یوحەنا 6 - 인기 성경 구절

공유

عیسا وەپێان وەت: «منم نان زنەیی دەر. هەر کەس باێه ئەڕا لام، ورسی نیود، هەر کەیش ئیمان بارێه پێم هەراێهەر تیەنی نیود.

روح خوداس که زنەیی بەخشی؛ جەسه وه هویچ دەردیگ نیەخوێ. قسیەیلی که مه وه گەردانەو کردمه، روح و زنەییه.

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

عیسا وه جواوێان وەت: «کار خودا ئیەسه وه ئەوه که کلی کردێه ئیمان بارن.»

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

شەمعون پتروس جواو دا: «گەورەم، بچیمنه ئەڕا لاێ کی؟ قسیەیل زنەیی ئەبەدی ها لاێ تو.

منم ئەو نان زنەیی دەره، هەر ئەوه که له ئاسمانەو هاته خوار. ئەگەر کەسێ له ئی نانه بخوێ، تا ئەبەد زنی مینێ. نانی که من ئەڕا زنەیی جهان بەخشم، جەسەێ منه.»

هویچکەس نیەتویەنی باێه ئەڕا لام، مەر ئیه که باوگێ که کلم کرد، ئەوه بارێده ئەڕا لاێ مه، منیش وه ڕوژ ئاخر زنیەو کەم.

چوینکه نان خودا ئەو کەسەسه که له ئاسمانەو تێدە خوار و وه جهان زنەیی بەخشێد.»

منم نان زنەیی دەر.

ئمجا عیسا نانەگان هەڵگرد و وەشون شوکر کردن، وەناو ئەوانه که دانیشتوین بەشەو کرد، هەر ئیجوره ماسیەگانیش، وه هەر کەس هەرچێ که تواسن دا پێان. وەختێ تێر بین، عیسا وه شاگردیلی وەت: «وردەکوتەیل که مەنێەسەو گردەو بکەن تا چشتێ وه کیس نەچود.»

وەختێ نزیک پەنج شەش کیلومتر پاڕو داوین، عیسا دین که وه مل دەریاچەگه ڕێ کردیا و نزیک قایقەگەوه بویاد. ئەوانه رخێان چی. وەلێ عیسا وەپێان وەت: «منم؛ ڕخدان نەچود.»