Salmos 9 - 인기 성경 구절

공유

Läꜙjë̱ë̱ꜙ hi̱ˉ maˉdsooꜘ dsëꜗ kyahꜗ, chaˉ baˊ oˉjø̱hꜙ dsëˉ kiyhꜗ kya̱a̱hˊ hneˉ. Ji̱hˊko̱hꜘ saꜙ jä̱ꜗ hñiiꜘ hi̱ˉ hnaahˉ hneˉ, DSAˉJØ̱Ø̱Hˈ kya̱a̱nꜙ.

Läꜙka̱a̱ˉ tuhˉdsënꜙ hänˋ kyahˈ DSAˉJØ̱Ø̱Hˈ kya̱a̱nꜙ. Jmeenˋ juuˈ kihꜗ dsaꜙ haˉ läꜙ laꜗ heˉ jʉhˉga̱a̱ˉ heˉ jmeehˉ.

DSAˉJØ̱Ø̱Hˈ jnänˋ hä̱ä̱˜ läꜙjë̱ë̱ꜙ hi̱ˉ jëë˜ wɨɨꜘ. Kwayꜙ dsaˉta̱a̱yhˋ jeeˊ saꜙ hiiꜘ gooˉ läꜙ maˊ dsaˉngëëyꜘ heˉ wɨɨꜘ.

Taꜙlaꜙ kyahꜗ hneˉ baˊ jë̱ë̱ˉ dsënꜙ, hiꜙ cha̱a̱nˉ chaˉmiihˉ lluꜗ. Jmeenˋ jʉʉhˉ kyahꜗ DSAˉJØ̱Ø̱Hˈ kya̱a̱nꜙ jeeˊ hänꜙ kyahꜗ.

Llayꜗ taˊ kihˈ dsaˉ jmɨˉgyʉʉꜙ kya̱a̱hˊ juꜗdsooꜘ jmahꜗ. Llayꜗ taˊ kihˈ hi̱ˉ tä̱ä̱hˊ läꜙka̱a̱ˉ jeeˊ jwɨɨˉ läꜙko̱o̱ˉ laꜗ hihꜙ kiyhꜗ.