Awˬ hkuiˉ puiˍ ve li‸ 35 - 인기 성경 구절

공유

Gʼuiˬsha kʼoˆ ve, Ngaˬ lehˬ kanˇ paˆ uiˍ ve Gʼuiˬsha hpeh‸ ve yoˬ. Nawˬ geh awˬ yaˇ awˬ duˬ maˇ maˇ cawˬ la piˇ-oˆ. Nawˬ geh lo awˬ ceuˬ awˬ hkʼaˇ maˇ maˇ cawˬ la leh, nawˬ awˬ hkʼaw lo jawˇmawˇ maˇ maˇ tawˆ la tuˬ yoˬ. Aˍbraˍhanˍ leh Iˉcaˆ hta‸ piˇ taˍ ve mvuhˇmiˬ chi, nawˬ leh nawˬ ve awˬ ceuˬ awˬ hkʼaˇ teˇ hpaˍ hta‸ ngaˬ piˇ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.

Ngaˬ tu‸ chehˇ hkanˍ chehˇ htaˇ ngaˬ hta‸ ga laˇ leh, ngaˬ geh hkʼaˬ htaˆ ka‸ chehˇ taˍ ve Gʼuiˬsha awˬ pon tuˉ tanˇ kuiˬ teˇ maˬ ca te tuˬ, Beˍteˍlaˆ lo ngaˬ hui gʼa kʼai tuˬ yoˬ, teh‸ kʼoˆ piˇ ve yoˬ.

Gʼuiˬsha kʼoˆ ve, Nawˬ ve awˬ meh lehˬ Yaˍkoˆ yoˬ. Ya‸ hkʼaˇ, ya‸ nyi hkʼaw‸ nawˉ nawˬ hta‸ Yaˍkoˆ teh‸ maˇ gʼa kʼaw‸ kuˬ. Nawˬ ve awˬ meh lehˬ, Iˉsaˍreˍ laˆ hpeh‸ ve yoˬ, teh‸ kʼoˆ ve yoˬ. Hkʼe te leh, yawˇ hta‸ Iˉsaˍreˍlaˆ teh‸ meh piˇ ve yoˬ.

Oˇ htaˇ, Yaˍkoˆ lehˬ yawˇ ve yehˬ yaˇ kʼa yaˇ leh yawˇ geh chehˇ taˍ ve chaw teˇ hpaˍ hta‸ chi hkʼe kʼoˆ piˇ ve yoˬ. Nawˬ hui geh cawˬ ve shaˉ ho‸ teˇ hpaˍ hta‸ yuˬ baˬ-oˬ. Nawˬ hui a shu yawˇ ve awˬ to hta‸ da‸ tuˬ kehˬ tuˬ te leh, veu‸ kʼaˇ awˬ suhˉ kʼaw‸ htaiˍ-o‸.

Oˇ ve hkʼaw‸ nawˉ Gʼuiˬsha Yaˍkoˆ hta‸ kʼoˆ piˇ ve, Nawˬ tu leh Beˍteˍlaˆ lo ca chehˇ-oˆ. Nawˬ viˉ paˍ Iˉsawˇ geh nawˬ hpaw tawˆ la chehˇ htaˇ, nawˬ geh laˬ ve Gʼuiˬsha awˬ pon oˇ kaˬ lo tuˉ tanˇ kuiˬ teˇ maˬ ca te-o, teh‸ kʼoˆ piˇ ve yoˬ.

Raˍhkeˍlaˆ lehˬ suh la paˇ neˇ htaˇ, yaˇ paˍ oˇ ve hta‸ Beˍnawˇni teh‸ meh piˇ ve yoˬ. Ya‸ hkʼaˇ, yawˇ ve awˬ pa lehˬ yaˇ paˍ oˇ ve hta‸ Beˍyaˍmenˍ teh‸ kʼaw‸ meh piˇ ve yoˬ.