मत्‍ति 4 - 인기 성경 구절

공유

कालाउ बुङ इसु दोअ्‌हि, “धरमकिताबता एसापा लेखेन्‍हाका हि, द्‍याङ तोलेसो खिनिङ माको, कालाउ बुङ परमेस्‍वरको नुइसो ओल्‍हेका ए ए कथनहोइ सिन्‍हुखे।”

कालाउ इसु इङकोहेङ दोअ्‌हि, “दियाबलस, ना दुरे हाने! हाइदोनु धरमकिताबता लेखेका हि, ‘ना परमप्रभु ताइको परमेस्‍वरहेङ खिनिङ बाखिन रो वाको खिनिङ सेवा पा।’”

इसु इङकोहेङ दोअ्‌हि, “लेखेन्‍हाका हि, ‘ना परमप्रभु ताइको परमेस्‍वरको जाच मापालि।’”

इङकोन्‍हुअ्‌सो पुनित हाङसा मासानको राजा दियाबलससो इसुहेङ कुकरमता फासेपालिको भाअ्‌सिङ उदादाङका थामेता चुमपुन्‍हाहि। वा न्‍हेकुरि दिना रो न्‍हेकुरि दिलिमाथिकापा म्‍हितुपाङ हिकान्‍हुअ्‌सो म्‍हितुहि।

इसु एम्‍बालाइहेङ दोअ्‌हि, “कासेहेङ पिताइसु, का नेलाइहेङ हाया माको, द्‍याङगेलाइहेङ काङकोता चुमाका बान्‍हायाङका।” कालाउ ओदोङघरि जाले लाअ्‌तेङ एम्‍बालाइ वासेहेङ पिताइहि।

इङकोङ पहरसो पारचार पातेङ इसु दोअ्‌लि तेङहि, “कुकरम पालि लाअ्‌का मन पासु, हाइदोनु सादेलको सारभि भेर्पाङ लोका हि।”