Awˬ hkuiˉ puiˍ ve li‸ 15 - 인기 성경 구절

공유

Oˇ htaˇ, Aˍbranˍ Gʼuiˬsha hta‸ yonˍ ve yoˬ. Yawˇ yonˍ ve pa taw Gʼuiˬsha yawˇ hta‸ nyi ma cawˇ ve yoˬ.

Oˇ ve hkʼaw‸ nawˉ Aˍbranˍ lehˬ, zuh‸ maˆ ve awˬ hkʼaw lo Gʼuiˬsha tawˇ yaw piˇ ve awˬ hkawˇ hta‸ gʼa kaˇ ve yoˬ. Gʼuiˬsha kʼoˆ ve, Aˍbranˍ-oˬ, taˇ kawˆ. Ngaˬ nawˬ hta‸ ha‸ shaˉ taˍ leh uiˍ jaˇ ve la‸ shawnˍ piˇ laˇ tuˬ yoˬ.

Gʼuiˬsha yawˇ hta‸ yehˬ awˬ baˬ hpawˇ lo shiˍ tawˆ-e leh kʼoˆ piˇ ve, Mvuhˇ naw ma hkʼoˆ lo chiˇ nyi leh meu‸ keu shiˍ teˇ hpaˍ hta‸ gʼaw nyi-o. Nawˬ ve awˬ ceuˬ awˬ hkʼaˇ teˇ hpaˍ lehˬ, oˇ ve hkʼa shuˍ maˇ jaˇ tuˬ yoˬ, teh‸ kʼoˆ piˇ ve yoˬ.

Oˇ htaˇ, Gʼuiˬsha ve tawˇ hkawˇ yawˇ geh gaˬ la leh kʼoˆ ve, Eˇlaˍsaˍ lehˬ nawˬ ve awˬ shinˉ hta‸ gʼa caˇ tuˬ ve maˇ heˆ. Nawˬ ve awˬ shinˉ hta‸ gʼa caˇ tuˬ ve chaw lehˬ, nawˬ ve yaˇ paˍ yoˬ, teh‸ kʼoˆ piˇ ve yoˬ.

Oˇ htaˇ Gʼuiˬsha Aˍbranˍ hta‸ kʼoˆ piˇ ve, Nawˬ ve awˬ ceuˬ awˬ hkʼaˇ teˇ hpaˍ lehˬ, shu ve mvuhˇmiˬ hkʼaw gʼa ca chehˇ tuˬ yoˬ. Yawˇ hui lehˬ awˇ ha hkʼaw‸ hkʼa gaˬ shu ve awˬ ceˬ gʼa te tuˬ yoˬ.

Aˍbranˍ kʼaw‸ yaw hkʼaw‸ leh kʼoˆ ve, Jawˇmawˇ Gʼuiˬsha-oˬ, nawˬ lehˬ ngaˬ hta‸ aˬ hto‸ ma la‸ shawnˍ piˇ laˇ tuˬ ve le. Ngaˬ lehˬ yaˇ teˇ gʼaˇ ka‸ maˇ cawˬ. Ngaˬ ve awˬ shinˉ gʼa caˇ tuˬ ve chaw lehˬ, Daˍmaˍsehˆ venˇ yaˇ Eˇlaˍsaˍ ceh tiˉ cawˬ ve yoˬ.

Oˇ kaˬ lo Gʼuiˬsha Aˍbranˍ hta‸ ka ti‸ te leh kʼoˆ piˇ ve, Eˇjiˇtu‸ miˬ tcuhˉ hta‸ te leh Uˉhpaˍ raˆ iˉ kaˆ lawˬ lo hkʼa gaˬ, awˬ kaˍ lo cawˬ ve

Awˬ lawn kʼo, haiˬ jaˇ ve Aˍmawˇriˆ chaw hui hta‸ ngaˬ maˇ gʼa‸ kʼoˬ piˇ sheˬ ve ceh ceh, nawˬ ve awˬ ceuˬ awˬ hkʼaˇ teˇ hpaˍ awˇ co-e hkʼa gaˬ shu ve awˬ ceˬ gʼa te chehˇ tuˬ yoˬ. Oˇ ve hkʼaw‸ nawˉ, yawˇ hui choˬ kaˬ lo gʼa kʼaw‸ la tuˬ yoˬ, teh‸ kʼoˆ piˇ ve yoˬ.