ลูกา 17 - 인기 성경 구절

공유

กะฆีเตอ_ เยซู มือเลา กะ ญา จะ_ “บีกัซ ปี เลอ. นู เกา ปือจายา อีนี_ บูวัจ บรี เกา ซือนัง บาฌิ ดัฮ เลอ.”

ตาปี มีเซ ญา บูวัจ ซาลัฮ กะ เกา_ ซืออารี ตูโฌฮ กาลี โปด_ ตาปี ญา อาเลฮ มาแรฮ มียา เกา_ บือกะ ตูโฌฮ กาลี อีตู เตอ_ มือเลา จะ_ ‘กู บราเลฮ ฮาตี ดัฮ’_ กือนา อาเกะ ซาลัฮ กะ ญา เลอ.”

ซือมียา ซืออูรัก เดะ ลูมอฮ อีตู_ ตานา ญา ลีฮัจ จะ_ ญา ซือนัง บาฌิ ดัฮ เตอ_ ญา อาเลฮ มาแรฮ ซารี เยซู_ บือซูระ บูริ_ มือโอจ กะ ตูฮัด เดะ อาตัซ เลอ. ญา ตือมะ มูคา รอจ กะ ตานัฮ_ เดะ โซะ กากี นะ เยซู_ บรี ซือลามัจ กะ ญา. ซือมียา อีตู เตอ_ ฌาดี ซืออูรัก เดะ บักซา ซะมาเรีย.

กะฆีเตอ_ กือนา ฌาฆา ญาวา บรี บาฌิ เลอ. “ดัฮ ดีบราดี บูวัจ ซาลัฮ กะ เกา_ กือนา อูจะ กะ ญา. ดัฮ ญา บราเลฮ ฮาตี_ กือนา อาเกะ ซาลัฮ กะ ญา เลอ.

กะฆีเตอ_ เยซู มือเลา จะ_ “ซือปูโลฮ อูรัก ซือนัง บาฌิ ดัฮ_ บูกัด เฆอ? ตาปี นู ซือมีลัด อูรัก อีตู_ อาดา ปัจ ดีฮา?

ตูฮัด เยซู ญา มือเลา จะ_ “ดัฮ ลูมอฮ กาเญา อาดา ลาฆู ปือจายา กิดีกิ_ ตารา บีฌี ตาโระ นู มิดือมิ ซือบีฌี_ กาเญา นะ ซูโรฮ ปูโฮด กายู อีนี จะ_ ‘เกา กือนา กือตัจ ฌากัยํ_ ปี ตานัม เดะ ลาโวจ เลอ.’ กะฆีเตอ_ ญา นะ บูวัจ ตูโรจ กะ กาเญา.

ซือมียา ดีฮา กือวาซา ตูโลก ญาวา ตะอาซิก_ บรี ดูโดะ ซือนัง เตอ_ ญาวา ญา นะ ฌาฮานัม เลอ. ตาปี ซือมียา ดีฮา นู ซรัฮ ญาวา นะ ญา_ บรี ฌาฮานัม_ ซือมียา อีตู นะ บือเลฮ ฮีโดะ ลือปัซ บาฌิ เลอ.

กะฆีเตอ_ เยซู มือเลา กะ มูเระ นะ ญา จะ_ “ฆาโดฮ อาดา ลาฆู แนฮฌือแนฮ_ นู นะ บูวัจ บรี ซือมียา ซาลัฮ ฌาลัด. ตาปี จือลากา เลอ_ ซือมียา นู บูวัจ บรี ซาลัฮ กะฆีเตอ. ดัฮ อาเมด บาตู ฆีลิก ตือโปก_ ฆาโตก เดะ ลีเฮ ซือมียา อีตู_ บือปี ฌาลา กะ ลาโวจ บูวัก เลอ_ บาฌิ เดะ นู นะ บรี ญา บาวา นานะ ดือมิ กะฆีนี_ ซืออูรัก โปด_ ปี ซาลัฮ ฌาลัด ดัฮ.

เดะ ฮาดัจ นะ โนฮา ลาฆู บือเลฮ บือฌาดี กะฮามี เตอ_ ฮาดัจ นะ นานะ นะ อูมัจ ซือมียา โปด_ นะ ฌาดี กะฆีเตอ ฌูฆา เลอ. กูญา บือเลฮ มากัด_ บือเลฮ โอะ_ บือเลฮ บือนีกัฮ_ อาเกะ บรี ฌาดี ลากี บีนี ฌูฆา_ ตือดะ รอจ กะ อารี อีตู_ นู โนฮา บือเลฮ มาโซะ กะ ดาลับ กาปัน บือซัยํ_ อาเย บือเลฮ อาโปฮ_ บรี โกะ ซือมียา ฌาฮานัม ฮาบิฮ.