Иоанн 10 - 인기 성경 구절

공유

Харин хулгайшан гансал хулуухаяа, алахаяа, һандаргаха хюдахаяа ерэдэг. Харин би хүнүүдэй амидархын тула, тэрээнһээ гадна, хүнүүдэй юрын амидаралһаа үлүү амидаралда хүртэхынь тула эндэ ерээб.

Би шударгуу һайн адуулагшаб, шударгуу һайн адуулагшань хонидоо абархын тула ами наһаяа үгэдэг.

Минии хонид үгыемни дууладаг, Бишье тэдэнээ мэдэхэб, тэдэмни Минии хойноһоо дахажа ябана.

Би тэдэндэ мүнхэ наһа үгэнэб, тэдэ хэзээшье хосорхогүй, тэдэниие Намһаа хэншье буляажа абахагүй.

Үүдэ гээшэнь Биб. Хэн энэ үүдээр ороноб, тэрэ хүн абарагдаха. Тэрэ хүн үүдээр орожо, һүүлдэ газаашаа гараад, өөрынгөө бэлшээри олохо.

Би хадаа шударгуу һайн адуулагшаб. Би Өөрын хонидые мэдэдэгби, Минии хонидшье Намайгаа мэдэдэг.

Тэдэниие Намда үгэһэн Эсэгэмни бултанһаа холо дээгүүр юм. Минии хонидые Эсэгэһээмни хэншье буляажа шадахагүй. Эсэгэ бидэ хоёр нэгэн хамтабди.

Эсэгэмни Намайгаа мэдэдэгтэл адли, Бишье Эсэгэеэ мэдэдэгби. Би Өөрын хонидой түлөө ами наһаяа үгэнэб.

Минии ами наһые хэншье хороохогүй, харин Би Өөрөө ами наһаяа үгэхэб. Би ами наһаяа үгэхэ эрхэтэйб, Би ами наһаяа һөөргэнь абаха эрхэ засагтайб. Эсэгэмни Намда тиигэжэ захяа юм.

Иисүүс үргэлжэлүүлбэ: – Таанарта үнэн зүбые хэлэнэб: хонидой байрын үүдэ гээшэнь Биб.

Харин хүлһэншэн хадаа хони адуулагша бэшэ, тэдэ хонид тэрэнэй бэшэ. Тиимэһээ хүлһэншэн хонидтонь орохоёо ябаһан шонын дүтэлжэ байхые харахадаа, хонидоо орхёод зугададаг. Тиихэдэнь шоно хонидыень бариха, хонид иишэ тиишээ гүйлдэжэ тараха.

– Хониной хорёодо үүдээрнь оронгүй, ондоо тээгүүр шурган ородог хүн хадаа хулгайшан, дээрмэшэн гээшэ гэжэ үнэниие таанарта хэлэнэб.