Dànì Kèhoį̀wo 21 - 인기 성경 구절

공유

Gots'ǫ̀ K'àowo, Sarah ts'ǫ̀ wedzeè eteèɂı̨ t'à edeyatıì yeghàı̨ɂǫ k'ę̀ę̀ yets'ǫ̀ eghàlaı̨dà.

Hanìkò Nǫ̀htsı̨ eyı dǫzhìa etse yeèhkw'ǫ. Nǫ̀htsı̨ wets'ǫ yak'eet'ı̨į̀ yak'e gots'ǫ Hagar ts'ǫ̀ gode, hayèhdı, “Hagar nexè dàgòjà? Dı̨ı̨jı̨-le, dǫzhìa eyı whetı̨ı̨ xè etsee sìı Nǫ̀htsı̨ yeèhkw'ǫ hǫt'e. Dǫzhìa nıìtłaà awı̨ı̨le gà k'egòwı̨ı̨dı, wets'ıhɂǫ̀ǫ-dǫǫ̀ łǫ gǫ̀hłı̨ ha ne t'à,” yak'eet'ı̨į̀ yèhdı.

Eyıt'à Abraham eneèko whelı̨ tł'axǫǫ̀ wets'èkeè Sarah hotıeda-le ajà xè yezaa nìı̨htı̨. Hotıì ekìıyeè k'e Nǫ̀htsı̨ hagode ha dı ı̨lèe sìı k'ę̀ę̀ agòjà.

Sarah hadı, “Nǫ̀htsı̨ nàɂehdlò asį̀į̀là, eyıts'ǫ dǫ hazǫǫ̀ eyı ghǫ gıìkw'oo sìı sexè nàgeedlò ha,” hadı.

Hanìkò Nǫ̀htsı̨ yets'ǫ̀ hadı, “Eyı cheko eyıts'ǫ ts'èko negha eghàlaedaa sìı gıghǫ nànınewo-le. Nezaa Isaac ededı̨ wet'ǫ̀ǫ̀ nets'ıhɂǫ̀ǫ-dǫǫ̀ gǫ̀hłı̨ ha, eyıt'à Sarah dànèhdıı sìı k'èanet'e.

Eyı ts'èko negha eghàlaedaa weza sìı nets'ǫ wegǫ̀hłı̨ ne t'à, wets'ıhɂǫ̀ǫ-dǫǫ̀ łǫ gǫ̀hłı̨ ha,” Nǫ̀htsı̨ yèhdı.