve caˇ tuˬ maˇ heˆ kʼo, kanˉ hkʼa peu-eˬ Yoˇseh‸ ve la‸ sheh hkʼaw lo chiˇ a‸ piˇ taˍ ve yoˬ.

Hkʼe te leh, htawnˍ awˬ hoˉ lehˬ yawˇ hta‸ htawnˍ yaˇ hkʼa peu-eˬ hkʼoˆ awˬ hoˉ te tcuh leh, htawnˍ hkʼaw te tuˬ cawˬ ve kanˉ hkʼa peu-eˬ Yoˇseh‸ hta‸ chiˇ a‸ piˇ ve yoˬ.

Hkʼe te leh, yawˇ Yoˇseh‸ hta‸ hpeh leh jawˇmawˇ ve htawnˍ hkʼaw keu taˍ ve yoˬ. Ya‸ hkʼaˇ, Gʼuiˬsha Yoˇseh‸ geh chehˇ leh yawˇ hta‸ awˬ bon na‸ piˇ ve pa taw, htawnˍ awˬ hoˉ yawˇ hta‸ nyi ma cawˇ ve yoˬ.

Yoˇseh‸ lehˬ awˬ hkiˇ awˬ naˬ da‸ ve pa taw, yawˇ ve yehˬ shehˍ ma yawˇ hta‸ hkʼawˇ faˍ leh, yawˇ geh ca zuh‸ la tuˬ kʼoˆ piˇ ve yoˬ. Ya‸ hkʼaˇ yawˇ kʼoˆ ve, Ngaˬ ve awˬ shehˍ hpaˇ ve awˬ lawn dawˇ nyi sheˬ. Yawˇ lehˬ, yawˇ ve yehˬ kʼa awˬ pon te‸ chiˉ maˇ dawˇ nyi-o. Yawˇ hkʼa cawˬ ve mawˇ jeˬ hkʼa peu-eˬ ngaˬ hta‸ chiˇ a‸ laˇ taˍ ve yoˬ. Ngaˬ ve awˬ shehˍ hpaˇ teˇ gʼaˇ maˇ heˆ kʼo, yehˬ chi hkʼaw ngaˬ a‸ kehˉ uiˍ ve chaw maˇ cawˬ. Nawˬ teˇ gʼaˇ maˇ heˆ kʼo, yawˇ ngaˬ hta‸ maˇ chiˇ a‸ laˇ ve awˬ ceuˬ teˇ ceuˬ ka‸ maˇ cawˬ. Ngaˬ lehˬ, hkʼaˬ hkʼe te cha‸ chiˆ ve kanˉ chi hkʼe ve hta‸ te leh, Gʼuiˬsha hta‸ te ya‸ hpeh‸ tuˬ le, teh‸ kʼaw‸ kʼoˆ piˇ ve yoˬ.

Teˇ nyi htaˇ, yehˬ hkʼaw lo chaw teˇ gʼaˇ ka‸ maˇ chehˇ ve teˇ yanˇ, Yoˇseh‸ lehˬ kanˉ te tuˬ yawˇ ve awˬ shehˍ hpaˇ ve yehˬ lo kʼai ve yoˬ. Oˇ htaˇ, yehˬ shehˍ ma lehˬ yawˇ ve aˉ po‸ hta‸ tcuhˆ tiˍ taˍ leh, Laˬ-o‸. Ngaˬ geh ca zuh‸ la, teh‸ yawˇ hta‸ kʼoˆ piˇ ve yoˬ. Oˇ htaˇ, yawˇ ve aˉ po‸ hta‸ yawˇ ve yehˬ shehˍ ma ve la‸ sheh hkʼaw baˬ taˉ leh gʼuiˇ hpaw-e ve yoˬ.