Awˬ hkuiˉ puiˍ ve li‸ 25 - 인기 성경 구절

공유

Gʼuiˬsha yawˇ hta‸ kʼoˆ piˇ ve, Nawˬ ve gʼoˇ peˬ hkʼaw chaw ceuˬ lonˉ nyiˇ ceuˬ chehˇ taˍ leh, nawˬ geh maˇ cawˇ da‸ puiˉ ve chaw nyiˇ gʼaˇ paw la tuˬ yoˬ. Teˇ gʼaˇ lehˬ, awˬ nu teˇ gʼaˇ a‸ kehˉ awˬ gʼaˇ uiˍ jaˇ tuˬ yoˬ. Awˬ viˉ paˍ lehˬ awˬ nyi paˍ ve awˬ ceˬ gʼa te tuˬ yoˬ, teh‸ kʼoˆ piˇ ve yoˬ.

Yawˇ awˍ meu‸ jaˇ leh, Ngaˬ heuˬ jaˇ peuˬ. Nawˬ te chehˇ ve awˍ chiˇ gʼuiˬ ngaˬ hta‸ a ciˉ taw laˇ-oˆ, teh‸ Yaˍkoˆ hta‸ kʼoˆ piˇ ve yoˬ. (Chi hta‸ pa taw, yawˇ hta‸ Eˇdonˍ teh‸ meh piˇ ve yoˬ.)

Reˍbehˆka‸ lehˬ yaˇ teˇ gʼaˇ ka‸ maˇ cawˬ ve pa taw, Iˉcaˆ Gʼuiˬsha geh bon lawˬ ve yoˬ. Gʼuiˬsha lehˬ yawˇ ve bon lawˬ hkawˇ hta‸ na yuˬ piˇ leh, Reˍbehˆka‸ hta‸ yaˇ hu la piˇ ve yoˬ.

Iˉsawˇ kʼaw‸ kʼoˆ ve, Ngaˬ awˬ meu‸ ve suh la yoˬ. Ngaˬ ve yaˇ paˍ uiˍ aˉ yaˇ lehˬ ngaˬ hta‸ aˬ hto‸ ma awˬ bon pe‸ laˇ gʼa tuˬ le, teh‸ kʼoˆ ve yoˬ. Yaˍkoˆ kʼaw‸ kʼoˆ ve, Nawˬ ka ti‸ maˇ te laˇ sheˬ ve ceh ceh ngaˬ maˇ taw laˇ, teh‸ kʼaw‸ kʼoˆ piˇ ve yoˬ. Hkʼe te leh, Iˉsawˇ ka ti‸ te leh yawˇ ve yaˇ paˍ uiˍ aˉ yaˇ Yaˍkoˆ hta‸ piˇ ve yoˬ.

Oˇ ve hkʼaw‸ nawˉ, awˬ nyi paˍ teˇ gʼaˇ lehˬ awˬ viˉ paˍ ve hkui kʼawˍ lehˍ hta‸ vawˆ leh tawˆ la ve yoˬ. Hkʼe te leh yawˇ hta‸ Yaˍkoˆ teh‸ meh piˇ ve yoˬ. Yawˇ huiˉ maˬ paw la ve teˇ yanˇ Iˉcaˆ a sha‸ 60 hkʼaw‸ gaˬ peuˬ ve yoˬ.

Iˉsawˇ lehˬ awˬ pa hta‸ shaˍ bawˆ caˍ piˇ puiˉ ve pa taw, awˬ pa yawˇ hta‸ ha‸ ve yoˬ. Reˍbehˆka‸ lehˬ Yaˍkoˆ hta‸ ha‸ ve yoˬ.